منتديات تو زوو - الإنتاج الأول :)

منتديات تو زوو (http://www.2zoo.com/vb/index.php)

- - الإنتاج الأول :) (http://www.2zoo.com/vb/showthread.php?t=216592)

الإنتاج الأول :)

السلام عليكم ورحمة الله وبركاته ..

أنا صراحه اكثر شي خلاني انزل الموضوع ان الكثير هنا يجي يكتب انا الطيور حقتي
صار لهم ثلاث اسابيع او شهر او شهرين وما باضت ولا انتجت ليش؟؟:confused:

انا اقول لازم تصبر وتتوكل على الله والزيبرا بعضها يقعد إلى 5 شهور واكثر بعدين ينتج فلازم تصبر ..

هذا اول انتاج لي بفظل الله ثم اهل الخبره هنا والمواضيع المثبته وتقريبا هذا الشهر الثالث من يوم ماجبت الأزواج..

صراحه انا كنت ما ادري بس شفت من اسبوعين او ثلاث الانثى في العش وحسيت انها
جالسه على بيض وخليتها كعادتي احط الماء والاكل واروح ولاكن اتابعها من بعيد بعض الاحيان .. :D

بعدها بكم يوم الانثى رمت بيضه ؟؟ فقلت لعله من عدم نظافت الماء او نقص اكل لأني
ماغيرته في اليوم هذا لأنه كثير فأخرته .. ولاكن تفاجأت انها رمت وحده ثانيه بعد فتره
ولاكن قلت خلها تاخذ راحتها واشوف وش يسير ولاكن الحمد لله ماسوتها بعدين :o

خليتهم لأني اروح الخرج ادرس وارجع يوم الأربعاء واخوي يعتني فيهم الله يعطيه العافيه :)

جيت الإسبوع اللي راح وانا احط الماء والأكل وطالعت في الأعشاش وشفت زغلول ابيض :wao::88::freind: :rolleyes: فرحت كثير وخليته..

وجيت الاسبوع الي بعده ولقيت فرخ بني طلع :wao::D:88: فرحت كثييير وهذا الإسبوع
طلع الأبيض من العش وصحتهم ماشاء الله ممتازه :rolleyes:

قلت اصورهم لكم وانشاء الله تعجبكم :)

اترككم مع الصو وآسف على الإطاله (( قلت احط شويت معلومات من تجربتي :D ))

ماشاء الله تبارك الله :)

http://www.2zoo.org/get-4-2011-2zoo_org_uuz6ddwj.jpg

http://www.2zoo.org/get-4-2011-2zoo_org_9cagmrso.jpg

آسف على ردائة الصور ..

انتظر ردودكم ولا تحرمونا من آرائكم ..

واتمنى من اخوي منتج الكرست - بحكم تجربتك - ان تخبرني كيف احجل الطيور لأنها كبرت الآن ..
وايضا الأزواج .. واللي عنده خبره لا يبخل علينا :)

رد: الإنتاج الأول :)

الله يبارك لك فيهم ان شاء الله
في أداة مع الحجل مادري وش اسمها تدخل الحجل فيها وينفتح حط رجل العصفور وسكر وبس

رد: الإنتاج الأول :)

نسيت أكمل
وفي أكثر من شكل للحجل في بعضهم كبس بس انا أفض السابقين لان تقدر تزيلهم

رد: الإنتاج الأول :)

آمين يارب ..

الله يجزاك خير على الرد الجميل ..

للأسف انا رحت اليوم سوق الحمام وبحثت ومالقيت لا الحجول ولا الحديده اللي توسع الحجل اللي تقصدها :(

لقيت حجل حديد كبس لاكن ماهو النوع القوي ..

الف شكر على الرد :) واذا تعرف مكان يبيعها اتمنى تخبرني ..

رد: الإنتاج الأول :)

ما شاء الله انتاج جميل الله يحفظهم لك
بالنسبه للتحجيل طيورك كبيره على الحجل المختوم تقدر تحجلها بحجول مفتوحه مثل ماتفضل الاخ YHK ويوجد منها البلاستك والمعدن
اما الحجل المختوم فيلبس منذ الصغر مع بايه ظهور الريش

رد: الإنتاج الأول :)

ماشاء الله تبارك الله

موفقين خير بإذن الله

رد: الإنتاج الأول :)

اقتباس:

المشاركة الأصلية كتبت بواسطة جلو11 (المشاركة 2101620)

آمين يارب ..

للأسف دورت في السوق بس مالقيت لاكن بأرج ابحث بإذن الله ..

مشكور على الرد والافاده والله يوفقك انشاء الله ..

اقتباس:

المشاركة الأصلية كتبت بواسطة عبدالمحسن جان (المشاركة 2104239)

ماشاء الله تبارك الله

موفقين خير بإذن الله

آمين يارب ..

مشكور على المرور الجميل وبالتوفيق انشاء الله ..

:)

رد: الإنتاج الأول :)

سبحان الله كم زوج عندك ؟

رد: الإنتاج الأول :)

اقتباس:

المشاركة الأصلية كتبت بواسطة βǺĐ ŦỠ ЎỖЏ (المشاركة 2104787)

سبحان الله كم زوج عندك ؟

عندي 4 ازواج (( بس واحد من الذكور هرب :D ))

اشكرك على المرور وبالتوفيق انشاء الله :)

رد: الإنتاج الأول :)

ماشاء الله طيور جميله

وعقبال ماتكون منتج محترف تلعب بالجينات والتركيبات

إلى الأمام