كاسكو + كاسكو
 

السلام عليكم ورحمة الله وبركاته

اخوتي الاعزاء

قدر الله علي بحب الكاسكو

وشريت واحد عمره الحين تقريبا 8 شهور (كراش)
وشريت الثاني جامبو تقريبا عمره سنة ونص للحين ما سميته

ولله الحمد اثنينهم اليفين معي
لكن سؤالي يقول:
كيف اقدر اخليهم يتآلفون على بعض؟؟
لاني جربت وهديتهم بالمجلس بعيد عن اقفاصهم لقيتهم يتشابكون بالمناقير وكل واحد فيهم يمد رقبته للثاني
مع العلم اني اشيلهم اثنينهم كل واحد بيد واعطيهم نفس الاهتمام

مدري هي حركتهم هذي طبيعيه والا لا؟
وهل توالفو على بعض او لا؟
يا ليت احد يرد علي ويعطيني من خبراته

رد: كاسكو + كاسكو
 

اخوي الطيور بطبعها تعتبر القفص هو ملكها الخاص ولا تراض ان احد يقرب عنده

كل الي عليك تسويه انك تخلي كل طير بقفصه وتخليهم بجانب بعض فتره من الوقت

وكل ما طالت المده تشوف الطيور تقترب من بعض

واهم شي الصبر بالموضوع

رد: كاسكو + كاسكو
 

اتوقع طبيعي

رد: كاسكو + كاسكو
 

طيب تنصحوني اطلع كل واحد لحاله؟؟
يعني ما افلتهم اثنينهم مع بعض؟؟
لاني معود الطير الاول انه كله برا على الاستاند
والثاني ما يحب القفص على كلام راعيه

رد: كاسكو + كاسكو
 

رد: كاسكو + كاسكو
 

حطيتهم على الاستاند ما نفع كل واحد يدف الثاني

رد: كاسكو + كاسكو
 

باك اخواني

حطيت كل واحد بقفص وما شاء الله عليهم تقل حمام
ويغردون مع بعض وامورهم بالسليم

طلعتهم من اقفاصهم وحطيتهم بعيد عن القفص
وقعدت اتفرج عليهم والا الاخ اللطيف حاط رجله على رقبة الثاني والثاني سااااكت ما سوا له شي
مدري هالحركة هذي طبيعية او عدائية؟؟

رد: كاسكو + كاسكو
 

عليك بالبركه يالغالي على الطيور ربي يحفظهم لك من كل شر وعين وحسد

مشااء الله تباارك الله


اتوقع من كلامك في اخر رد الطيور توالفو على بعض


وهذي بعض الحركات اللي يسويها الطيور اذا توالفو


1- تقارب الطيور من بعض ومحاولة الوصول الى بعض اذا كانو بعدين
2- النداء لبعض في حالة انهم مايقدرون يشفوون بعض
3- تنظيف الريش لبعض
4- التباوس + نفش الريش
5-اصدار اصوت ما تصدر الا اذا كانو جنب بعض
6- كانه يعض رقبة الطير الثاني ويلمسها بالمنقار
7- عدم الخوف من بعض عدم الصراخ عدم الهواش وعدم محاولة العض بقوه



هذا مقطع لبادجي تقريبا نفس الحركات اذا الكاسيكو توالف


http://www.youtube.com/watch?v=bA8gz...eature=related

صور


http://farm4.static.flickr.com/3337/...78b11e3f6b.jpg

http://www.omanibfs.com/uploaded/2745_11246996705.jpg

http://i63.servimg.com/u/f63/11/63/37/59/11345112.jpg

http://img212.imageshack.us/img212/1...1231273194.jpg


اسف اخوي على الصور والمقطع لان عن طيور البادجي لكن نفس الكاسكو نفس الحركات من واقع تجربه
_(( انا كان عندي ك2 كاسيكو وكانو يسوون نفس النقاط الي ذكرتها ))__


اتمنى اني افدتك يالغالي تقبل مروري:88:

رد: كاسكو + كاسكو
 

يعطيك العافية اخوي تعبتك معي
بس بالنسبة انه دعس رقبة الثاني وهذاك واقف ولا تحرك ابد