منتديات تو زوو - قصتي الحزينة وتحذير لكل من يهوى تربية الطيور

[SIالسلام عليكم ورحمة الله وبركاته
اخواني احاول اكتب لكم قصتي والتي حدثت احداثهايوم امس قبل صلاة الفجر وسوف احاول ان لا اطيل عليكم بس لازم تنقال بعض التفا صيل المهمة من بدايت اقتنائي الطير حتى تصل الفكرة الي ابغا اوصلها من موضوعي

اشتريت طير قبل 9 شهور تقريبا من نوع بلو فرنتد غير اليف والحمد لله استطعت ان اروضه حتى صار ينام على صدري ويطلع على اليد ويجيني طيران بعد واتعلقت فيه بصراحة وبدى يحاول ينطب بكلام غير مفهوم وهذه اللحظات تعتبر من اسعد لحظات المربي كما يعلم جميعكم الين الحين حلوين قصة عادية تصير مع اي احد ما في جديد

لنتقل بكم الى الجزء الكئيب من القصة والذي اخبرتكم بانه بادا معي فجر امس:mad::mad:

فتحت القفص كعادتي احاول العب مع طيري كيوي واردت ان انضف قفصه واثنا انشغالي بذالك طار الطير للغرفة المجاورة امامي وهنالك حدثت الكارثة

كانت المروحة تعرفونها كلكم شغالة وليتني ما عرفتها ولا ركبتها في بيتي :(

عموما اكيد عرفتو ايش صار

ايه بالضبط صفق الحلو كيوي في المروحة قدامي تخيلو الشعور المر في هذي اللحضة الله لا يوريه مسلم

جيته طيران الحقه واذا بالكارثة وقعت وامر الله صار انكسر جناح الطير:64::64:

طبعا لكم ان تتخيلوا الصدمة الي ممكن تصيب اي احد في مكاني وحادث صار في ثواني قدام عيني

ما عرفت ايش اسوي ضعت وطلعت ونزلت
المهم دقيت على واحد من اخوياي له خبره اكثرمني مع الطيور قالي جيب الطير وتعالني طبعا الكلام هذا قبل صلاة الفجر ب 30 دقيقة :eek::eek:

رحت لخوي طيران حاولنا نسوي شي للطير ما قدرنا الكسر موقعه شين جدا

رحت البيت وحاولت الفه باكثرمن طريقة شفتها بالنت بس الببغاء غير الطيور يفك امتن ربطه طبعا كل ما حركت الطير ينزف الدم وهذا الي يقهر جد

لازم طبيب بيطري وين نلاقي طبيب هل الحزة مستحيل طبعا جلست اطالع طيري وحاولت اسئل عن اي عيادة فيها طواري اكيد مالقيت اذا ماحصلن اطباء عدلين للبشر نلاقي لطيور

حوالت اتصل على العيادات بعد ما جبت ارقامها الين طحت في عيادة الساعة 11 صباحا لاحظو اني ما نمت لان السهر ذا راح يكون له قصة ثانية معايه بعدين نذكرها

طبعا اول ما رد علي رحتلهم طيران

لقيت الدكتورة عندها عمليات اضطريت انتظر وانا جالس على جمر حاس ان الطير بيروح من ايدي
وبعد انتظار طال او قصر طلعتلي دكتورة هولندية الجنسية نسيت اقولكم قبله في دكتور سوري مساعد لها قالي انه ممكن ينقص جناح الطير لان العظم اذا خرج لبرا ما عد ينفع يتجبر بصراحة مادري عن صحت هذا الكلام الى الحين وهنا انا توترت ومسوي اني عادي :confused::confused:

طلعت الدكتورة بعد الكشف قالت ان العظم ما طلع لبرا بنحاول نسوي جبيرة للطير ونخليه لمة ثلاث اسابيع اذا جبر اوكي بس ما حيقدريطيرممكن ثاني
او حنظطر نقص جناحه اذا لم تجبر

رجعت انا والطير وهو في حالة وشكل مع الجبيرة وحلقة حول رقبته عشان ما يعض الجبيرة يحزن بصراحة ودايخ واكله مو مضبوط يا كل شوي والله يستر طبعا جلست اطالع فيه الين اذن العصر ما نمت ودي انام بس فيني حرقه ما يعلم فيها الا الله :64::64:

وبصراحة مادري عن مدى صحتة كلام الدكتورة بس لازم اسمع كلامها واشوف ايش النهاية اتوقعت ممكن يكون فيه عملية تسير للطير بس جوابها صدمني

والله لو تشوفونه جالس اكتب الموضوع وهو قدامي شكله يقطع القلب :(:(

انا قلتلم اني ما نمت شا فتني زوجتي الغالية قالت قم ريح تراك تعبان وفقدت سوأل كثير لازم ترتاح من كثر ما درت في الشموس

قمت انام جات بعده زوجتي تصحيني قبل المغرب واذا بي دايخ مدري ايش صار فيني هبوط في الضغط مدري السكر المهم حسيت اني باطفي يعني بموت جد لحقت علي بالمويه وتمره وشويت عسل بعد نص ساعة بديت افوق فطرت طبعا وهذا الي مزعلني ولو اني بعذري فعلا حسيت بالموت فطرت بعدها ونمت واول ما قمت حاس اني ماني مضبوط

رحت المستشفى على طول النتائج سليمة بس انت صار معاك ارهاق ذهني وجسدي كبير سبب كل الي صار معاك

الحمد لله على كل حال قدر الله وماشاء فعل

الزبدة من طول السالفة هذي انه اجراء احترازي بسيط بتطفيت المروحة يمنع وقوع مثل هاذي الككوارث

الي خلاني اكتب القصة الطويلة هذي وتتكسر اصابعي الي ممكن تكون مملة لكم اخواني
حرصي على ان ما يتكرر مع احد الاخوان نفس الحدث ويتاكد من كان عنده طير كامل الجناح من عدم تشغيل المروحة او عدم وجوده انا عني ناقل خلال الشهرين الجايه انشاء المولى وشايل كل المراوح من بيتي علما اني كنت حريص من اول ترى بس امر الله حصل انتبهوا اخواني الله يحفضلكم طيوركم

في الختام شكر لمن عرج على الموضوع وادعو لطيري يقوم بالسلامة لاني مازلت قلقان عليه والله مو مطمني وضعه واحاول اوافيكم باخبارحلوة انشاء الله

طبعا اشكر كل اخواني الاعضاء الي تجاوبو معايه وقت وقوع الحادث الاليم

والي ممكن يكون عنده شي يفيدني لا يبخل علي يرا سلني او يلعق مشكور والسلام خير ختامZE="7"][/SIZE]