|
الكيتن اللي عندي فيه اسهال , وش السبب ؟
مرحبتين :D
اشتريت امس كيتن يقولي صاحب المحل عمره شهر واسبوع :( المهم اول ماجبته كان عادي ما عنده اسهال بعدين عطيته اللي زي المكسرات حق الكيتنز وأكل وحطيت له حليب السعوديه منزوع الدسم وشرب بعد ربع ساعه جاله اسهال :( الحليب السبب ..؟! او البرد ..؟ على اني حاطته بزاويه مايقدر يطلع منها وفارشة له زي البطانيه بس يوم انشغلت شوي لقيته وراي هههههه :D صار يعرف يتسلق هو و فيسه هههههه فما ادري كم كان له يسرح و يمرح على البلاط !! والحين ضبطت المكان صح وماعاد يقدر يطلع , و سوى حمام قبل شوي وراح الاسهال الحمدلله ابي اعرف السبب , الحليب او اللي زي المكسرات , او البرد مثلا ..؟ و ايش اعطيه ياكل وهو بهالعمر ..؟! مشكورين |
رد: الكيتن اللي عندي فيه اسهال , وش السبب ؟
اهلين حبيبتي والف مبروك على الكتين
الاسهال لكثيره لاكن بماانه صغير اتوقع الحليب وممكن يكون معاه برد لاكن قوليلي بالاول: كم مره يسهل في اليوم؟ وماهي نوعيه ولون الاسهال ؟ هل هو اصفر او عادي لاكن سائل جدا؟ انتظرك حتى افيدك |
رد: الكيتن اللي عندي فيه اسهال , وش السبب ؟
الله يبارك فيك , تسلمين
سهل بس مره وحده و المره الثانيه رجع طبيعي جدا .. ولونه زي لون العادي لكن سايل انا خفت يكون من الحليب وماعاد عطيته ممكن تقولين لي يا ندو ايش اعطيه اكل ..؟ وارجع اعطيه حليب او لا ؟ |
رد: الكيتن اللي عندي فيه اسهال , وش السبب ؟
لاتعطيه حليب ابدا لانو مو محتاج له الان..
فقط اعطيه اكل سهل الهضم مثل سيريلاك ودجاج مسلوق خالي من الملح والبهار وزبادي ممتاز لتطهير الامعاء. وممكن تشوفين موضوعي عن تغذيه الكيتنز ..فيه جدول ممتاز .. اتبعيه وان شاء الله يتحسن |
رد: الكيتن اللي عندي فيه اسهال , وش السبب ؟
الله يعطيك العافيه , مشكوره ما قصرتي
|
رد: الكيتن اللي عندي فيه اسهال , وش السبب ؟
ولو حبيبتي
اي سؤال بخاطرك اطرحيه هنا وان شاء الله مانقصر معاكي سواء انا او بقيه الاعضاء |
| جميع الأوقات بتوقيت GMT +3. الساعة الآن 10:56 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو