|
قطتي المسكينه
السلام عليكم
اول شي قطتي كان فيها زكام و انا وديتها البيطري و الدكتور عطاها ابره زكاام و بعد الابره صارت القطوه مشيتها غريبه و كأن في شي في رجلها انا صورتها فيديو http://www.youtube.com/watch?v=LO7yie2P1oU فتحوا الفيديو و شوفوا كيف تمشي المهم رجعت وديتها للدكتور و قالي ان ما فيها كسر و لا شي ..... و مر اسبوع و ما في اي تحسن و رجعت وديتها للدكتور و فحصها و قالي ما فيها شي بس هو شاك ان الاعصاب هي السبب!!! يعني تلف الاعصاب!!! و انا قلت يمكن بسبب الابره الي هو عطاها!!! يمكن عطاها في مكان غلط !!! المهم في حد يعرف شو الحل ؟؟ ممكن تفيدوني؟؟ و اذا تعرفون اي بيطري او ايميل اي بيطري ممكن تبعثوله الفيديو و تسألونه اذا في اي علاج؟؟ صدق انا خايفه عليها !!!! ممكن تدعولها ......... الله يشفيها ......... و شكرا |
رد: قطتي المسكينه
وعليكم السلام
ياقلبها مشيتها تكسر الخاطر ممكن الابره دخلها بمكان غلط او عندها نقص كالسيوم لو تقدرين تاخذيها لدكتور ثاني او جيبي لها فيتامين وعرضيها للشمس وقت الصباح بدري اوقبل المغرب واكليها اجبان وبيض واكلات مفيده لجسمها الله يشفيها لك ومايحرمك منها |
رد: قطتي المسكينه
يارب تشفى انا ظنيتها القطة الام و حلوين الكيتز و الحيوانات التي عندكم :)
|
رد: قطتي المسكينه
مشكورين على الافاده
لا هي القطه عمرها 6 شهور تقريبا و اغلب الوقت تقعد برى ........... ما تحب تدخل داخل البيت اكثر شي انا شاكه فيه ان الدكتور سوى غلط من حطالها ابرة الزكاام!!!!!!!!! يمكن اثر على الاعصااب!!! بليييز لو تعرفون اي بيطري اسألوه عن الموضوع ......... لان الدكتور قالي ان اذا كان تلف اعصاب محد بيقدر يسويلها شي .... و ما في بيطري بيقدر يساعدها!!!!!!! و الجهاز الي يكشف تلف الاعصاب مش موجود بولا بيطري هو الجهاز بس يتخدمونه في مستشفياات الناس لان سعره غالي !!!!! و الصراحه خلاني افقد الامل ........ و ما عندي غير اني ادعيلها بكل لحظه ان الله يشفيها ........ |
رد: قطتي المسكينه
مشكله اصابه القط بالاعصاب صعب علاجه ..
وتحتاج القطه الى جلسات من المساج المكثف اليومي . ايضا لابد من اعطائها فيتامين د في ماء الشرب فقط 3 قطرات يوميا ياليت تتاكدين وتمسكين القدم من الاسفل وتحريكها بشكل دائري وراقبي تصرفات القطه.. اذا وجدتي ان القطه تصررخ وتتالم ..فبيكون عندها التواء في القدم واذا وجدتي القطه لاتتالم ولاتحس باي شي ..فهو مرض الاعصاب .. وهو مرض مزمن ويمتد الى كل الاطراف في المستقبل.. وطمنيني عليها |
رد: قطتي المسكينه
انا قريت في النت عن جهاز يعالج الاعصاب
بس المشكله ان يستعملونه حق الناس بس....... تتوقعون في امل اذا وديتها لمستشفى ناس عشان يفحصونها و يعالجونها؟؟ قصدي يفحصون الاعصاب ....... هو الدكتور فحصها و سوا كل الي قلت عليه ...... دور رجلها و ما تألمت ..... يعني اذا التواء في الرجل هو في اله علاج ؟؟ الدكتور قالي ان ممكن تتعالج بروحها و تتحسن ؟ هل هذا الكلام صحيح ؟؟ ممكن ترجع تمشي بشكل طبيعي؟؟ بدون اي علاج؟؟ |
رد: قطتي المسكينه
هو اصلا
الاصابه بالاعصاب هو سبب غلط من الدكتور ؟؟ يعني الابره الي عطاها هي السبب في اصابة الاعصاب ؟؟ اذا في اي دواء ممكن يعالجها عطوني اسمه و بروح اشتريلها الدواء المهم تتعالج...... صدق ما اقدر اشوفها بهذا الشكل ..... و ما اسوي شي ....... |
رد: قطتي المسكينه
مستحيل نفس قصتي بالضبط هذا الدكتور سوى نفس الي سوته الدكتورة الي كنت اودي قطتي لها اعطتها لابرة في العصب فصارت تمشي مثل قطتك بس انا قطتي كانت حالتها اسسسسسسسسسسسسسسسسسسسسسسسسوء بمليون مرة كانت لا تاكل لا تشرب لمدة اسبوع نخليها تاكل بالغصب لكن وديناها لدكتور اخر اعطاها 5 ابر يوميا وصارت احسن والان طابت لا تفقدي الامل ابدا قطتي كانت على فراش الموت وطابت وما ممكن توديها لمستشفى البشر راح ابحث واشوف ما هو الاكل المناسب لتلف الاعصاب
|
رد: قطتي المسكينه
الحمد الله قطتك صارت زينه!!!!
والله فرحت من قتيلي انها رجعت تمشي طبيعي !!!! بس ممكن تقوليلي ابرة شو الي عطاها الدكتور و خلها تتحسن ؟؟:confused: الدكتور الي وديتها عنده عطاها ابرة فيتامين B1 و قالي انها راح تخلي الاعصاب اقوى !!!! من اسبوع تقريبا عطاها الابره و انا بكل لحظه ادعيلها تتحسن .... و صديقتي قرت على ماي قران و خليناها تشربه و حطينا من الماي على رجلها ........ لو سمحتي اسألي الدكتور الي خلى قطتك تتحسن عن الابره و راويه الفيديو ........ ابعثيله بالايميل او اي شي ..... لو سمحتوا نشروا الفيديو و أسألوا كل حد عن الموضوع ...... على امل انها تتحسن و اصورها فيديو ثاني و هي تمشي طبيعي ....... هاي اكثر وحده احبها بينهم كلهم و مستعده اسوي اي شي عشان تتحسن .... و ما راح افقد الامل ابدا ......... و ان شاء الله بأذن الله تتحسن |
رد: قطتي المسكينه
الله يعينك ويعينها
والله يقومها بالسلامه |
| جميع الأوقات بتوقيت GMT +3. الساعة الآن 07:52 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو