|
اليكم طريقه تصحيح اخطاء الكلاب
السلام عليكم حبيت اكتبلكم عن طريقه تصحيح اخطاء الكلاب تصحيح الخطا يكون عن طريق صدم الكلب عن طريق الليش<<<<----- مالقيت كلمه معبره لكن حاولو تفهمونها --------------------------- اول شي يجب مراعاته هو المستوى المطلوب بالتصحيح ( تختلف من كلب لي كلب soft dogs or hard dogs ) السوفت والهارد مالها اي علاقه بنوع الكلب ولا حجمه ولا جنسه انما تختلف من كلب لي كلب يعني ممكن يكون كلب زينه هارد دوق وكلب جيرمن شبرد حجمه كبير يكون سوفت دوق حاول تحدد لفل التصحيح من 1 لي 10 1= صدمه بسيطه جدا 5= صدمه قويه 10= صدمه قويه جدا ----------------------------------- مع ال soft dogs تحتاج بالكثير لفل 3 مع ال hadr dogs تحتاج يمكن لفل 8 او ممكن 10 ---------------------------------- في 3 انواع من التصحيح الاول:- تكون الصدمه قويه زياده عن اللزوم وتلاحظ ان الكلب دخل ذيله بين رجله و انبطح عالارض وبعدها يرفط يلعب او ياكل الثاني:- تكون الصدمه قويه بحيث انك تخلي الكلب يقول (owch) وينفذ المطلوب منه (هالمستوى من الصدمه يطلع الكلب من الدرايف وهذا هو المطلوب) الثالث:- تكون صدمه خفيفه جدا بحيث ان الكلب ينتبهلك شوي وبعدها يكمل الغلط الي كان فيه ---------------------------------- انت بينك وبين كلبك حاول انك تعرف اللفل المطلوب بحيث تخلي الكلب يقولك (owch) ويبطل الغلط الي سواه هاللفل عند بعظ الكلاب ممكن يكون 3 وعند بعظ الكلاب ممكن يكون 7 او 8 --------------------------------- الاخطاء عند بعظ المدربين بالتصحيح :- 1_ الصدمات البسيطه المتتاليه (هالطريقه تزيد من درايف الكلب) 2_السحب بدال الصدمه (السحب=مجرد سحب الكلب للخلف) 3_الصدمات القويه جدا 4_تصحيح لكلب لايعرف المطلوب منه ولا يتقن الامر المطلوب 5_تصحيح لكلب عمره اقل من 5-6 شهور -------------------------------- دايما لمن الكلب يستجيبلك بعد التصحيح كافئه وطبطب عليه طبعا سبب المكافئه اهو انه سمع كلامك و ماسوه الشي الي انت ماتبيه يسوي ------------------------------- ملاحظه :- الموضوع غير منقول المعلومات هذي جايبها من مدرب معروف عالميا ل2zoo |
رد: اليكم طريقه تصحيح اخطاء الكلاب
السلام عليكم ورحمة الله وبركاته ..
يعطيك العافيه اخوي تركي على الموضوع الجمييل بس عندي جم سؤال اذا ممكن ؟ ١- شنو اهي الاخطاء التي تقصدها ؟ ٢- انت ذكرت بالاخطاء رقم 2 (( 2_السحب بدال الصدمه (السحب=مجرد سحب الكلب للخلف) )) شلون يعني السحب بدال الصدمة ؟ شنو تقصد بالصدمه ؟؟ ٤- وهل الطريقة تناسب جميع الاعمار ؟ --------------- اسمحلي على الاسئلة بس لان الموضوع مهم وشدني وحبيت اتعمق فيه بصراحه :) |
رد: اليكم طريقه تصحيح اخطاء الكلاب
اقتباس:
وتشرفت بمرورك العطر :) |
رد: اليكم طريقه تصحيح اخطاء الكلاب
يعطيك العافيه اخوي جاسم على الرد والتوضيح
والله انا الي يشرفني شخص مثلك نشوف منه مواضيع حلوه ومشوقه بس عندي نقطة اذا تسمحلي بتكلم فيها .. انت قلت تصححله غلطاته بعد مايكمل ال 5 شهور بس في غلطات الجرو يسويها ولازم انك تعلمه عليها من اهو صغير تحت ال 5 شهور مثل اعزك الله واعز الجميع التبرز - اكله لبرازه - العض ..يعني الي فهمته انت تقصد التدريبات المتعلقة بتدريبات الطاعة ( الجلوس - الانتظار - الانبطاح الخ..) تسلم مرة اخرى على الموضوع وبانتظار جديدك ;) |
رد: اليكم طريقه تصحيح اخطاء الكلاب
بارك الله في اخي جاسم على الموضوع الرائع انا مع الاخ جاسم لان الكلب لايمكن تصحيح اخطائه قبل 5 شهور
لانه لا يعي ما يفعل ولا يعلم ما تريد منه اصلا |
رد: اليكم طريقه تصحيح اخطاء الكلاب
اقتباس:
اول شي بالنسبه للتبرز ممكن انك تعلم الجرو انه يقظي حاجته بالامر و و كافئه اذا وخر عنه وماكلاه واذا حاول انه ياكله قوله (نوووو) و وخره عنه... وهاجرو يحتاج متابعه اثناء التبرز.... و اوقات التبرز معروفه....بعد الاكل والصبح وبعد التمرين او اثنائه وبالنسبه للعظ هم ماينفع تصححله كل الي تسويه انك تصدر صوت يبين للكلب ان عضته فيها الم.... لان الجراء بينها وبين بعض تلعب وتستكشف عن طريق العض و اذا عظوا بعظ مايوقفون الا اذا واحد فيهم طلع صوت عواء وهذا يبين للجرو انه في الم ستوب او الطريقه الثانيه انك توريه ان في شغلات افضل و اونس من الايد ممكن يعضها يعني لي حاول يعض ايدك لعبه بال (tug) راح يستانس عليها اكثر من عض الايد التصحيح بالواقع للجرو بعمر اقل من 5 شهور ممكن بامر واحد الي اهو امر الاستدعاء (come) طبعا بتقول شمعنا هالامر الي ممكن نصححه لان هالامر ممكن ينقذ حياه الكلب لو كان يعرفه وممكن صاحب الكلب يفقد كلبه في حاله ان الكلب مايستجيب لهالامر مثال :- لو الجرو يركظ و متوجه للشارع ممكن انه يحاول عبور الشارع وتصدمه سياره لاسمح الله لو كنت تناديه ومايهتملك لاكن العكس صحيح لو كان متجه للشارع وناديته واستجاب للامر بهالحاله انت انقذت حياته اتمنى تكون وضحت اكثر :) |
رد: اليكم طريقه تصحيح اخطاء الكلاب
اقتباس:
|
رد: اليكم طريقه تصحيح اخطاء الكلاب
انا الي يشرفني وسعدني ان نكون اصدقاء
|
رد: اليكم طريقه تصحيح اخطاء الكلاب
يعطيك العافيه اخوي جاسم شاكرلك جهودك وتواصلك
وفعلا امر النداء يعتبر من اهم الاوامر التي يجيب ان يستجيب لها الكلب لك خالص التقدير والاحترام :) |
رد: اليكم طريقه تصحيح اخطاء الكلاب
اخوي ايمن مبارك تسلم عالكلام الطيب وبالنسبه لرسالتك انت قافل الصندوق الوارد ماقدر ارد عليك
اخوي بوفهد الله يعافيك والعفو ماسويت شي طال عمرك ياما تعلمنا منك ياخوي (العين ماتعلى عن الحاجب) تتدلل انت |
| جميع الأوقات بتوقيت GMT +3. الساعة الآن 08:14 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو