|
افريقي كاســـــــكو له عندي اسبـــــــــــوع استفــــــــسارات ,,
السلام عليكم ,, بدون مقدمات شريت افريقي قبل اسبوع ويوم وتعلم يطلع عاليد ماشاء الله بس الي الان ما اسمع له اصوات سمعت لة بس بصوت واطي وخفيف يالله ينسمع ولا يقولها كل وقت بعد الضهر بنص ساعة بس ,, ولاحظت علية ان شهيتة مفتوحة ماشاء الله الله وبصرااحة ياكل واجد حب شمسي لدرجة اني حسيت فية شي ولعوب وكل شوي ينضف نفسة تتوقوعن فية دود لني سمعت ان الدود يقتل الببغاء والافضل اخلية برا القفص ولا داخل ؟ ودايم الاحظة ينعس وانا ادخلة من المغرب الي بكرا الساعة 10 ومع كذا ينعس دايم وش الحل ؟ يخاف اني امسح علية وش الحل فية طريقة الاحظة لو امسح علية يهز راسة بقوة ويخاف من اصابعي كل شوي يلتفت علي اصبع ؟! ومن ناحية الالعاب فية محل في شرق الرياض يبيع شغلات حلوة ورخيصة ؟ الي الان ما سميتة ياليت تقترحون لي باسم زين لة ولازم اودية لبيطري ولا دام امورة زينة اخلية علما ً ان كان عندي درة جلست معي سنة كاملة ولا تعبت ولا مرة الافريقي مثلها ولالا واسف علي الاطالة والف شكر لكم ,, |
رد: افريقي كاســـــــكو له عندي اسبـــــــــــوع استفــــــــسارات ,,
خخخخخخخخ
انا احسبك تقول مشتريه لك سنتين خخخخخ ياخوي الكاسكو يبيله وقت على شان يتعلم الكلام وحلوو اذا انه تعلم الطلوع على اليد باسبوع هذا يدل على ولافة الطائر بالنسبة للدود شوف اذا عظمة الصدر بارزه ولا لا انت روش البغبغاء على الاقل في الاسبوع مره اذا البغبغاء يكون ينعس في الظهر هذا يدل على ان البغبغاء فيه كسل انت حطه في صالة البيت وقت الظهر والعصر وشوف اذا نعس ولا لا اذا كان عندك ستاند خل بغبغاءك عليه افضل من داخل القفص يعني القفص خله للنوم اما لمكان بيع الالعاب والله مادري وين لاني ساكن بجده يفيدوك اهل الرياض |
رد: افريقي كاســـــــكو له عندي اسبـــــــــــوع استفــــــــسارات ,,
يبي له وقت وسبوع غير كافيه وتراك تسرعة بتدريبه على الصعود لليد هذا خطاء الطير اتركه ثلاث اسابيع غير له اكل ومويا بعدين ابداء معه تمسييح سبووع بليوم 5 مررات الاسبوع الثاني تطليع على اليد بليم 5 مررات كرر هالطريقه وعطه عسل بصبعك راح يولف ويحبك
|
رد: افريقي كاســـــــكو له عندي اسبـــــــــــوع استفــــــــسارات ,,
الافضل تسوي فحص للطائر مو شرط توديه للبيطري يكفي تاخذ طبق أرضيه القفص للبيطري وهو ياخذ عيته من فضلاته أعزك الله ويرسلها للمختبر واذا فيه دود أو غيره راح يبان بالفحص
بس يكون طيق أرضيه القفص فيها فضلات حديثه أقل من ساعة ما أنصح تنقل الطير للعيادة اذا مو ضروره خاصه اذا فرخ تغيير الجو يبهدل الطير والله يحفظه لك |
رد: افريقي كاســـــــكو له عندي اسبـــــــــــوع استفــــــــسارات ,,
اقتباس:
ومن ناحية عضمة الصدر بالعكس الطير ملييان ومتعافي الحمدلله ولك الشكر علي ردك ,, اقتباس:
والف شكر علي المعلومات يالغالي ,, اقتباس:
وان شاء الله بودية بكبرة ينفحص بس مشغول بالدارسة هذي المشكلة وعندي استفسار ثاني مهم هو يحب التفاح والعنب واذا جا ياكل يعضها ويعصرها في فمة ويلفظها ما ياكلها وش الحل فيه ؟ ولكم التحية ,,, |
رد: افريقي كاســـــــكو له عندي اسبـــــــــــوع استفــــــــسارات ,,
اقتباس:
لاتهمل الامر ولا توديه ودي بس طبق ارضية القفص عشان تطمن وترتاح |
رد: افريقي كاســـــــكو له عندي اسبـــــــــــوع استفــــــــسارات ,,
لاياكلها
هذه طريقهالببغوات باكلها انت اتحس انه ماياخذ شي منها بس ماعليك ياخذ منها ويرمي الباقي |
رد: افريقي كاســـــــكو له عندي اسبـــــــــــوع استفــــــــسارات ,,
هلا اخوي الاخوان ماقصرو معاك بالنسبه للطير باين عليه ان ان صحته ماشاء الله زينه الله يحفظه لك ان شاء الله طبعا الطير يحتاج تدريب وترديد الكلمات له والطير عندك اسبوع او اسبوعين ترى بدري على الطير لان في التدريب بعض الاحيان الطير يجلس من شهر الي ثلاثه شهور وهذا يعتمد على مدى تاقلم الطير الموضوع بالاختصار يحتاج الي صبر وطوله بال
|
| جميع الأوقات بتوقيت GMT +3. الساعة الآن 09:31 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو