|
الكاسكو ومشكلته مع الفواكة - أرجوا منكم الأفادة
السلام عليكم ورحمة الله وبركاته أخواني فية شي محيرني !! عندي كاسكو فرخ تقريباا 7 شهور ,, لكن !!!! مايتقبل الفاكهه ,, مجرد ماقدمها له يقطعها بكل شغف كأنه بياكلها لكن يرميها مااشووفها تدخل فمه ,, يصير مجرد يقطع الفاكهه ويرميها بدوون بلع \ بس العنب ياكله ويحبه ويشرب الماء اللي داخل العنب ,, مع العلم اني ماقدم له الفاكهه بشكل دائم ,,, انا أقدم له حبووب مخلوطة مع فواكهه مجففه. شنوو الحل وهل هالحالة طبيعيه ..؟؟؟ ولا لأنه فرخ ماقدم له فواكهه ..؟؟ وهل الاكل اللي أقدمه له بشكل يومي ( حبووب مخلووطة مع فواكة مجففه ) سليم ..؟ وشآكر لكم :88: |
رد: الكاسكو ومشكلته مع الفواكة - أرجوا منكم الأفادة
وعليكم السلام ورحمة الله
اخوي شي طبيعي حركات الطير لانه غير متعود على الاصناف اللي تقدمها له تدرج معه بالخضروات الورقية ثم الفواكة لكن لاتكثر مجرد تنويع ولا تجبره على شي معين الخلطات الجاهزة حبوب + فواكه مجففه مفيده جدا لكن لازم الطير يتعود عليها اطلع على المواضيع المثبته عن تغذية الكاسكو لمعرفة الاغذية المحظورة والسامة مع اطيب التمنيات |
رد: الكاسكو ومشكلته مع الفواكة - أرجوا منكم الأفادة
بما أنه فرخ حاول اتقدم له كل الانواع خضار أو فواكه
حتى بتعود عليها حتى االفاكهة الي يقطعه ويرميه ماعليك يدخل منه شي لمعدته والدليل قال لي طبيب انه لو وزنت الطير قبل الفاكهة واعطيناه فاكهة يقطعها ويرميها ووزناه بعدهاراح يختلف الوزن وهذا يعني ان الطائر يمتص من القطع شي يدخل معدته ونصيحة عطه كل شي تقدر عليه وهو مازال فرخ عشان ما يستنكرها لكبر بس بانتظام وقتها لو يموت جوع ما اكل الا الحبوب لاتيأس وأذا تبي تعطيه بس 3 مرات بالاسبوع فاكهة لاتقدم له نوع واحد قدم طبق فيه قطع بسيطة من كذا نوع للفاكهة ومرة قدم له نوع فقط وهكذا ومع الوقت راح تعرف الانواع المحببه له.. عن نفسي مع ببغواتي احاول ما يخلو القفص من نوع اضافي مع الحبوب المشكلة ولا اكثر منها مثلا الحبوب المشكلة متوفره 24 ساعة بس احط لهم ذره مسلوقة قليل منها وبعدها بساعتين احط أعواد مكرونه أندومي مسلوقة قليل منها وبعدها بفترة قطع صغيرونه من نوعين فواكة ولا قطعة بسكويت وهكذا ودي ياكلون من كل شي شوي .. وهذا نظام اتعبته مع الدرة ومن كانت فرخ وحاليا ما تستنكر اي أكل جربته وهي فرخ .. اتمنى اكون أفدتك |
رد: الكاسكو ومشكلته مع الفواكة - أرجوا منكم الأفادة
يا عزيزي الكاسكو بطبعه حذر يعني اذا حطيت له اكل غريب بالمعلف ما راح يأكله.................
قدمها بشكل مشوق يشد الطائر . قطع التفاح مثلا وعلقها بسلك معدني بالقفص او قطعها وارميها بأرضية القفص راح شوي شوي يتعود عليها |
رد: الكاسكو ومشكلته مع الفواكة - أرجوا منكم الأفادة
افادوك الاخوان جزاهم الله خير
بس انا انصحك بالتفاح والعنب |
| جميع الأوقات بتوقيت GMT +3. الساعة الآن 06:22 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو