منتديات تو زوو - مشكلة الببغاء الجديد

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - مشكلة الببغاء الجديد (http://www.2zoo.com/vb/showthread.php?t=19130)

مشكلة الببغاء الجديد

يوم الخميس جاني ببغاء جديد هدية كاسيكو تقريبا عمره اقل من سنة
لأنه عيونة رمادية أول يوم كان يجعر شوي وبعدين صار عادي وياكل من اليد
المهم كنت أبغي يقصو أجنحته علشان أقدر افتح له القفص وأدربه
وكل أهلي قالو لي لأ مو الحين لأنه بعده صغير وبعدين بيخاف
وأصريت أنا على الشئ لين أمس ماقصوهم
ومن قصوهم وهو يجعر بصوت قوي ومو راضي ياكل من عندي ولاشئ
يعني امس طول اليوم ماأكل شئ بس اليوم قعدت الصباح وشفته أكل
لكن للحين خايف ويجعر لحد أنه لو بس أحد يدخل الغرفة اللي موجود فيها يبتدي في الجعير
وكل ماأعطيه شئ يقطه

ممكن أحد يعطيني طريقة أخليه يهدأ فيها ويسكت؟

بصراحة صارت عندي كذا ببغاء قبله لكن ماشفت ولا وحدة تصارخ مثل هذي

رد: مشكلة الببغاء الجديد

الاخت فان

الموضوع خوف و ليس اكثر و سوف يعود كما كان
امنحيه بعض الوقت و لا تخافي ابدا

رد: مشكلة الببغاء الجديد

انا رايي من راي مستر ميمو

الموضوع كله خوف وعدم اطمئنان

عطيه فرصه عشان يثق فيك

رد: مشكلة الببغاء الجديد

شكرال Mr.MeMo
وكروان على الرد
وانشاءالله بس خوف ويرجع مثل أول
لأنه بصراحة يعني صار أمس واليوم حابسني معاه في البيت ماأطلع وهو السبب
طول الوقت جالسه معاه.
والسبت تبتدي الدراسة يعني مو فاضية له طول الوقت

رد: مشكلة الببغاء الجديد

والله يا فان الحل بسيط

طبعا ما يختلفون عليها اثنين ان المسأله مسأله وقت لكن اهم شي ارفعيه على حد مستوى يدينك و كذا بيصير هو فوق اللي يمرون من عنده ولا راح يخاف

خليه معلق لمده شهرين الى ثلاث شهور وبعدها ابتدي بتدريبه

ودمتم ســـــــــــــــــالمين

رد: مشكلة الببغاء الجديد

كان المفروض تغطي وجه الطير بقماش حتى ما يلاحظ عملية قص الجناح وايضا لا يشاهد صاحبه في هذه العملية الطيور حساسة وخاصة اذا ما كان الامر يتعلق بأجنحتها .

رد: مشكلة الببغاء الجديد

لا اطلعيه من القفص لمدة اسبوع وخليه مكان لا اتحركيه ولا تزعجيه

رد: مشكلة الببغاء الجديد

شي طبيعي جدا

مسالة وقت

رد: مشكلة الببغاء الجديد

خليك جمبه و كلميه بصوت خفيف و حاولي تستسمحيه و أديه أفضل أكله عنده
بعد أسبوعين إلى شهر إبدئي التدريب
كان المفروض إن تتغطى وجه الببغاء أثناء القص عشان ما يشوف شيء كمان لازم محد يتكلم لأن الببغاء يميز الأصوات بسهوله
الله يعينك

رد: مشكلة الببغاء الجديد

شكرا للجميع على الردود

أول شئ خلينا الخدامة تغطيه وبعدين ابوي قص أجنحته يعني ماشافنا واحنا نقص اجنحته
وبصراحة يعني خليناه على طول مفتوح له القفص لكن يالله الحمدلله اليوم بدأ ياكل من يدي حب وبس يخلص من الأكل يرجع ويجعر مثل أول.
وانشاءالله يصير احسن مع الوقت
لكن فترة شهر احسها طويلة لين ماأبتدي أدربه لكن يالله بصبر على الله تكون في فايدة