|
بستي مادري اشبها
سلام عليكم
انا عندي بسه تقريبا عمرها خمسه اشهر كانت اول لعوبه مره وتلعب بالكوره حقتها دحين فجأه ماتبا تمشي مادري تمشي بشوووووويش مافيها شي ولاطاحت ولا اتعورت كسلت مره تاكل وتنام مادري المكيف يأثر عليها؟ لانها تحب المكيف تشوف فين الهوا وتروح تنام عندو وتمشي خطوه وتوقف وخطوه وتوقف ايه الحل بقى واول ماتشوفني تجي جنبي ولا في حضني وتنام اكلها ممتاز تاكل وتشرب وكل شي حرارتها تمام تاكل دجاج وتونه وكل شي الحمد الله ابا الحل :88: يعطيكم العافيه |
رد: بستي مادري اشبها
وعليكم السلام
اغلبيه القطط بطبيعتها كسوله كل ماتكبر تبقى كسوله اكتر حاولى انتى تلعبيها وهى تتحرك معاكى ان شاء الله |
رد: بستي مادري اشبها
بيقولو كل ماتكبر تحلا وهادي كل ماتكبر تكسل هههههههه
يعطيكم العافيه |
رد: بستي مادري اشبها
و عليكم السلام
القطط لما تكبر يقل نشاطها كثير لكن 5 شهور مو كبيــــــرة يعني لسى ما انشغلت بالتزاوج ... اما المكيف فغلط جدا تنام تحتوا حاولي تخليها بمكان معتدل و ما تسمحيلها بالتواجد تحت التكييف |
رد: بستي مادري اشبها
المشكله انا ماخليها بس انام الاقيها جنبي اغطيها تقوم فوق المخده تطلع
عشان ماتتغطا دحين اجي ابا العبها كدا الاقيها ماتبا وتجلس حتى الكور ماتبغاها وي |
رد: بستي مادري اشبها
انا عندي مصطلح لتنشيط قططي اسمه التشريس
هو مو بمعناه انك تخليه شرس بس انك تخليه يلعب بقوه لدرجه انك تستغرب من حركاته البهلوانيه لعبه بخيط او شي يتحرك بتلاقيه يلاحق هذا الشي بدون تفكير وستجد بعد ايام ان النشاط قد عاوده من جديد |
رد: بستي مادري اشبها
مثل ما ذكر .. أفضل الألعاب الحبل أو الخيوط الصوف .. تحطين الخيط أو الحبل من تحت مخدهـ مثلآ وتظلين تسحبينه من الجهه الثانيه .. لين يبقى الطرف ويختفي تحت المخدهـ >> أتمنى فهمتي الشرح وبتشوفينها تجي جررررررري عليها .. خصوصآ هالعمر .. خمس شهور وهو عمر اللعب الشرس والدفاشه |
رد: بستي مادري اشبها
والله سويت كدا وجبت الصوف كانت تحب كره القصدير برضها ماتبا ولاشي
وتمشي شويا من مكانها وتوقف وتقول مياااااو ميااااااو لما اشيلها واوديها محل ماتجلس دايما ماتبا تمشي كتير ولا شي تبا تجلس في مكان واحد ولاهي حاره وبتروح الحمام طبيعي بس مادري ماتبا تمشي ولاطاحت ولاشي حركت رجلها عادي ولا تتألم وتاكل الحمد الله بس ماتبا تمشي تمشي شويا وتوقف يمكن البطاريه خلصت خخخخخخخ لا من جد والله ايش الحل معاها جبت فيتامين قلت يمكن ينشطها شي زي البودره لونو اصفر معرف اسمو والله ولا شي بس جالسه في واحد مكان للحمام وترجع ساعدوني بليز |
| جميع الأوقات بتوقيت GMT +3. الساعة الآن 01:54 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو