|
انا ناوي على البط بس ممكن استفسارات
السلام عليكم
بسم الله الرحمن الرحيم ابي اربي بط و عندي دياي و حوينا ماشالله عليه كبير و في منطقة كبيرة كلها رمل و وايد نخل و شوية شير بس شو النوع الافضل للتربية كهواية و زين بالتبييض؟؟ و شو لونهم عشان اعرفهم هم يحبون الماي انا ابي اسوي لهم مكان شوي واسع و عود للماي عشان يسبحون وين احصل شي رخيص يفيدني و هل اروم اسوي شي بلبيت و رخيص؟؟؟؟؟؟؟؟؟؟؟؟ و كم يكون العمر الافضل للتربية 4 شهور 8 شهور اكثر اقل؟؟؟؟ و شو ااكلهم ؟؟؟؟ و هل ممكن ايب ريال واحد و حرمتين او اكثر من البط ؟؟؟؟؟ لا تبخلون بالردود و سلامتكم |
رد: انا ناوي على البط بس ممكن استفسارات
وعليكم السلام ورحمة اللهـ وبركاتهـ .
أنا بصراحة ماعندي خبرة كبيرة بتربية البط لكن حأحاول أفيدكـ باللي أعرفة . من أنوع البط اللي تقدر تربيها بالبيت : المسكوفي الأسود : http://www.4u-arab.com/up/upfiles/iqI19164.bmp المسكوفي الأبيض : http://www.4u-arab.com/up/upfiles/BLP19164.png البكيني : http://www.4u-arab.com/up/upfiles/vqT19164.jpg بط الكايوجا : http://www.4u-arab.com/up/upfiles/hGV19164.jpg هذا ماعرفت اسمهـ بس شكلهـ حلو : http://www.4u-arab.com/up/upfiles/usU19164.jpg وغيرهم كثير ,, ممكن تبحث بالنت عن أنواع البط وتختار اللي يعجبكـ او تشوف ايش اللي متوفر بالسوق . بالنسبهـ للحوض هذا الحوش أعجبني وممكن تصمم مثلهـ اذا تحب ,, أما عن تكلفتهـ ما أدري واللهـ : http://www.4u-arab.com/up/upfiles/i3e19164.jpg أحسن لكـ تشتري بط بعمر صغير عشان يتعودون على شكلكـ ومايصيح كلما شافكم .. لكن عيب الصغير مرة انكـ ماتعرف جنسهم . والبط الأكبر في العمر أغلى لكن اخاف تتوهق ببط كبير جدا بالعمر .. فخذ لكـ الوسط أفضل شيء . وبالنسبهـ للتبييض البط يبيض في مواسم أغلبها بالربيع . أكلهم ممكن من بقايا أكل البيت او ذرة مطحونهـ أو ورقيات وأظن انهـ يحب البرسيم ,, وفيهـ بالسوق يبيعون أكل لهالطيور . ان شاء اللهـ أفدتكـ واذا أحد الأعضاء عندهـ معلومات أفضل يطرحها هنا .. تحياتي لكـ . |
رد: انا ناوي على البط بس ممكن استفسارات
مشكووورة و جزاش الله خير
بس احتاج معلومات زيادة |
رد: انا ناوي على البط بس ممكن استفسارات
و الشي الوحيد اللي ما عرف حله هو الحوض او البركة كيف و من وين؟؟؟؟
و مثل ماقلت عادي ايب ذكر و ثلاث بطات مثلا |
رد: انا ناوي على البط بس ممكن استفسارات
اماراتي ياصديقي انصحك ماتربي بط بالبيت
لانه راح يدخل الذبان داخل بيتك وترى هالكلام عن تجربة انا ربيت 10 بطات بس من كانوا فروخ الى ان كبروا صحيح ان مناعتهم قوية جدا ومايمرضون لكن عيبهم ان يوصخون حيل يعني لازم كل يوم انظف لهم وهم ماالحق عليهم اما الذبان فحدث ولا حرج راح البيت يتأذى صج من الذبان فانصحك تربي كبداية 10 بطات وبعدين ان ارتحت لهم زيد على كيفك في العدد |
رد: انا ناوي على البط بس ممكن استفسارات
يمكن ايب 6 بطات بس كم ذكر و كم انثى؟؟؟؟
الحوض كيف و من وين؟؟؟ و الله يخليكم جاوبوني تراني مستعيل |
| جميع الأوقات بتوقيت GMT +3. الساعة الآن 10:01 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو