سؤال عن الكاسكو لاتبخلوا علي بالإجابه
 

انا ابي اشتري كاسكو

شالفرق بين الافريقي والهولندي
ومن فيهم اللي محجل ؟؟

وكم سعر الكاسكو المحجل بعمر 6 الى 9 شهور اليف .. بمحلات الرياض ؟؟



انا اتصلت على محل قالي 1500 وبعد اسبوعين قال 2400 ويوم سألته ليش قال في اختلات ؟:64:





انتظر ردوووووووودكم

رد: سؤال عن الكاسكو لاتبخلوا علي بالإجابه
 

اختي شوفي

الهولندي افضل من الافريقي بحجمه وجرمه ووقفته ونضافة ريشه ( وهو المحجل )

الافريقي يتميز بـ مناعته القويه وانا اتوقع وجهة نضر ان الافريقي المصيود اذكا من الهولندي وجه نضر

و الهولندي مناعته ضعيفه وهو من يفقس وهو متربي مع البشر

و يكون اليف جدا ولاكن الافريقي لا يجاعر ويصارخ و متوحش

الا اذا ولفتيه

بالنسبه للأسعار

الافريقي من 600 - 1300

ويرتفع على حسب :

نضافة الريش , الكلام , الولافه , الجعير

الهولندي الدفع توصل فراخ ولاكن الاسعار من

1700 - 2200 ريال

وانا اقولك اشتريلك افريقي

رد: سؤال عن الكاسكو لاتبخلوا علي بالإجابه
 

طيب ممكن صور ابي اعرف اشكالها

رد: سؤال عن الكاسكو لاتبخلوا علي بالإجابه
 

نفس الشي بس

هذي صور وهذي صورة طيري الهولندي :D


http://www.2zoo.org/get-9-2010-2zoo_org_2ziblh71.JPG

وهذا الحجل

http://www.2zoo.org/get-9-2010-2zoo_org_dqly1t7v.JPG

وهذا الافريقي

http://www.2zoo.org/get-9-2010-2zoo_org_yzpxy4l1.jpg

رد: سؤال عن الكاسكو لاتبخلوا علي بالإجابه
 

اختي هو نفس الشي ونفس السلاله ونفس الاصول على قولتهم

لكن مثل ما ذكر لك الاخ الهولندي يكون تربية مزارع وبما انه تربية مزارع يعني اشخاص يعتنون فيه من الصغر عشان كذا صار اليف وما يصرخ ولا يعض ومشكلته يبي له عناية وحرص اكثر وخصوصا من ناحية المكيف والاشياء هذي لانه ما تعود على التقلبات الجوية خصوصا ان مناعته مهيب قوية لانه ما كان ياكل الاكل اللي في الطبيعه
وسعره 1700 الى 2000 فرخ
الافريقي اللي يجي مو محجل يكون غير اليف لانه مصيود ويعض ويصارخ(يجعر) لكن مناعته قوية بسبب غذائة الطبيعي وهو صغير بس يبي له صبر لمدة وقدرهاا لكن بتحسين بالفخر اذا كنتي شجاعه وقريتي للاعضاء اللي بالمنتدى طرق الترويض زي ما انا اسوي قدرتي تروضينه وهذا سعره من 900 الى 1200 فرخ

وانتبهي من الغيني لا تاخذينه يكوون عنيد جدا

وانصحك تاخذينه من سوق الحمام بالرياض والله يعينك على المشوار بس بتلقين هناك 20 محل بمكان واحد وجميع اغراض الطيور من اقفاص واستاندات واكل والعاب باسعار ارخص من اي محل ثاني بالرياض

واسف على الطاله

رد: سؤال عن الكاسكو لاتبخلوا علي بالإجابه
 

صورة للافريقي ثانيه

http://www.2zoo.org/get-9-2010-2zoo_org_v9fulyof.jpg

رد: سؤال عن الكاسكو لاتبخلوا علي بالإجابه
 

اخوي بالنسبه للمناعه هو مو اكل طبيعي ولالا

هو الهولندي يوكلونه من الطبيعه ولاكن

مناعته ضعيفه لأنه ما اكل من فم امه من حوصلة امه

من مناعة امه عكس الافريقي المصيود

يكون ماكل من فم امه من حوصلتها وياخذ مناعتها

وشكرا على المعلومات الي نفس كلامي :D

ودي

رد: سؤال عن الكاسكو لاتبخلوا علي بالإجابه
 

مشكورين اخواني على الافاده ماقصرتوا


بس كيف اعرف الغيني علشان ماانغش ؟

رد: سؤال عن الكاسكو لاتبخلوا علي بالإجابه
 

الغيني معرووف مرره بعد

يكون اصغر حجم و اغمق لون الريش و اغمق بلون ريش الذيل يكون عنابي غامق

و لاكن بالنسبه للذكاء الغيني و الافريقي سوا بس الافريقي يحفض اكثر

ولاكن الغيني عنيد بالتدريب ولاكنه يتأقلم على المكان اسرع وهذي صوره له

http://www.2zoo.org/get-9-2010-2zoo_org_f240kwnt.jpg

http://www.2zoo.org/get-9-2010-2zoo_org_nov6czcy.jpg

وانا بالنسبه لي انهم سواء ولاكن انا عندي الغيني جميل جدا

ولاكن لا ينافس الافريقي

وسعره من 200 - 700

واذا كان يتكلم يكون سعره 1000 - 1300

رد: سؤال عن الكاسكو لاتبخلوا علي بالإجابه
 

مشكوووووور يااخوي على مساعدتك
جزاك الله خير والله يوفقك