|
القطه ماتت بشكل غريب ومفاجئ
السلام عليكم
اخواني انا عندي محميه صغيره او غرفه حاط فيها قططي عددههم 10 واثنين منهم لسه والدين كييتنز انا عازل الامهات مع الكيتنز باقفاص كبيره عشان لحد ياذييهم وباقي القطط هدد بالغرفه ابي اشرح لكم الوضع قبل لا اقول النهايه عشان اعرف السبب وراء هالحاله طبعا من قبل فتره جبت قطه عمرها خمس شهور وخليتها مع القطط وبعدها اكتشفت حاله هرش ببعض القطط ويوم كشفت عليهم طلع فيهم قمل براغيث وباقي القطط بعضها فيها بيوض وبعضها مو مصاب فاللي سويته رحت البيطري وعطاهم ابره القمل وقالي تعال بعد 14 يوم للابره الثانبه وحممهم طبعا انا رحت بعد المشفى للصيدليه البيطريه وشريت بودره خاصه للقطط تقتل الديدان والحشرات وسالت ان كانت مضره للقطط الصغار والكبار والحاوامل واللي والده قالي الدكتور ابد مو مضره نهائي طبعا انا ترددت اعطي القطتين اللي والدين معنه مو مصابين بالقمل لكن ابره القمل من البيطري خذووها قالي ما ياثرر عاديييي المهم بعدها بيومين وانا عند القطط اكمل الفحص وشوف التطورات بعد البودره واعقم المكان شفت وحده من الكييتنز بعد ما رضعت من الام فجاه مشت شوي وحركت راسها بطريقه غريبه ووقعت على حيلها وقامت ترجف من غير انقطاع من غير سبب للعلم انها قبلها بدقايق كانت تلعب وتتحرك طبيعها مع باقي الكيتنز ببس شربت حليب وصار فيها كذا للعلم انه باقي الكيتنز يرضعون من الام وماصار فيهم مثل ما صار فيها وديتها البيطري واهي كانها بحاله غيبوبه والرجفه مستمره طبعا قالي الدكتور انه فيها مشكله بالاعصاب والعضلات وسالني اذا طاح شي على راسها او طاحت من مسافه عاليه قلت له لا انا عازلهم عن باقي القطط قالي اعطيها ابره فيتامين تهدي الاعصاب وان ما استجابت لي بكره احتمال كبير انها تموت وفحص باقي الكيتنز كلهم طبيعين ومافيهم شي والام كذلك وقالي خليها بمكان دافي طبعا الكييتن المصابه اليوم الصبح بدت تحتضر وماتت الظهر الحين المصيبه الثانيه عندي القطه اللي تكلمت عنها ببدايه الموضوع اللي شريتها وكانت مصابه بالقمل وعادت قططي اليوم الصبح واناعند القطط فجاه طاحت ورجفت وماطولت دقايق وماتت من غير سبب من غير اي علامات تحذير لا خمول حاشها لا اسهال لا حراره شنو السبب انا ماعرف بخليكم بالصوره اول شي القطه اللي ماتت انا ما اعرف ان كانت امطعمه او لا يوم جبناها كل القطط عطيناهم ابره للقمل ماعدا الكيتنز الصغار اللي عمرهم شهرين واقل كل القطط حممتهم ما سبحتهم بالماي حممتهم فقط وحطيت لهم بودره القمل ماعدا الامهات اللي والدين عندي والكيتنز وبعدها بيوم رحت شفت حرارتهم الحمدلله لافي حراره ولا اسهال والقمل مات وخفت الحكه والهرش بخصوص الاكل اللي ياكلوه عباره عن وجبتين الظهر وبليل لحم مفروم مع شوفان وبطاط وجزر وشوي رز وشوي شعيريه ((معكرونه)) وفاصوليا خضرا ومكعب ماجي او دجاج مسلوق مع اللي قلته فوق شوفان وجزر وبطاط وشعيريه وفاصوليا ودراي فود طول الوقت جدامهم محطوط مع الماء فياليت تفيدوني ياخبراء بالمشكله وسبب اللي صار اخاف على باقي القطط صراحه وماني عارف شسوي |
رد: القطه ماتت بشكل غريب ومفاجئ
المشكلة لازم قبل ما تسير عند البيطري لازم تسال اي شي
و انشاء يسعدوك الاخوان |
رد: القطه ماتت بشكل غريب ومفاجئ
اخي الكريم
بخصوص ابره القمل :::: لايوجد علاج للقمل بالابر ..مهم تعرفه واحتمال البيطري يكذب عليك واعطاها اي ابره حتى يضمن حصول المال منك كون عندك محميه قطط وبخصوص كل القطط عندك...اتمنى انك تشرحلي المكان الموجودين فيه بالضبط.. وهل الاقفاص مزدحمه في الغرفه؟ هل موجود فتحات للتهويه في الغرفه؟ هل هناك مراوح للشفط في الغرفه؟ هل يستمر تنظيف الليتر بوكس بشكل يومي ثلاث مرات في اليوم ام لا؟ يوجد احتمالين لاصابه القطط بالمرض؟ 1- وجود فايروس ..وكماهو معروف اي فايروس يقضي على القطط الصغيره والغير مطعمه. 2- الابره المعطاه للام احتمال نزل مفعول الدواء في حليب الام ..مما نتج عن رضاعه الكيتنز منه واصابتهم بالمرض لان اي علاج سواء بالفم او ابر ..يعطى للام المرضع ..ينزل في حليبها بشكل مباشر. انتظر اجابتك على الاسئله حتى افيدك |
رد: القطه ماتت بشكل غريب ومفاجئ
اسم الابره interchamie على ما اعتقد
بخصوص المكان عباره عن غرفه كبيييره فيها شبابييك كبيييره على الاطراف عشان التهويه ودخول الهوا والشمسس فيها 3 شفاطات تكيييف لفتره الصيف الاقفاص تقريبا عددها 10 لكن مساحه القفص الواحد مترين بمتر واكبر شوي بس ان حطيت قطه بالقفص مايكون العدد اكثر من وحده كبييره والاقفاص بالاساس للقطط اللي تحمل وعلى ولاده وبعضها يكون اذا في قط مريض او فصل الذكور او تزاوج على حسب كل قفص له بوكس رمل وصحن للاكل والماء اذا كان فيه قطط وارضيه القفص قبل كانت قطع زل بس تعبت منها ومن تبدليها يوميا وتعقيمها وبدلتها بقطع مثل السفره بس ما اعرف اقول اسمها لانها انظف من الزل واسرع بالتنظيف والتعقيم وخليت علي جنب قطع زل صغيره ووصندوق تنام فيه القطط او تولد فيه افضل من السله باقي القطط هدد بالمكان ولكن في سلال وصناديق صغيره ارضيه الغرفه سيراميك وعشان القطط لا تستبرد من السيراميك حاط قطع زل وتقريبا حاط بره خمس بوكسات رمل تتبدل صراحه بشكل يومي بالاضافه لصحون الماء تغير يوميا صحون الاكل على كل وجبه القطط كلها سليمه وكل الكيتنز عندي مافيهم شي حتى خوان القطه اللي ماتت مافيهم شي لا ارتفاع بالخراره او انخفاضها ولا اسهال ولا خمول حتى الكيتنز اللي من ام ثانيه مافيهم شي الا القطه اللي ماتت والقطه الثانيه اللي ماتت بعدها بس اختي يالييت تنصحيني بنوعيه الاكل اللي اعطيهم اياه يعني لحم المفروم الجزر والبطاط والفاصوليا مع الرز او ششعيريه المعكرونه والدجاج مفيد لهم يعطيهم فيتامينات والكالسيوم ؟؟ |
رد: القطه ماتت بشكل غريب ومفاجئ
يمكن مقروصه .. فتش المكان
|
رد: القطه ماتت بشكل غريب ومفاجئ
يكون من البودره او الابر زي ما قالت الخبيره ناديه وطالما في نظافه وتعقيم ما تشيل هم الله معاك والله يحميهم لك
|
| جميع الأوقات بتوقيت GMT +3. الساعة الآن 08:09 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو