السلام عليكم ورحمة الله وبركاته
طبعا العنوان تشويقي << أحلف
انا قبل يومين تقريبا نزلت موضوع عشان قطوه شريتها وصراحه ما اعجبتني والله بس هي
كان احلى شئ في المحل واتفقت مع العامل اللي شغال في المحل اني اوديها البيطري افحصها
اذا سليمه بأخذها واذا مو سليمه برجعهاا واعطيته 1000 ريال ويبقى له 800 ريال
وبالفعل رحت للبيطري وصراحه كل واحد منهم قالي كلام اللي يقول ان في اذنها فطريات
واللي يقول انها ما تسمع لكن طلعت صدق ما تسمع وكانت اذنها مرره وسخه
اللي يبي يشوف صورها يدخل الرابط هذا


http://vb.2zoo.com/showthread.php?t=202456

المهم رحت للمحل وكلمت العامل وقلت القطوه مريضه ولا تسمع قال لي مستحيل
ورافض انه يرجع الفلوس حتى باقي الفلوس حقته ما يبغاها :confused:
صار كلام كثير وكانت بتوصل الا اشتباك بالايدي لكن تعوذت من ابليس واتصلت على الشرطه
وماقصرو الشرطة وقفو معاي وجبت له الفاتوره وهو كان عذره ان مكتوب في الفاتوره تحت
انه اي حيوان يخرج من المحل لا يسترجع ابدا لكن الشرطي الله يوفقه الله يجزاه خير
قال ياتروح معاي على للقسم ياتعطي الرجال فلوسه
وفي الاخير اعطاني الفلوس رجعت البيت صراحه وانا مقهور وانواع التحطيم :(

اخذت الاب توب وجلست ادور على قطط للبيع
وحصلت وحده حلوووه وصاحبها ساكن في ابها وسعرهااااااااااا خيااااااااااااااااالي من جد خيالي
اتصلت على صاحب القطوه واتفقنا نتقابل اليوم الثاني
وتقابلنا اليوم الثاني في الصباحورحت انا وهو والقطوه على البيطري وفصحناها هناك
وقال البيطري سليمه مرره وعمرها 7 شهور وانا سميتها لوسي *_^

اشتريتها واعطاني صاحبها الاتي :

1- الصحن الخاص فيها
2-والقفص حقها
3- ورمل طبي واحد جديد والثاني مستعمل
4-وخمس علب من الاكل حقها
5- والحمام حقها الله يكرمكم
6- والمشط خاص فيها
7- ومنشفه خاصه فيها
8- علبتين شامو خاص في القطط

وصراحه صاحبها باعها بسبب انه عنده دوره عسكريه خارج مدينه ابها
الحين ابغى اوريكم صورها وأذكرو الله على كل حال

شوفو هي حلوه ولا لا وش نوعها بالضبط ؟؟

همسه انا شريتها منه 650 ريال بس لا تعلمون احد *_^