|
عاده سيئه يسويها طيري وش الحل معه ؟
صباحكم ورد ياعضاء تو زو بدخل بالموضوع على طول لاحظت مؤخرا على ببغائي صاير يسوي عادة مو حلوه وابي رأيكم في كيفية التخلص منها وهي بعد مايكون على الاستاند فوق .. وبعد مايكون شبعان من الاكل ومروق يبدأ يتسلى وياخذ في رجله الاكل ويرميه تحت ،،، حاولت انهره ، وحطيت استيل الاكل بحجم اعمق ومافي فايده ، حاولت لما يسوي هالحركه ادخله مباشره للقفص عشان يكون عارف ان سبب ادخاله للقفص هو هالتصرف ومع ذلك للاسف مافي فايده :o .. لما يطلع يعيد نفس الحركه ،، ياخذ برجله الاكل ويرميه حاولت اقلل عليه الاكل بس المشكله يجوع ويبغى له مراقبه دائمه افيدوني وش الحل وهذي صوره للقفص ومكان الاكل للتوضيح ياليت احد يساعدني بأني اخلي طيري يتخلص من هالعادة المسرفه :eek: http://img718.imageshack.us/img718/7955/dscn4448g.jpg |
رد: عاده سيئه يسويها طيري وش الحل معه ؟
سؤال لو سمحت
من وين القفص؟ شريته من محل يعني جاهز ولا انت صممته وشكرا |
رد: عاده سيئه يسويها طيري وش الحل معه ؟
اخوي الله يعينك هههه
شكله طيرك يدري انك بطران هههههه احس حلولي مو جيده بس حبيت اشاركك 1- لاتحط له الاكل وهو بره القفص ( ع الاستاند ) .... حل قاسي شوي 2- حاول تلهي بالالعاب مثلا اذا شفته بيسوي الحركه عطه قلم خشب يكسر فيه وبالتوفيق+ تقبل مروري |
رد: عاده سيئه يسويها طيري وش الحل معه ؟
نفس المعناه
لما يشبع يفسق واحسن حل لاتخلي الاكل موجود طول النهار لا حطه الصباح لحد مايشبع ولاتعبيه له وحطه له العصر وهكذا واحسن حل للمشكله نفس علبة الأكل سويها مثل الكوخ وخلي فتحه كبيره لراسه وراح يتعلم ومارح يرمي الأكل والله الطريقه مجربه ونجحت لايوسخ ولا يرمي برا انا استخدمت المواصير البيض العراض حقت السباكه وقصيتها بسكين حاااااااااااااره وركبتها على العلبه وصار يدخل راسه ويطلعه بكل سهوله تصير مثل الكوخ |
رد: عاده سيئه يسويها طيري وش الحل معه ؟
طيرك شكله مسرف ومايخاف الله هههه
صومه كم يوم وخليه يعرف معنى الاكل الله يعينك اخوي وان شاءالله الاخوان ماقصروا وماراح يقصروا معاك مثل ماعملوا معي |
رد: عاده سيئه يسويها طيري وش الحل معه ؟
اخوي الله يحفظه لك ان شاء الله هذا طبيعي انا مرت على هذه الحاله ولاكن في الواقع الطير يبقي يلفت انتباهك حاول انك تحطله العاب اذا انت ماتجلس معاه كثير وموفق ان شاء الله
|
رد: عاده سيئه يسويها طيري وش الحل معه ؟
آنآ مــع آخـوووي فوزي بآلنسسبه
للحركــه مآعنده شغل غير آكله يرميه وآمآ آذآ كآن عنده آلعآب .. فآحسن حل آلاكل خله تحت بنفس آلقفص .. لا تخليه على آلاستآند وهذي طريقتي مع طيري مآخلي له آكل فوق خله ينزل يآكل ويطلع ريآضه مآفيهآ مشكله :) ههههه آتمنى آني آفدتك لا آله آلا آلله |
رد: عاده سيئه يسويها طيري وش الحل معه ؟
اقتباس:
شريته جاهز .. من محل اسمه ارض الصداقه بالرياض - سوق الحمام |
رد: عاده سيئه يسويها طيري وش الحل معه ؟
اقتباس:
حياك ربي اخوي طير انا ممكن احط له الاكل داخل .. بس ابي طريقه تخلي الطير يترك هالعاده السيئه ، ومروك على عيني وراسي ومشكور على نصائحك اخوي :) اقتباس:
هلا اختي بندوله والله صادقه لما يشبع يفسق .. والمشكله اكله من المخلط والنوع الزين يعني حسافه يسوي فيه كذا ،،، وبالنسبه للماسوره اللي قلتي عنها .. انا بدلت له حق الاكل بالنوع الثاني اللي يكون عميق ويالله يدخل راسه وياخذ اكله .. بس لما يشبع يوقف على حواف حق الاكل ويتمسك برجل وينزل رجل وماغير ياخذ من هالحب ويرميه تحت .. الضاهر جايزتن له الشغله ومشكوره على مشاركتك وافادتك ،، والظاهر بخلي الاكل له داخل افضل واحسن بس مشكلة الباب كبير حق القفص وممكن يتسكر على رجله ولا شي :o اقتباس:
قالتها اختي بندوله لاشبع فسق اقتباس:
والله حاط له العاب كثيره داخل القفص وبرا القفص .. وبصراحه مايخلي شي مايكسره ماتجلس معها اللعبه الا يوم ولا يومين ويتلفها اقتباس:
حياك اخوي فارس ورأيك الظاهر هو اللي بسويه لين الله يفرجها بس مثل ماقلت فوق .. اخاف باب القفص يتسكر على رجوله ولا شي خاصة يبغى ينزل ويتمسك بالباب |
رد: عاده سيئه يسويها طيري وش الحل معه ؟
نزلي الاكل تحت في القفص يطلع وينزل
وان شاء الله اكون قد افدتك |
| جميع الأوقات بتوقيت GMT +3. الساعة الآن 04:44 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو