|
محتار بين الكنق سنيك والكورن سنيك
السلام عليكم
محتار شنو اشتري حصلت كنق سنيك لونها ابيض و اسود وحصلت كورن سنيك وحده لونها مايل عالابيض اكثر و وحده لونها مايل للأحمر اكثر ابي اعرف عن تربيتهم وهل هالانواع شرسه ؟ او سامه ؟ ولا اشتري برميس بايثون البينو احسن ؟ للعلم كلهم طولهم متر تقريبا او اقل شوي... |
رد: محتار بين الكنق سنيك والكورن سنيك
الكنج سنيك والكورن سنيك تكبرون ببطئ اما البورميس تكبر بسرعة يعني خلال سنة ممكن يزيد طولها 80%
واهم شي لا تاخذ طول اقل من متر مهما كلن النوع عشان يكون توفير الاكل سهل ومن ناحية الهداوة كلهم هادين وغير سامين |
رد: محتار بين الكنق سنيك والكورن سنيك
امممم انا رايي أنك تنوع و انت عارف عاد ^^
و أفضل الكنق سنيك ، شوف فيديواتها بيوتيوب و تعرف ليش اسمها كنق تربيتها حلوه و حتى ماشالله تاكل اي شي ، فيران كتاكيت سحالي حيايه و لونها حلو مميز ~ لكن بالأول و الأخير أخذ الي انت تبيه ،، مو تاخذ شي و يكون مو عاجبك او شي ^^" و موفق انشالله |
رد: محتار بين الكنق سنيك والكورن سنيك
دشت خاطري الكنق بس الي لقيتها طولها من ٦٠ لي ٧٠ سانتي
وسعرها أغلى من البرميس الالبينو انصدمت من السعر بس هل تسوى سعرها ولا اخذ البرميس احسن ؟ حدي محتار |
رد: محتار بين الكنق سنيك والكورن سنيك
ولله الي يعجبك ^^
الأثنين حلوين و انت عارف شلون تربيتهم أكيد ^^" اختار الي تقدر تهتم فيه أحسن و عاجبك أكثر :) |
رد: محتار بين الكنق سنيك والكورن سنيك
من حقك تحتار
كلهم الوانهم حلوهو اطوالهم معقوله بس انا لو شفت الكورن سنيك باخذها بدون تفكير لان خاطري فيها من زمان خاصه لو لونها برتقالي اهتمامي بالبورميس و البول بايثن والكورن سنيك ما خلاني اهتم بباقي الثعابين <<<<رايحه تسوي بحث باليو تيوب عن الكنق |
رد: محتار بين الكنق سنيك والكورن سنيك
الكنق عجيبه صدق بايثون والله
تاكل ام جرس صدمتني بس المشكله ان الي أنا لاقيها طولها ٧٠ سانتي وايد سعرها غالي سعر بورميس البينو و نص ههههه |
رد: محتار بين الكنق سنيك والكورن سنيك
شوف من ردودك أنا حاس ان بخاطرك الألبينو بورميس أكثر ^^
مادري شقولك انت بهالشي ما ينفع تاخذ راينا ~ تاخذ راينا بمشكله مثلاً ، بس هني انت بتختار الحيه ، أصلاً ما يحتاج نخيرك بينهم ، انت اخذ الي تبيه مثل ما قلت ، و السعر مافي حل له ، إن عاجبك سعرهم أخذ مو عاجبك مو مجبور تاخذ ^^ موفق ~ |
رد: محتار بين الكنق سنيك والكورن سنيك
والله يا بايثون انا بخاطري الكنق اكثر بشوووويه بس الي رادني اني اشوف ان سعرها مبالغ فيه....
|
| جميع الأوقات بتوقيت GMT +3. الساعة الآن 06:22 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو