|
اللـــــــــــــــــــــه يخليكم ســـــاعـــدونــــــــــــي
السلام عليكم ورحمة الله وبركاته
اخواني ارجو انكم تساعدوني بخصوص الرمادي ابوي امس وداه لرفيجه وهو خبير في تربية الببغاوات وعنده 4 كاسكوالمهم ماابي اطول ابوي ماقالي انه يبي يقلقصه وده لرفيجه وقلقصوه وقرضو اظافره ودربه انه يركب على اليد بدون عض واليوم صاير هادئ مب عادته وماياكل بس شرب ماي وبعد مارجعت من المدرسه قعدت معاه لما وصلت اختي واقعدت وياه ، الحمدلله صار زين وياكل بس مب وايد طمنوني هل هذا شي طبيعي ولا لا؟ الهندي ورفيج ابوي دورو راسي الهندي يقول سبحيه ولتحطينه في مكان فيه مروحه ورفيج ابوي يقول لتسبحينه إلا كلش شووووي انا الي اعرفه وقريته الالعاب مهمه له ورفيج ابوي يقول لتحطون له العاب وارجو انكم تذكرون لي انواع الاكل الي اقدر اعطيها له مع العلم ان لون عيونه بنيه غامجه ولكم جزيل الشكر:) |
رد: اللـــــــــــــــــــــه يخليكم ســـــاعـــدونــــــــــــي
في موضوع انكتب من فتره عن المدربين و طرق تدريبهم ومنها أنهم يمزقزن عضلات الفك عن طريق أدخال الفك العلوي داخل السفلي لفتره طويله أو وضع عصا في نهاية الفك والضغط عليها فيصير الببغاء ما يعض ولا ياكل لمدة اسبوعين أو أكثرو بعدها يصبح شرس و متوحش طول حياته أرجوا منك تلاحظين فكه هل يوجد علامات تمزق يعني جروح أو خطوط غريبه حمراء أو بنفسجية ؟؟
اما الترويش فروشيه بكميات عادية و معقوله ألى أن يتبلل ريشه بس حاولي تبعدين عن الرأس و الأنف أما الطعام فهناك مواضيع عنه بس هو أكثر شي يحب 1- الفول السوداني 2- العسل 3- حب دوار الشمس 4- التفاح 5- الفواكه والخضروات بأنواعها ألا الأفكادو لأنه سام جدا و يسبب لها الموت المفاجئ و غيرها من الكثير بس الرمادي حقي ما ياكل دوار الشمس ولا العسل شي طبيعي مثل الأنسان يحب شي و يكره شي بس عموما هذي المفضله عنده |
رد: اللـــــــــــــــــــــه يخليكم ســـــاعـــدونــــــــــــي
لا اخوي الحمدلله مافي اي تمزق
ماشاءالله عليه اليف يركب على يدي وياكل من يدي ويخليني امسح على راسه وجسمه الحمدلله انا الرمادي مالي مب مقصر اي شي تعطيه ياكله:D مشكوررررررررررر اخوي وماقصرت على ردك السريع بس اخوي ممكن تقولي ليش بعد ماقلقصوه صار هادئ جدااا؟؟ واذا ماتعرف مب مشكله انتظر رد الخبراء ومشكور مره ثانيه الله يعطيك العافيه:) |
رد: اللـــــــــــــــــــــه يخليكم ســـــاعـــدونــــــــــــي
الحمد لله أنه سليم و معافى و أتمنى أنك تعرفين أن الرمادي من أفضل الببغاوات من ناحية الذكاء و تقبل البشر بس هو طائر يمل بسرعه فيجب مراعاته والعب معه أغلب أوقات فراغك هذا أولا
أنا أول ما شريت الرمادي كان يجعر و مزعج و ... ألى أن طلعته من القفص على طول أنخرس في ساعتها و صار شبه أليف أتوقع أن ببغائك يكون تعب من تغير الأماكن و يحتاج يستقر أذا كان ساكت و حذر هذا يعني أنه يحاول يتعرف على المكان أكثر مع العلم أن التصفير والكلام الواجد غالبا هو دليل على ارتياح الرمادي !! هذ كله من تجربتي و ما تعلمت كل هذا ألا من الممارسة و التعليم الذاتي و على الأغلب من هذا المنتدى الرائع |
رد: اللـــــــــــــــــــــه يخليكم ســـــاعـــدونــــــــــــي
اختي عاشقه الطيور رده فعل طبيعيه جدا بتأثر بعد قص الريش و سرعان ما سوف يعود كما كان وافضل ان شاء الله اما موضوع لون عينه بنيه و غامقه هذا موضوع جديد على الافريقي ليكون مو افريقي بس ؟ |
رد: اللـــــــــــــــــــــه يخليكم ســـــاعـــدونــــــــــــي
شكرا اخوي F9o0oLومتسر ميمو والله يكثر من امثالكم بس منتدى رائع صراحه هذي اروع واحلى منتدى شفته بحياتي طمنتوني :) لا اخوي افريقي وان شاءالله عما قريب بحط لكم صورته واتمنى انكم تقولون لي عمره |
| جميع الأوقات بتوقيت GMT +3. الساعة الآن 03:55 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو