|
يا أهل الخبره ببغائي العزيز ( بريسكي ) رفع ضغطي
السلام عليكم ورحمة الله وبركاته يشرفني ان اطرح لكم اول مشاركه لي في هذا المنتدى الاكثر من رائع لا اريد الاطاله عليكم ندخل بالموضوع انا اعشق الطيور بانواعها ولكن اول مره اتعامل مع الببغاء الافريقي شريته من اسبوع ونص تقريبا عمره على كلام البائع من 6 شهور الى 8 شهور وضعته بغرفتي وحاولت اني ادربه واجعله يألف علي وسميته بريسكي ولــــــــكن ؟ لاااااااا جدوى اول ما اقرب عليه يبدأ يجعر شوي ويسكت واذا حركت يدي يفتح فمه ويجعر حاولت اطعميه بيدي حب عباد الشمس ياخذ مني الحبه ويرميها حطيتله عسل على الحبه ونفس النتيجه يرميها او يلحس العسل ويرميها جلست معه على هذي الحاله لمدة اربع ايام وما تغير شي خامس يوم لاحظت عليه انه يعض اظافره غيرت مكانه ونقلته من غرفتي الى الصاله علشان لا يشعر بالوحده لاني ما اقعد معه كثير مع العلم انه دايم اخلي القفص مفتوح ولا اقفله حسيت ان طريقة تغيير المكان طريقه ايجابيه لانه بطل يعض اظافره وامس سمعته صفر صفيره صغيره جدا ولا عادها ولكن المشكله ان الصاله تقريبا 24 ساعه انوارها لاتطفئ يعني اللمبات دايما شغاله يعني احس انه ما ينام فماذا افعل يا اهل الخبره ابي ادربه وكل ما اقرب يدي عنده يفتح فمه واخاف يعضني مع اني المس راسه وهو يحاول يعضني ههههه رفع ضغطي ذا الببغااء وش اسوي تكفووووووون انا اسف جدا للاطاله ولكن مصر اني ادربه غصب |
رد: يا أهل الخبره ببغائي العزيز ( بريسكي ) رفع ضغطي
اهلا وسهلا فيك ومبروك على الطير وان شاء الله يتربى في عزك وعلى فكره البغبغاء الافريقي يختلف عن البغبغاوات الاخرى لو نجي حق وصف شخصيه الافريقي راح نشوف اشياء مختلفه بينه وبن الطيور الاخرى ومنها 1-بغبغاء حذر مرررره 2-متذمر 3-ملول 4-شكاك الى ابعد درجه طبعا هذه الاشياء لازم المربي ينبته لها في اول مراحل اغتناء الطير طبعا هذه للطيور المصيوده اما المنتجه في المزارع فيها تجي اليفه لانها تعودت على رويته البشر ..من صفات الافريقي الجيده انه ذكي مرررره ويعتبر من اذكى الطيور كلها 1- لديه القدره على حفظ وجوه الاشخاص الي حوله لديه 2-القدره على قراءه افكار البشر 3-يميز الالوان 4-يحفظ صوت مربيه 5-لديه القدره على حفظ اكثر من 800كلمه واشياء كثيره يتميز فيها ,,الان نجي الى كيفيه التعامل مع الافريقي في اول مراحل تربيته في شروط وقواعد لابد من المربي الالتزام فيها اول شيء ترك البغبغاء لمده شهر الي 40يوم اقل شيء كي يتاقلم ويتعود على الاشخاص الي حوله وهذا اول المراحل الصعبه لان البغبغاء فيه هذه البدايه راح يكون متوتر وخواف مرررره علاشان كذا لازم الشخص يتحمل ويهتم في النظافه وتغير الماء كل يوم وتنويع الاكل .مكان الطير لازم يكون في مكان مرتفع على زاويه الجدار بعيد عن اي تيار هوائي بارد او حار عدم التطفل على الطير في كل مررره يعني اذا الطير كان جديد يكون خواف وشكاك وكثره النظر فيه تربك الطير علاشان كذا احسن شيء تركه حتى لو جاعر افضل شيء ان الشخص يتجاهله شوي شوي مع مرور الوقت مع الاهتمام الطير راح يتعود ويتاقلم ويهدء وبيعرف ان مافيه اي احد راح يضره بعد هذه المرحله خلاص الطير راح يبحث عن صديق واقرب الاشخاص له هو المربي الشخص الي يهتم بس اهم شيء الصبر وطوله البال موفق ان شاء الله
|
رد: يا أهل الخبره ببغائي العزيز ( بريسكي ) رفع ضغطي
|
رد: يا أهل الخبره ببغائي العزيز ( بريسكي ) رفع ضغطي
الله يسعدكم حبايبي ويعطيكم الف عافيه يعني في هذه الفتره من شهر الى 40 يوم ما اقرب عليه ولا اعلمه غير اني انظف له واغيرله الماء والاكل ولاّ احاول اني العبه بفترات قصيره ومشكورين على الردود |
رد: يا أهل الخبره ببغائي العزيز ( بريسكي ) رفع ضغطي
أخوي جاب بغباء افريقي وكان يسوي نفس اللي تقول عليه
كم مع اعطيه حب ياخذها ويمرميها ويجعر وبحكم اني ربيت حيوانات وطيور سويت عليه معلم وقلت له انا ادربه لك في وقت قصير وجبت منشفه وعلى اساس بحطه في بانيو واحاول اطلعه من يدي بقلد طريقه واحد من الاعضاء المهم وانا شايله طلع راسه مادري كيف وعض اضبعي عضه ما انساها الى هاليوم وحطيته في البانيو وحاولت اطلعه ويعني شبه جبت نتيجه بس البغباء صار يكرهني كره ومرت شهور سافرت واخوي مو من الناس اللي ما يدربون ولا ويهتمون بس حط البغباء في الصاله ومشاءالله البيت مليان الناس حوله اغلب الوقت لما رجعت الحين صار والف عليهم ويمسكون راسه ونسى شئ اسمه جعير ويقلد اسماء واشياء بدون محد يدربه واليف يطلع يد اخوي بس اللهم اعطوه الامان وحسسوه انه فرد من العائله و على استاندر طول الوقت مو في قفص معليش طولت في الكلام وكثرت بس ان شاءالله تفيدك القصه |
رد: يا أهل الخبره ببغائي العزيز ( بريسكي ) رفع ضغطي
هههههههههههههههههههههههههههه
انا العض اللي خايف منه ما قصرت حبيبي يعطيك الف عافيه |
رد: يا أهل الخبره ببغائي العزيز ( بريسكي ) رفع ضغطي
ابشركم والحمدلله بريسكي صار ياكل من يدي امس وطلع اصوات تصفير باقي علي التحسيس على الرأس والطلوع على اليد انشالله قريب |
رد: يا أهل الخبره ببغائي العزيز ( بريسكي ) رفع ضغطي
اقتباس:
اسمع.. خليه دايم جنبك ... يعني مسافه 1 متر 2 متر وكل يوم قرب منــه .. لاكن لاتمسكه ولا تقـــرب منـــه كثيـــر ولا تتحرك حركات سريعه يعني خليـــه يحس بـ الامـــآن وان شاء الله بأقل من اسبــوع .. راح يترك التجعيـر . وبعدها نروح للمرحله الثانيه ابدأ أكلـــه بيـــدك .. لاكن لاتغصبه يعني حط الاكل في يدك وخليها بالقــرب منه وتحـــرك بشويـــش .. ولا تلصقها في فمه غصب عشان لا يحسبك تبي تأذيــه ومـــع الوقــــت يصير هو يجيــك وبعدها ابدا بالمرحله الثالــثه .. اعطيه الاكــل ومســح على راسه .. لاكن شوي شوي واستـــمر ... بعدين هو يصير يجي عندك وينزل راسه .. ويقلك حكني :D موفــــق |
رد: يا أهل الخبره ببغائي العزيز ( بريسكي ) رفع ضغطي
تسلم حبيبي kha6ab على هذي المعلومات انا اوقف جمبه بيني وبينه 20 سم ولا يجعر الا اذا رفعت يدي وابي احسس عليه يصير يجعر وبالنسبه للأكل الحمدلله امس اول مره ياكل من يدي بستمر على هذي الحاله اسبوع وبعدها ببدأ ادربه على حك الراس ربي يوفقك ويسعدك اخ kha6ab يعطيك العافيه |
رد: يا أهل الخبره ببغائي العزيز ( بريسكي ) رفع ضغطي
الله يوفقك
وقلنا على النتايج [: |
| جميع الأوقات بتوقيت GMT +3. الساعة الآن 05:32 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو