|
قبل ما يخترب البيض .
السلام عليكم ورحمة الله وبركاته انا تقريباً مبتدأفي تربية الطيور والدجاج بالتحديد المهم انا في يوم قررت اني اشتري ديك ودجاج واخليهم يبيضون بس انا حطيث 3 دجاجات و3 اماكن للبيض علشان كل وحدة لها مكان لما تبيض المهم لما باضوا صاروا كلهم يبيضون في مكان واحد وخلال اسبوعين صاروا 27 بيضة ولا بعد يرجنون على البيض فبماذا تنصحوني ؟ لأني خايف البيض يخترب وش الحل ؟ وراح أكون شاكر لكم تحياتي |
رد: قبل ما يخترب البيض .
وعليكم السلام ورحمة اللهـ وبركاتهـ .
اهلا وسهلا فيكـ معنا بهالمنتدى ,, ان شاء اللهـ نفيد وتستفيد . :freind: أخي الكريم ,, مشكلة الدجاج مع الرجن من أهم المواضيع اللي يواجهها المربي . لأننا مانقدر نتحكم أبدا في وقت رجنها للبيض . :rolleyes: سواء كان عدد البيض كثير او قليل . لكننا نحاول حثهم على الرجن وتكون كمية البيض كبيرهـ لإغرائهم أكثر . :) وهنا يأتي الحل اللي يرضي الطرفين بإذن اللهـ : اشتري بيض مزيف أو بلاستيكي ,, أو كور الجولف أو الطاولهـ . وضعهـ بدلا من البيض الطبيعي في عش دجاجاتكـ . واتركـ البيض في الثلاجهـ ,, اما تستهلكـ بعضا منهـ أو تتركهـ حتى تقرر دجاجاتكـ الرجن على البيض المزيف . :) وقتها بدلهـ بالبيض الطبيعي .. وان شاء اللهـ تتهنى بأجمل فروخ منها . :freind: ان شاء اللهـ أفدناكـ ,, واي سؤال آخر تفضل بطرحهـ . بالتوفيق . |
رد: قبل ما يخترب البيض .
كل الشكر صمت الأمل على التوضيح
بس انا سويت حركة ثانية بحيث اني اخذت دجاجه من الثلاث وحبستها مع البيض ... طبعا اهي حاولت الخروج من المكان الضيق كم دقيقة وبعدين رجنت وحتى وقت النوم تكون على البيض ..فهل هذا الاسلوب صحيح ؟ ونفسي اعرف كم يوم ويخترب البيض ؟ |
رد: قبل ما يخترب البيض .
اقتباس:
وإذا هي راجن فعلاً بعد الحبس أكيد إنها كانت تبي ترجن حتى لو ما حبستها أما البيض على حسب درجة الحراره بحسب تجربتي في البرد و الجو المعتدل ما يخرب وجربت فقس بعض البيض في وقت البرد بعد شهر من نزول البيض غير المرجون عليه ولاحضت إن البيض ممتاز وفي الصيف يمكن يخرب البيض بعد يومين من نزوله وهذا اللي لاحضت في الصيف الأفضل في وقت الصيف تأخذ بيض الدجاج و تخليه في مكان بارد تحت المروحه مثلاً و عشان مايفقد الدجاج البيض نضع بيض من البقاله بدال البيض المخصب وإذا رجنت الدجاجه تجيب البيض المخصب المعلومه الملونه أخذتها من أعضاء المنتدى |
رد: قبل ما يخترب البيض .
شكري وتقديري على الإفاده بس انا حبسها مو بس علشان الرجان بسبب ثاني وهو اخاف ان البيض يكون كثير لانهم ثلاث دجاجات ويبيضون في مكان واحد يعني خلال 10 ايام 27 بيضة واعتقد ماراح استفيد من هالعدد ولمن حبستها حتى الدجاجتين صاروايبيضون في مكان اخر والحين صاروا في المكان الثاني 14 بيضة وافكر اني احبس وحدة منهم علشان ترجن ..لأني احس انه هالدجاج يبيضون ولا يرجنون نفسي في كم صوص .. والله انتظر بس خايف البيض يخترب |
| جميع الأوقات بتوقيت GMT +3. الساعة الآن 10:21 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو