منتديات تو زوو - طاارئ ساعدوني

منتديات تو زوو (http://www.2zoo.com/vb/index.php)

- سؤال و جواب لقسم هواة الكلاب (http://www.2zoo.com/vb/forumdisplay.php?f=38)

- - طاارئ ساعدوني (http://www.2zoo.com/vb/showthread.php?t=222862)

طاارئ ساعدوني

السلام عليكم ورحمه الله وبركاته
كيفكم شباب عصابكم بالف خير وعافيه

تكفووووووووووون ساعدوني افيدوني
كلبتي الهايكسي سبيريا عمرها 46يوم تقيات مرتيت يومين متتاليه
وللعلم انها تاكل زين وتلعب كثير لاكن مسالت التقيء خوفتني

رد: طاارئ ساعدوني

شيء طبعي بس يمكن الأكل الزائد مئثر عليها

تحياتي

رد: طاارئ ساعدوني

من المحتمل انك تخليها تبذل مجهود
او تلعب معها بعد الاكل مباشتا
وهذا خطأ لان معدتها بتكون مليانه
الافضل ان يتم التدريب واللعب بعد
الاكل بساعتين على الاقل
تقبل مرورى

رد: طاارئ ساعدوني

الله يخليكم طمانتوني
على فكرة انا اشتريت دراي فود نوعpedigree
لاكن من جيت للبيت حصلت اني اختها بالغلط والاكل مخصص للكلاب البالغه من الحجم الصغير الدي يبداء وزنها من كيلو واحد الى 10 كيلوا وللاسف اخدته من سوبر ماركت وورقه الاشتراء ضيعتها وهل بيضرها هدا النوع او شو على فكرة فيها حبات مو رطبه صعبه التكسير شيئا ما زي العضام هل كلبتي يمكن ان تستفيد من هدا الاكل او خلاص ممكن فديتكم تعطوني صورة لدراي فود الي بيصلح لها مع صورةله ولجدول عمر الجرو والمقاس الي بحصل شان اشتري زين ادا هدي الي معي ماعادت تصلح

رد: طاارئ ساعدوني

السلام عليكم ورحمة الله وبركاته ..
شوفي اختي انا ازيد على كلام الاخوان القيئ ايضا من اسبابه الاكل بسرعه ..يعني اذا شفتي الجرو ياكل بطريقة سريعه اوقفيه لمدة دقيقتين وخليه يرجع ياكل مره ثانيه وكذلك عند شرب الماي .
وبالنسبة للاكل فانصحج انج تشترين حق ال puppies وهذا خليه عندج الى ان يكبر بس طبعا خزنيه بطريقة مناسبه (( اذا كان من النوع الي يكون فيه شريط لقفله ممتاز واما اذا لم يكن فخليه في الثلاجة لانج فتحتيه ))

وبالنسبة للانواع مومشكله اي نوع تحصلينه بالسوبر ماركت يخص ال Puppies اخذيه

كمية الاكل

بتلقينها موجود خلف العلبه وبيكون مكتوب عمر ووزن الجرو

طريقة عمل الاكل

طبعا تحطين لها الدراي فود وترشين عليه شوية ماي عشان يكون سهل الهضم على الجرو

اوقات الاكل

ثلاث وجبات يوميا مقسمة على الافطار والغداء والعشاء

-------------------------------------
ان شالله اني افدتج في اختصار واذا في استفسار تفضلي ..

رد: طاارئ ساعدوني

اقتباس:

المشاركة الأصلية كتبت بواسطة Abo_fahed (المشاركة 2150585)

مشكوووووووووووووور اخوي ربي يخليك ولا هنت فديتك
جوابك شافي

رد: طاارئ ساعدوني

وعليكم السلام ورحمه الله وبركاته..

مشاءلله اخوي ابو فهد ماقصر..

ماتشوف شر

موفقه

رد: طاارئ ساعدوني

بنت المغرب (( مشكوووووووووووووور اخوي ربي يخليك ولا هنت فديتك
جوابك شافي ))

العفوو ولو ماسويت شي ..حاضرين باي وقت :)
------------------------------------------------------------

رد: طاارئ ساعدوني

Nona99 (( وعليكم السلام ورحمه الله وبركاته..

مشاءلله اخوي ابو فهد ماقصر..

ماتشوف شر

موفق ))

تسلمين اختي نونه وكلنا نعين ونعاون :)

رد: طاارئ ساعدوني

واللهي الشباب ما قصروا يعطيكم العافية