|
الاسهال و العمليه
بسم الله الرحمن الرحيم .. السلام عليكم اسعد الله صباحكم .. يوم الاثنين "قبل يومين"سويت لتوتي عمليه تعقيم .. اول ماوصل البيت كان للحين فيه اثر المخدر وبعد اربع وعشرين ساعه صار تمام ورجع توتي طبيعي وبرازه كان طبيعي عباره عن مرتين او ثلاث باليوم وبعد العمليه كان الاخراج طبيعي لكن امس بالليل واليوم الصبح اسهال وبما ان المؤخره مخلوقه عشان العمليه صاير لونها احمر خفيف.. وش السبب؟ وكيف اعالجه؟ هذا استفساري الاول والثاني ..جرح العمليه للحين مفتوح وماتخيط .. هل ممكن يسبب له التهاب .؟وكيف اتعامل معه عنده مراجعه بعد اسبوع للدكتور معلومات عن قطي ذكر بالغ نوعه امريكي .. ماعنده امراض الا لما كان كيتن صابته نزله معويه وقبل فتره كان عنده غازات واستفسرت عنها هنا والحمدلله راحت منه ما اخذ اي تطعيمات.. كان عنده تساقط بالشعر "كان طالب تزاوج" وماعنده اي انتفاخ في البطن واكله ولعبه طبيعي جداا الاكل عباره عن دراي فود طول اليوم .. ووجبه وحده دجاج مسلوق ونسيت اقول اننا مسافرين صار لنا اسبوع ولا تأثر بالسفر طول الفتره بس اليوم صارمعه الاسهال |
رد: الاسهال و العمليه
والان الظهر تبرز اسهال لونه اصفر ...
وما اكل غير الدراي فود .. |
رد: الاسهال و العمليه
محتاره مادري هو اخذ برد "زكام"مع العلم انه ماستفرغ ابد
او نزله معويه .. لنه احتمال اكل اكل فاسد في كلا الحالتين كيف اقدر افرق وكيف اعالجه ..؟؟ ضروري تردون علي اليوم عشان بكرى راجعه البيت .. وابي اشوف اذا يحتاج علاجات اشتريها الحين |
رد: الاسهال و العمليه
اول شي حمدلله على سلامته
وقفي عنه الدراي فود ولاتعطيه منه حتى يكمل شهر من بدايه العمليه وحاولي قد ماتقدرين تدفينه وتخلين تحته بطانيه حتى يتدفى ومكان العمليه حطي عليه فقط مطهر البنتادين مخفف بنفس المقدار بماء قليل فقط بقطنه معقمه حتى مايلتهب او يتجرثم الجرح وماحوله. اكيد هو اخذ برد كم مره ضهر عنده الاسهال ؟ لو هو اكثر من اربع مرات ويكون البراز له رائحه نفاثه بيكون عنده التهاب في الامعاء اما لو كان اسهال عادي مره او مرتين في اليوم واحيانا بيكون معاه استفراغ وحراره بيكون عنده برد.. اعطيه بيتاموكس مرتين في اليوم ملئ قطاره كامله لمده خمس ايام والمضاد كمان بيفيده من ناحيه تخفيف الالتهابات في منطقه العمليه انا استغربت ان البيطري ماوصفلك مضاد ولا قالك على الاكلات اللي لازم تتجنبيها!! الاكل مثل ماقلتلك الدراي فود ممنوع واعطيه دجاج او لحم مفروم اطبخيه وشيلي الزفره منه واخلطيه مع بطاطس مسلوقه حتى يمسك البراز واعطيه سيريلاك بالرز مرتين في اليوم وان شاءلله يقوم بالسلامه اعذريني مارديت عليك لاني كنت مو متواجده |
رد: الاسهال و العمليه
اقتباس:
الله يسلمك انا بعد العمليه يوم جيت استلم القط .. سألت الدكتور اذا محتاج مضاد حيوي او مطهر للجرح وهل الدراي فود يضر او لا؟؟ طمني وقال لا العمليه بسيطه وماتحتاج مضاد حيوي ومطر والاكل زي ماكنتي تعطينه عادي دراي فود دجاج مسلوق وراجعينا بعد اسبوع بس بالنسبه للاسهال .. هو بعدد برازه الطبيعي .. يعني للحين 4 مرات ومامعه استفراغ ولا حراره انا الحين وقفت عنه الدراي فود واعطيته للحين وجبتين دجاج مسلوق .. وان شاءالله ابطبق الحميه الغذائيه الي قلتي لي عنها لكن عندي استفسار المطهر البنتادين هو نفسه البيتادين الاخضر ؟ ولو عقمت الجرح وهو الحين يلعق مكان العمليه .. ماراح يضره المطهر لو لعقه؟؟ وبالنسبه لمرهم الدكتارين .. هل استعمله بدال المطهر والمضاد ..؟ وكيف اعالج التهاب الامعاء ..؟بالفلازول.؟ وهل اضيف للحميه زبادي او مهلبيه بدون سكر .؟ يعطيك العافيه ماقصرتي |
| جميع الأوقات بتوقيت GMT +3. الساعة الآن 05:17 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو