|
:::أبغى أرائكم ونصايحكم بمشروعي :::
بسم الله الرحمن الرحيم كيف حالك يا طيبين يا حلوين أتمنى تكونو بأسعد وأحسن حال طبعا انا في براسي مشروع بس طبعا قبل ما اسويه قلت لازم اشوف أرائكم واقتراحاتكم عشان الاخطاء تقل وأأمن معيشة سليمة للحيوان الي بجيبه طبعا هالقفص الي بتشوفوه تحت أبوي بناه لي عشان أربي فيه حيواناتي من 5 سنوات وأول حيوان وأخر حيوان ربيته في هذا القفص هو قرد من نوع بابون والحين احنا في فصل الصيف وافكر أزرع داخل هالقفص عشب عشان الجو حار فالعشب ممكن يبرد على الحيوان الي بيكون داخل كل ما أرش وأسقي العشب أيش رايكم في هالخطوة زينة ولا في فرش أفضل من العشب الطبيعي قالولي ان الرمل أحسن بس مشكلته انه حار مرة الفكرة الثانية أفكر أسوي بركة صغيرة داخل القفص أيش رايكم فكرة حلوة ؟؟ الحيوان الي بشتريه ممكن يشرب وممكن يتسبح داخل هالبركة ويبرد على نفسه ثالث فكرة وهي أبحط ولازم أغطي القفص من فوق عشان اشعة الشمس والي بسويه بحط طبقة خشب وفوقها شينكو ايش رايكم أخيرا أيش تنصحوني حيوان حلو كذا يتحمل المعيشة بالسطح أنا بصراحة أفكر أجيب أنثى قرد بما أنها أهدى من الذكر أيش رايكم أبغى أفكار زيادة و أقتراحات حلوة ومميزة وانشالله بمساعدتكم راح أطلع احلى قفص ايه صح نسيت اوريكم صور القفص [IMG]http://im4.gulfup.com/2011-06-16/1308172211461.jpg[/IMG] [IMG]http://im4.gulfup.com/2011-06-16/1308172211932.jpg[/IMG] [IMG]http://im4.gulfup.com/2011-06-16/1308172211323.jpg[/IMG] وابغى تفاعل وأعذروني عشان طولت عليكم بس من كثر الحماس وشكرا محبكم / Anooos_ anas al refai :) |
رد: :::أبغى أرائكم ونصايحكم بمشروعي :::
معلييييش نسيت أقولكم أطوال القفص
الطول 1.50 متر العرض 4.50 متر ارتفاع 2 متر |
رد: :::أبغى أرائكم ونصايحكم بمشروعي :::
هلاوالله....
المكان حلو وكبير.. ومن رأيي ان من يتحمل الحراره هم الطيور والدجاج والبطط.. ومع تمنياتي لك بالتوفيق.. |
رد: :::أبغى أرائكم ونصايحكم بمشروعي :::
شكرا لك حبيب قلبي
والله بيني وبينك طيور ما ابغي |
رد: :::أبغى أرائكم ونصايحكم بمشروعي :::
رايي انك تفصلك عشة جديدة خصوصآ ان هذاي لهآ خمس سنوات ماقصرت وتكبر الحجم دامها بالسطح
اوتصلح العشة الي عندك الشبك شدة الي على اليمن ولوترشهآ بواية افضل من الصداء وتغطي كامل السقف باعزال والجوانب وتخلي فتحات تهوية او تغطي كامل وتخلي فتحة ومروحة تهوية 200 سم وتركب لمبتين داخل العشة والارضية الرمل افضل الرمل ترشة بماء في اليوم مرتين ويصير بارد مشكلة الزرع تجلب الحشرات والدودوهالمشكال$ حطلك ارانب و وبران ووينتجون عندك وتوسع صدرك بل هالقرد لحالة:D أمزح :Dوبالتوفيق |
رد: :::أبغى أرائكم ونصايحكم بمشروعي :::
والله يا حيالله ziir
نورت يا غالي رايك حلو مرة وفكرت فيه وشاورت ابوي فيه لكن ما وافقني يقولي الارانب وهم صغار كان عندهم 144 جوز بغرفة كبيرة مرة داخل مزرعة ويقول ريحة وقرف وقلق وقالي خلك عالقرد أفضل عشان القرد يتحمل حر وبرد بنفس الوقت وبيونسك بخفة دمة قلت له خلاص زين الي تبغاه وفكرتك أعجبتني مرة وصملت عليها لكن غيرت رايي أبغى حيوان كذا زي القرد أو الرتم بودي بواحد هو حلو يتحمل حر بس مشكلته أكله يعتمد على اللحوم الله يعييين انشالله ونورتني بمرورك والله يا غالي |
رد: :::أبغى أرائكم ونصايحكم بمشروعي :::
بس اقرد مو حلو فكر وش يسوي فيك يمكن يخرمشك او يطلع دمك والله المستعان
من جهتي يصلح امم للارانب بس المشكله تفطس بالحر مثل ماصار لي :( القرود حلوه بس مشاغبه بشكل :) |
رد: :::أبغى أرائكم ونصايحكم بمشروعي :::
ملاحظه : اكل الارانب اسهل لك :)
|
رد: :::أبغى أرائكم ونصايحكم بمشروعي :::
يا هلا والله بأختي عبورة
والله بيني وبينك الارانب ما تعيش بالحر وبجو مثل كذا ونورني مرورك |
رد: :::أبغى أرائكم ونصايحكم بمشروعي :::
شوف اخوك لكل واحد راي الانه كل واحد يحب حيوان معين
انا عن نفسي القفص هذه ماينفع لتربيه القرد ابدا القرد يبي اليه خشب وشجر وزي كذى ربي فيه حمام نصيحه لك الانه يستحمل الحر والبرد بأذن الله وكثير الانتاج |
| جميع الأوقات بتوقيت GMT +3. الساعة الآن 10:57 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو