منتديات تو زوو - نكتة همتارو و همتورة تبعي !!!!

بسم الله الرحمن الرحيم

كنت نايمة الصبح الساعة 10 ..

يت أمي .. قالت لي .. أزهار .. وين همتارو تبعج ؟

قلت لها .. ما تشوفيني نايمة ؟

في قفصه طبعا !

إلا تقول لي لا مب في القفص ! القفص مبطل !!! و همتارو مب هناك !

آنا بصراحة فصلت همتارو عن همتوووورة عشانها الكريهة ما بين عليها آثار حمل !

خليتها في قفص ( من تصميمي ) و خليت همتارو في القفص تبعهم اثنينهم !

في الصبح بعد ما وقظتني امي ..

رحت أجيك !

لاحظت ان القفص فيه فتحة ( الأنبوب اللي في القفص عبارة عن مجموع انابيب موصلة مع

بعضها _ الله يسلمكم الأنبوب انفتح في جزء منه و طلع منه همتارووو الغبي لأني أثناء التنظيف

ما سكرته زين )

بطلت عيوني :eek:

و انزهقت .. وين راح همتارو ؟

أخاف ليكون همتورة بعد طلعت !

بروح أجيك ..

رحت أجيك ! و فعلا .. همتورة مو في قفصها و لا هي داخل بيتها !

وين راحت هالثانية بعد ؟

عفست البيت فوق حدر من صباحة الله خير .. قلت في نفسي ما فيه أمل أحصلهم غير في

الليل يمكن يجوعون و يداورون مني مني !

أو يرجعون للقفص !

و على فكرة همتورة طلعت من قفصهااا عشاني ما عرفت اصنع ليها قفص آمن !

قدرت تتسلق و تطلع هالساحرة هذي .

كنت حاطة القفصين على الدرج من أسفل ..

أمي قالت جايز ركبوا فوووووق !

قلت لها يجوز ليش لاء .. امي راحت .. و فعلا .. شافت همتارو مطلع راسه من تحت الخزانة اللي

في استراحة الدرج ( كلش فووووق ) .. يعني معناها همتارووو ركب الدرج بأكلمه لين وصل للنهاية

و شاف الخزانة الآمنة و انخش تحتها !

نادتني .. الحقي .. ازهاااااااااااااااااارررر .. الفار تبعج أكووو اهني !

ههههههههههههه خوب هي ما تسميه إلا فار .. خاصة اذا انقهرت عليه ..

طلعت لي جزرة من الثلاجة و نهشتهااا من أعلى عشان تفوح ريحتها .. مسكتهااا و حطيت طرفها

قريب الخزانة من أسفل .. ما اشوف الا همتارو جاي بالعاااااافية و قاعد ياكل ( الحمـار ) ..

مسكتها فجـأة ما افتكرت فيه من القهررر .. و رميته في القفص تبعـه .. ( وديت القفص معاي فوق )

قلت الحين باقي البلوى همتورة .. ما يندرى وين انخشت في هالبيت الواسع !

أمي نزلت .. قعدت لما أذن أذان الظهررر أراقب همتارووو و هو في قفصه .. ما حبيت أمسكه

لأني ما حبيت أضايقه من صباحة الله خيررر ..

و آنا قاعدة و المؤذن يقول الله أكبرر .. ما اشوف الا همتووورة مطلعة راسه من تحت الخزانة بعد

لااااااااااااا و الله :eek:

أني مفرقتنكم عن بعض عشان تحملين يا الخروفة .. أتاريج تتحديني و ترجعين له ؟ لكن براويج

قربت ايدي في سرعة البرق أبي أفغصهااا .. ما اشوف الا تركض ركض الملعونة و تنخش داخل !

هذي ويش يطلعها ؟ كل اشوي تطلع و ترد تدخل .. مللتني .. وش فيها خايفة لهدرجة ؟

و الغريب ان همتاروو لأول مرة في العمررر ( يبي يطلع من القفص يروح حقها :eek: )

وش هذا ؟ آنا خبري من اطلعهم برع يتهاوشون على القفص و الحين ما يبونه ؟

ليكون فيه سم :confused:

اخذت سلة صغيرة قطعت فيها اشوي من الجزرة و حطيت فيها نشارررة ..

و لا اشوف الا همتورة جاية بالعافية و قاعدة في السلة و تاكل بالعافية :p

أخذتها هي بالسلة و قطيتهاااا في علبة بلاستيك صغيرة فيها ثقوووب و سكرت عليها

خليتها تولي في علبة البلاسيتك .. الحين مستحيل تقدر تطلع .. :D

و فصلتهم بعيد كلش عن بعض .. القفص في وادي و علبة همتورة في وادي ثاني !

آآآآآآه تعبوني ..

بعدها رحت أصلي .. و قلت للماما باركي لي حصلت همتورة :D

كانت صج صج صج صج فاااار متنكر .. شيطااااااااااااااااااااااااانة :rolleyes:

روسي هاللون ؟ يركض كأنه وزغة :p

بس ما انكر انهم من يشمون ريحة يدي يجون لي :rolleyes:

آنا احبهم واااااااايد .. و خاصة همتارووو رغم شطانته

بس في هالسالفة كانت همتورة اشطن

الله يلعنهااا أم دبة ..

قولووووا ان شاء الله حامل .. صايرة متوحشة !

هل التوحش دليل الحمل ؟

جان زيييييين ..

على فكرة .. كانت تقطع بيتهم اللي من كرتووون و تدخل القطع داخل الأنبوب و تنام عليه !

أكلوا بيتهم الكرتوني القديم كله :(

دخلت لهم الحين بيت من حديد

وين يقرضونه الحين ؟

أدري طولت عليكم .. الفراغ و ما يسوي ..

و سلامتكم حبايبي