|
كيف اربي ساكورا
بسم الله الرحمن الرحيم
السلام عليكم ورحمة الله وبركاته اول شي احب اقول لكم صار عندنا قطوة :12: القصة انو عندنا بالحارة بسة والدة بس البساسة كبار شوي اتوقع عمر شهر ما ادري ماني خبرة وصادفت انها صارت قدام بيتنا عطيناهم عضامه والصغار جو واكلوا يعني يرضعون وياكلون بفس الوقت وصرنا ناخذ من بزرانها ونرجعهم واليوم لقيناها ضافتهم كلهم الا واحد والضاهر انه بنت لأني اشوف لها ثدي سميناها ساكورا وهذي هي صورتها وه بث فديتها http://files03.arb-up.com/i/00230/zqvu37bdtaab.jpg http://files03.arb-up.com/i/00230/ylx5ijjn1tui.jpg :shy: اسألتي كم عمرها تقريبا ؟؟ وش اعطيها اكل منزلي يناسبها في ذا العمر ؟؟ حليب السعوديه مناسب لها بعد تخفيفه بالمويا ؟؟ وكيف اشربها ؟؟ عادي افطمها ؟؟ وكيف ؟؟ ماهي الألعاب المناسبه لها في ذا العمر ؟؟ وشو نوعها ؟؟ << ادري بسه شوارع هع هع هي تلعقنا وتعضنا احيانا عادي ؟؟ << معلومة عضها ما يوجع .. ينفع معها اسلوب النهي بـ(لا) من هذا العمر زين ولا كيف ؟؟ كيف اخليها تحبني وتعرف اسمها ؟؟ عادي احممها ؟؟ وشو الاكل الي يضرها ؟؟ لأن حتى الان عطيناها تمر ودجاج وزيتون فا وش تنصحوني فيه؟؟ واسفه على كثر الاسأله بس احب القطط واول مرة يكون عندي قطة ومشكوريييييين ق9 |
رد: كيف اربي ساكورا
كم عمرها تقريبا ؟؟ شكلها شهر ونص الى شهرين مو اكثر وش اعطيها اكل منزلي يناسبها في ذا العمر ؟؟ دجاج مسلوق ومفروم او منتف واخلطيه بمرقه او بزبادي سيريلاك تقدرين تعطيها بسكوت اولكر(تبع الشاي)بس اخلطيه بحليب او خبز نخاله مع حليب جبن مثلث او كيري او سايل الخ حليب السعوديه مناسب لها بعد تخفيفه بالمويا ؟؟ وكيف اشربها ؟؟ هذي شكلها تعرف تشرب من الصحن ايه خففيه بمويه واعطيها بالرضاعه او بالقطاره بس اتوقع تعرف تشرب عادي افطمها ؟؟ وكيف ؟؟ الحين عطيها الاكل مع الحليب وشوي شوي اقطعي الحليب اذا تعودت انها تاكل ويصير الحليب مره بالاسبوع ماهي الألعاب المناسبه لها في ذا العمر ؟؟ كور صغيره (تقدرين تسوين من القصدير) الخيوط الصوف بس انتبهي لاتبلعها او تخنقها اسحبي الخيوط وتلحقها ودباديب صغيره المحشوه وشو نوعها ؟؟ << ادري بسه شوارع هع هع بلدي بس ماشاء الله تدنن هي تلعقنا وتعضنا احيانا عادي ؟؟ << معلومة عضها ما يوجع .. استني تكبر شوي ويجيك العض على اصوله الحين تطلع اسنان وتحب تعض عطيها العاب تعضهم عشان ماتتعود على عضكم ينفع معها اسلوب النهي بـ(لا) من هذا العمر زين ولا كيف ؟؟ بها العمر لسه صغار اذا كبرت شوي تستوعب كيف اخليها تحبني وتعرف اسمها ؟؟ اذا عطيتها اكل ولعبتيها واهتميتي فيها بتحبك واسمها دايم ناديها وامسحي على راسها وهي تاكل واعطيها اكل من يدك وكرري اسمها مع الوقت بتعرف عادي احممها ؟؟ لا توها صغيره بس بما انها بعد الشارع بللي منشفه بمويه وامسحيها ونشفيها زين وبعدين جيبي لها بودره القطط وشو الاكل الي يضرها ؟؟ لأن حتى الان عطيناها تمر ودجاج وزيتون الاكل اللي فيه ملح ودهون يضرها والحلويات بعد لاتعطينها تمر ولازيتون الزيتون كله ملح نسيت بقولك مو شرط بنت لان حتى الذكر يكون له اثداء |
رد: كيف اربي ساكورا
|
رد: كيف اربي ساكورا
مشكوووورة غلاتوو وه ياقلبي عليها
بس سؤال واحد كيف اعرف انها ذكر او انثى ؟؟ شكرا لك مرة ثانيه لو تدرين شو كثر احبها الله يعين على العض هههه وجعله في موازين حسناتك |
رد: كيف اربي ساكورا
اول مرحبا بكي اختي انتي وساكورا في منتدنا
بنسبة لنوعها اطلب منك صورة امها لو بعدها موجودة :) عشان اقولك نوعها هي نوعها بلدي طويل الشعر ونسمي هذا اللون بالرومي و هي قطط مهجنة بين القط البلدي و الشيرازي :) و تقدرين تعرفين عمرها من خلال الاسنان و هذا الموضوع بيفدك http://www.2zoo.com/vb/showthread.php?t=170323 بنسبة لللعق والعض فهي تلعب لان القطط في هذا العمر تحب اللعب اترك باقي الاسئلة ل افساح المجال ل اخواني واخواتي الاعضاء و المشرفين :) |
رد: كيف اربي ساكورا
انا وساكورا نشكرك على الترحيب
مشكووور خيوو بالنسبه لأمها فاهي للأسف مو موجودة مدري وين طست هع اها يمكن لأن اخواني يقولو امها شعرها طويل شويمرة شفتها شعرها طويل شوي ولونها اسود شكرا للمرور ق0 |
رد: كيف اربي ساكورا
العفوووو
شفتي الرابط اللي كتبته اقريه وفيه صورة للذكر والانثى |
رد: كيف اربي ساكورا
مشكووورة غلاتوو
ولكن اكتشفت انه ذكر |
رد: كيف اربي ساكورا
العفوو وربي يخليه لك
|
رد: كيف اربي ساكورا
امييين
وسميناه كاسر لأن بابا يقول بزعل عليكم اذا سميتوها غربي وعجبني الاسم منورة حياتي |
| جميع الأوقات بتوقيت GMT +3. الساعة الآن 04:30 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو