|
استفسار عن لوازم الفروسيه
السلام عليكم ورحمه الله وبركاته
انا الحمدلله سجلت بنادي للفروسيه وبتدي من الصفر بس قالو لي لازم تلبس لبس الفروسيه ولوازم الفروسيه اشتريها مايفورونها ودلوني على المكان بس ماعرف انا شنو هي اهم لوازم الفروسيه عشان اشتريها وياليت تعطوني اسعار تقريبيه لها والله يجزاكم الخير لان حصتي بعد كمن يوم |
رد: استفسار عن لوازم الفروسيه
هلا اخووي
انا بتكلم لك عن الاشياء الي انااا اخذتها .. للعلم الي عليميه ماني خبره زي الباقي ماشاءالله .. بتكلم عن الاشياء الي بتاخذها لك انت .. مو الاغراض حق تربية خيل .. اول شي واهمممم شي القبعه حقت الامااان .. وبيجيك سعرها غااالي بس معليش تستاهل لان لو شريت قبعه مافيها أمان كثير .. وطحت من الخيل لاسمح الله .. ممكن يرووح فيها راسك لاسمح الله يعني .. ف خذ لك قبعه آمنه جدااا .. واسأل راعي المحل عن القبعات الي تستخدم في مدارس تعليم ركوب الخيل وهي الافضل .. ثاني شي القفازات .. انا لقيتهم قطن"اتوقع يعني" المهم انهم مريحين وملونين .. ف ماعرف اذا في انواع ثانيه .. اقصد قفازات جلد او غيره .. بس ماراح يكون مريح الجلد لو فيه . حاجه ثانيه الجزمه وانته بكرامه .. مهمممه كانت بالنسبه لي .. لان لو رحت بجزمتك اول شي بتتوصخ بتندمر عليك .. وبعدين جزمة ركوب الخيل يجي شكلها من قدام شويه غير عن الجزم العاديه .. ع شان لين جيت تدخلها باللركابه الي هي تدخل رجلك فيها .. وبعدين الملابس هو اهم شي البنطلوون الخاص يجي لوونه بيج وضييق "اتوقع تعرفه اكيد" طبعا مو شرط لونه بيج بس هذا المعرووف .. انا لقيت اكثر من لوون ومقاسات طبعا .. وال تي شيرت انا بالنسبه لي ما اخذت .. مو مهم كثير احس .. والاسعاااار وانا اختك لوازم الفرووسيه غاليه بصراحه يعني حط لك مبلغ راهي وانت رايح .. والمكان عاد ماعرف لاني مو بقطر .. الله يووفقك اخوووي واستمتتتتتتع بالنادي .. ولا تيأأأأأأأأأأس او تتحطم << مثلي خخخ لان الخيووول مزاااج مو كل مره بترووح له بتلقاه رايق .. الله يووفقك مره ثانيه وانتظر الخبره يردوون عليك .. اكيد راح يفيدوونك اكثر مني .. برب |
رد: استفسار عن لوازم الفروسيه
الله يعطيج العافيه اختي كفيتي ووفيتي وماقصرتي على ردج
وان شاء الله حبه حبه لين مانتعلم واذا انتي اعليميه اجل انا شطلع وبالنسبه للبنطلون لازم يعني بنطلون خاص ؟؟ ماينفع اي بنطلون البس قطن تترون جينز بنطلون رياضي ؟؟؟ والله يوفق الجميع ان شاء الله تيييت |
رد: استفسار عن لوازم الفروسيه
الله يعافيك اخووي ابو عقااب
بالنسبه للبنطلوون ماعرف اذا مرررره مهم او لا بس الي شفته في كذا نووع للبنطلونات .. يعني في بعضهم يجي في قطع جلد من عند الركبه من داخل .. وبعضهم لا عادي .. ف اكيد هذا الشي له داعي على ماضن !! ف انته رووح المحل واذا لقيت السعر مناسب خذه واذا تحسه مبالغ فيه خله ويلي خخخخ بس بالنسبه لي انا اخذته بصراحه .. وبالتووفييق |
رد: استفسار عن لوازم الفروسيه
جزاج الله خير
والله يكتب الي فيه الخير ان شاءا لله والله يوفقج |
رد: استفسار عن لوازم الفروسيه
السلام عليكم اغراض الركوب
اول شيء السرج والعراقه واللجام وشكيمه والصدريه ونصحك بماركت استاتوس او استوتس ماركت انقليزيه وخذ مخمل السرج مو جلد |
رد: استفسار عن لوازم الفروسيه
الله يعطيك العافيه اخوي ابو عبدالله وجزاك الله خير
|
| جميع الأوقات بتوقيت GMT +3. الساعة الآن 04:09 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو