قصتي مع الببغاوات
 

انا اليوم باقلكم قصتي مع الببغاوات

وطبعا انا اول ببغاء شفته في حياتي ببغاء جدي الافريقي

الله يرحم ايامه مدري ليش طفشو منه وباعوه مع انه كان حاط نكها لبيت اهلي


المهم كان عمري حوالي 6 سنوات وانا كنت احك له راسه واحطه على ايدي

والعب معاه وجدي كان يستانس علي

علما بان الببغاء كان عمره اكبر مني وباعوه وعمره اكثر من 15 سنه



وانا العب معاه الين صار عمري 9 سنين وصار نفسي في كاسكو نفس الي عند جدي

ورحت محل الطيوور واشوف داك لبلو فرونتد الاليف

وداك الكاسكو الي يجعر انقلب رايي 360 درجه وقلت ابي هدا وانا ماكنت اعرف انه بلو فرونتد

او ايش حكمت عليه من شكله وولافته

بس الي انا قاعد افكر فيه الحين كيف جت معاي بصدفه ومانصب علي فيه وطلع اورنج وينجز

المهم جبته البيت اول اسبوع ليه قالي خالي لاتقربه بس حط له اكل وماي عشان يحس بالامان

وضل اليف زي ماهوه وسويت الي قالي به وكان داك الامازون افضل طير صار عندي

يقول كل شي في البيت حتى ناس كثير قالولي بيعه بس انا تعلقت فيه

وضل عندي خمس سنوات ومات

وانا لحين ادكره ومو قادر انساه والمشكله

وبعده بفتره بسيطه اخت بلو فرونتد ثاني

وقعدت ادور اقرب بلو فرونتد في الشكل الى الي مات واخذته عشان يونسني بدل الي راح

وصراحه هدا الي الحين موجود عندي احسه بس يبي يلفت انتباهي مدري ليش

مع انه مو اليف وكل ماشافني يطلع فيني ويطلع اصوات مدري كيف وغمغم

وانشاء الله اخليه اليف زي الي راح

رد: قصتي مع الببغاوات
 

ما شاء الله اخوي كل هذا من جدك وطيره :D

وانشاء الله البلو فرنتد الي عندك يطلع ازين من الاول

وانشاء الله تولفه وتخليه يتكلم

تحياتي

رد: قصتي مع الببغاوات
 

اي والله كل هدا عشان جدي وطيره

وعنده حوالي 200 كلمه وللاسف باعوه 1800 ريال لو انا الي شاريه ابرك

بس ادا فات الفوت ماينفع الصوت

رد: قصتي مع الببغاوات
 

ما شاء الله ميتين كلمه

عل عموم لعله خير

رد: قصتي مع الببغاوات
 

والله عنده حوالي 200 كلمه وكان يصيد الكلام ماحد يعلمه بس يلاعبونه وبدلون له اكل وماي

وصار له 15 سنه عندهم يعني لو يعلمونه كلام كان من زمان ختم 800 كلمه بس مايعلمونه

وكانت اكثر حاجه في كلامه تعجبني انه يسوي زي صوت الجرس ههه