منتديات تو زوو - أستفسارات

منتديات تو زوو (http://www.2zoo.com/vb/index.php)

- سؤال و جواب لقسم هواة الطيور الداجنة (http://www.2zoo.com/vb/forumdisplay.php?f=100)

- - أستفسارات (http://www.2zoo.com/vb/showthread.php?t=206865)

أستفسارات

السلام عليكم ورحمة الله وبركاته
كانت عندي دجاجه جميله وماتت هي سوداء مع بيضاء رقبتها طويله وسيقانها طويله لما شفتها مع التاجر قلت ذي ديك قال لا بعد ماشريتها رجعت له مره ثانيه أتاكد ديك أو لا وهي مقنبره من فوق وعيال جيرانا يقولون ذي بكستانيه هي جسمها كبر جسم الديك البلدي وجابت صوص من الديك البلدي الديك كان أبيض خالص الصوص كبر وهو ديك لونه مثل أمه عيونه مثل أمه ذيله كبير الآن عمره 9 شهور أشوف فيه فرق بالجسم بينه وبين ديكين أصغر منه ب15 يوم هو أكبر جسم لاكن الآن مثل جسم أبوه وهو زي عرف أبوه عرف أبوه كان مائل رغم إن عمره وصل 4 شهور و أنا أحسبه دجاجه لأن كان ماله عرف لكن يوم طلع العرف طلع عرف مثل عرف أبوه
س1 هل يمكن الديك يكبر جسمه أم يتوقف عند هالعمر؟
س2هل الدجاج البكستاني هو الدجاج الفارسي؟
س3هل فيه إمكانيه الديك ينتج مثل أمه؟
س4هل مواصفات دجاجتي اللي ذكرت بكستانيه فعلاً؟
س5 من تجاربكم هل الصوص في الغالب يميل لأبوه أو لأمه في الشكل؟بصراحه صيصاني رغم تعدد الدجاجات وإختلاف أشكالهن اللي كانن عندي وكان ديكهن أبيض إلا إن الصيصان طلع 90% منهن سود عاد لازي أمهاتهم ولا زي أبوهم

رد: أستفسارات

وعليكم السلام ورحمة اللهـ وبركاتهـ .

أهلا وسهلا ,, :)

راح نجاوب على اسالتكـ واحد واحد :

اقتباس:

س1 هل يمكن الديك يكبر جسمه أم يتوقف عند هالعمر؟

بما ان عمرهـ الحالي 9 شهور فخلاص هذا حجمهـ ,, ماراح ينمو أكثر الا بشيء بسيييط جدا اذا عدى السنهـ ويتغير شكلهـ أيضا أكثر بقليل .

اقتباس:

س2هل الدجاج البكستاني هو الدجاج الفارسي؟

هم لنفس الفصيلهـ ,, لكن مو نفس النوع .. وفيهـ فروقات بينهم .

اقتباس:

س3هل فيه إمكانيه الديك ينتج مثل أمه؟

اذا أنتي عندكـ ديكـ بلدي ودجاجهـ باكستاني ,, ماراح يكون النوع أصلي .. راح يكون مهجن .. وهاللي عمرهـ 9 شهور حاليا يعتبر مهجن .

اقتباس:

س4هل مواصفات دجاجتي اللي ذكرت بكستانيه فعلاً؟

لازم نشوف صورهـ لها ,, لأن مواصفات الفارسي والهندي والباكستاني متشابههـ ,, الفرق بينهم يكون في مستوى المنقار والوجهـ وبعض الصفات اللي تميز نوع عن آخر .

اقتباس:

س5 من تجاربكم هل الصوص في الغالب يميل لأبوه أو لأمه في الشكل؟بصراحه صيصاني رغم تعدد الدجاجات وإختلاف أشكالهن اللي كانن عندي وكان ديكهن أبيض إلا إن الصيصان طلع 90% منهن سود عاد لازي أمهاتهم ولا زي أبوهم

مو شرط ,, أنا كان عندي ديك فارسي ودجاجهـ بلدي .. صار الإنتاج 100% لأبوهم .

هو حظ ونصيب ,, خصوصا ان اللي عندكـ مهجن ..

:) :) :)

ان شاء اللهـ أفدناكـ ,, وأي اسألهـ أخرى تفضلي بطرحها .

بالتوفيق .

رد: أستفسارات

ما ضل شي افيدك فيه يعني الاخت صمت ما شاء الله عليها اول بأول

رد: أستفسارات

شكراً لكم ماقصرتم يابعدي

رد: أستفسارات

ما شاء الله ما قصروا الاعضاء