|
محتار وش اختار
السلامعليكم ورحمه الله وبركاته
بعد لفلفه في المنتديات جابني الله عندكم وانشالله الاقي عندكم الاجابه الشافيه بالمختصر عندي ثلاثه اطفال الله يحفضهم الكبير سبع سنوات ماعلى لسانه الاابي ببغاء مدري من فين جاته الفكره وانا ماعندي اي خبره في الطيور وبصراحه مقدر ادفع مبلغ كبير وبعدين اتحسف فياريت تدلوني على على نوع كويس ومايتعدى الالف ويتاقلم مع الصغار وكثره التنقلات ويعش مده طويله وقليل الامراض وسهل الترويض واهم شي القدره على الكلام وش رايكم بالدره واي الانوع احسن ولا الافريقي الرمادي وكم اسعارهم فروخ ووين احصلهم في الرياض اعذروني كثرت الاسئله والله لايحرمه الاجر من يرد علي |
رد: محتار وش اختار
الدره هي الاكثر احتمالاً للأطفال
بس لاتعتبر ناطقه بالشكل الممتاز نطقها على قدها واسعارها رخيصه والافضل الاليفه المتدربه الافريقي حساس شوي والمتكلم منها من 1800 وطالع ويعتبر ناطق بشكل مدهش ومحبوب على مستوى العالم وكل الببغاوات بعد الله تعيش لمده طويله 50 سنه الى 80 سنه اذا كتب الله لها العمر اسعار الدره الوحشيه 130 الى 150 والاليف من 300 وطالع على حسب اذا يتكلم او لا الافريقي الوحشي 700 الى 800 والاليفه اذا صيد ومروضه 1300 الى 1400 واذا تفريخ مزارع 1700 الى 1800 لا انصحك بفروخ لانها تحتاج عنايه انصحك باللي تعتمد على نفسها خذ جوله يومي الخميس والجمعه بعد صلاة العصر بسوق الحمام حي العزيزيه شوف ساحه الحراج والمحلات لاتستعجل ابد |
رد: محتار وش اختار
كاسكو
ماقصرت وجزاك الله خير |
رد: محتار وش اختار
اي خدمه لاتتردد
نحن تحت خدمتك |
رد: محتار وش اختار
أنصحك بشراء أفريقي غيني متكلم بسعر حول 1000 ريال
|
رد: محتار وش اختار
لالا خلك على النيجيري الغيني اللوانه بايخه مع احترامي بس هذي وجهة نظري |
رد: محتار وش اختار
الأفريقي حساس ولا يتقبل لعب الأطفال كثيراً وربما بتعرض للخوف الشديد في حال محاولة الأطفال أذيته
الدرة أو الأمازوني |
رد: محتار وش اختار
أخوي سعود , احسن طير للصغار , وانا عندي اياه شخصيا واعتقد انه الاخوان كلهم يأيدوني فيه , الكوكاتو بس سعره غالي ما اعرف اسعاره عندكم في السعوديه .
الكوكاتو أليف جدا جدا , ما يعض , اهم شي تحصلي شي زين ولا تاخذه صغيره , عنده في الحركات وعندهم رقصه خاصه فيهم . ان شاء الله اكون فدتك في الموضوع . |
رد: محتار وش اختار
ماقصرتوا يااخوان لكن احس زدت حيره ههههههههههه يعني مااتفقتوا على نوع
|
رد: محتار وش اختار
اخوي سعود توكل على الله واشتر لك افريقي تلقاه بسوق الحمام بـ 800 بس غير ألليف ومع الوقت والاهتمام بيكون ألـيف والله يوفقك |
| جميع الأوقات بتوقيت GMT +3. الساعة الآن 04:00 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو