|
ارجوا المساعده العاجله
السلام عليكم
قططي الصغار اشكالهم مخيفه لغيري >>>>>> انا تعودت عليها خلاص <<<<< يعني ماهي طبيعيه مع انهم كثيري الحركه واللعب واعمارهم على حسب كلام البيطري من شهر الى شهر واسبوع والى الان يرضعون بس اليومين هذه قاموا ياكلون شويه من اكل امهم وهذه صورة واحد فيهم http://hh7.net/May6/hh7.net_13065317291.jpg طبعا بقيت اخوانه نفس الحاله ما عدا واحد فيهم اسود مو باين عليه شي ممكن عشان لونه البيطري يقول هذه فطريات وسببها ثدي الام واعطى الام ابره ومعقم لثدي وبالنسبه للصغار اعطيهم مرهم ينحط على الوجه و بقيت الجسم بمعقم ومن يوم اخذت الابره ويجيها اسهال الى اليوم واليوم رحت وكلمته قال اعطيها علاج اسهال عن طريق الفم قلت له ما اقدر واعطاني دواء احطه في المويه وتشرب منه انتم ايش رايكم بصراحه احس ان البيطري من جنبها هذه القصه وعندي اسئله 1- عندي الصغار يسون حاجتهم على الارض في اي مكان واش الحل معهم طبعا انا ماني حابسهم ولاني حاط قفص لهم بس مضطر كل شوي انظف وراهم هل احطهم في قفص وارتاح مع ان اليتربوكس قريب منهم والا عشان امهم تستخدمه هم ما يستخدمونه يمكن الحل احط لهم ليتربوكس خاص فيهم 2- الصغار زي ما قلت في البدايه صاروا ياكلون شويه من اكل امهم يعني قليل مره هل فيه اكل اقدر اعطيه لهم طبعا لا احد يقولي اطبخ وسوي وماني عارف ايش لاني مالي في هذه السوالف يعني بالعربي يكون اكل من محلات القطط او سيريلاك اعرف اني ثقلت عليكم لكن تحملوني شوي وانا شاكر ومقدر لكم |
رد: ارجوا المساعده العاجله
ياقلبهم الكيتز فطريات جرب البيتادين ومرهم كانستين مرتين باليوم
وعندي اسئله 1- عندي الصغار يسون حاجتهم على الارض في اي مكان واش الحل معهم طبعا انا ماني حابسهم ولاني حاط قفص لهم بس مضطر كل شوي انظف وراهم هل احطهم في قفص وارتاح مع ان اليتربوكس قريب منهم والا عشان امهم تستخدمه هم ما يستخدمونه يمكن الحل احط لهم ليتربوكس خاص فيهم عادي كل الصغار بالبدايه كذا جيب لهم ليتربوكس حوافه قصيره ولما يصلحوها على الارض شيله وخليه بالتراب وامسك اللي عمل العمله:D وخليه يدفن مع الوقت بيتعودون بس الاهم نظف الارض بمعقم ريحته قويه شوي 2- الصغار زي ما قلت في البدايه صاروا ياكلون شويه من اكل امهم يعني قليل مره هل فيه اكل اقدر اعطيه لهم طبعا لا احد يقولي اطبخ وسوي وماني عارف ايش لاني مالي في هذه السوالف يعني بالعربي يكون اكل من محلات القطط او سيريلاك والله مشكله:o اكل البيت افضل جرب السيريلاك والاجبان مثلث كيري زبادي قليل دسم خبز توست ودراي فوود للكيتن وفيه ويت فوود للكيتن بس المعلبات مو كويسه زي اكل البيت اما الام اعطيها مهلبيه بدون سكر او سيريلاك طول اليوم عشان الاسهال ولاتحط الدواء بالمويه |
رد: ارجوا المساعده العاجله
بالنسبه للام جيت اروشها ما قدرت
يادوب حطيتها في المويه وتشرد بالقوه رشيتها بالمويه ويهي تتحرك مافيه شي يهديها رجولها صايره صفرا من الوسخ وماني قادر اروشها زين |
رد: ارجوا المساعده العاجله
لاتحطها بمويه
دخلها الحمام وقفل الباب وامسك الشور وبلل شعرها وبعدين افركها ب شامبو فافو او نيزورال واتركه شويه بعدين اشطفه بالشور اسهل من انك تدخلها المويه او خذها لمحل يعطوها شور بس لاتتركها وقف على راسهم واشتري لك بودره الدراي كلين وفيه كمان بخاخ واستعملهم لتنظيفها هي والكيتز |
رد: ارجوا المساعده العاجله
اقتباس:
وهل علاجهم يطول وكم مدة العلاج وهل اذا ما تعالجت ممكن تتكاثر او مع مرور الوقت تروح |
رد: ارجوا المساعده العاجله
اقتباس:
بودرة الدراي كلين والبخاخ ماعرفتها ممكن صور لهم لا هنتي |
رد: ارجوا المساعده العاجله
تيب هذا الكريم
http://dc16.arabsh.com/i/03001/k09khtpoz9mc.jpg والبيتادين الاخضر المعروف كلهم من الصيدليه البشريه اول شي تحط البيتادين وتتركه لحد ماينشف شوي استعمل عود القطن اسهل لك او البس قلافزعشان مايعدونك وبعدها ادهن الكريم يطول العلاج شوي بس لازم تستحمل لو تركته بيزيد وعرضهم للشمس لو شوي ومكانهم كله يتعقم ويمسح بديتول وسرايرهم او فراشهم يغسل صوره الدراي كلين http://dc08.arabsh.com/i/03001/ap7y2xrozyb5.jpg البخاخ (مع ليش تاخرت بس رحت اصوره) http://dc09.arabsh.com/i/03001/kg46r8mfqyf4.jpg واي سؤال لاتتردد |
رد: ارجوا المساعده العاجله
اختي عادي استخدم المعقم على الوجه اخاف ياذيهم في وجيههم
وبالنسبه للبخاخ والبودره اشتريهم الاثنين والا واحد يكفي وكيف استخدمهم بالنسبه لعلاج الفطريات الخبيره ناديا تقولي بعد فطمهم اعزلهم عن امهم وبعدها ابداء العلاج للاثنين احترت والله |
رد: ارجوا المساعده العاجله
اختي عادي استخدم المعقم على الوجه اخاف ياذيهم في وجيههم
البيتادين مايضر انا مستعملته للفطريات لقطوتي بوجهها وبالنسبه للبخاخ والبودره اشتريهم الاثنين والا واحد يكفي وكيف استخدمهم واحد منهم كفايه ترشه على الشعر وتتركه دقيقه وبعدها تمشط والنتيجه نظافه +ريحه حلوه بالنسبه لعلاج الفطريات الخبيره ناديا تقولي بعد فطمهم اعزلهم عن امهم وبعدها ابداء العلاج للاثنين احترت والله اممم اسمع كلام الخبيره هي اعرف |
رد: ارجوا المساعده العاجله
اقتباس:
انت سالتني عن العلاج الداخلي للقطط ومدى نتائجه عليهم فقلت لك العلاج الداخلي من حبوب او شراب ينفع للام لاكن بعد فطامها للكيتنز والكيتنز يتم علاجهم خارجي فقط وبعد اكمالهم 6 اشهر ابداء العلاج الداخلي معاهم. لان جميع العلاجات الداخليه للفطريات لها اثار جانبيه للكيتنز من ارتفاع في الحراره والرجفه وغيره. فالافضل اكمالهم 6 اشهر حتى يكون الجسم قادر على التحمل . واذا تم علاج الام الان بالعلاج الداخلي وقتها بينزل العلاج من حليبها الى الكيتنز ويحدث الضرر لهم .. فلهاذا السبب قلت لك الافضل الانتظار حتى يتم الفطام للكيتنز. اما بخصوص العلاجات الخارجيه ..دلوعه ماقصرت ووضعتلك الصور والطريقه .. والله يشافيهم لك يارب. |
| جميع الأوقات بتوقيت GMT +3. الساعة الآن 05:12 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو