|
استفسار عن الحمامه البهلوانيه
السلام عليكم جميعا
عندي استفسار عن حمام يسمى بالسوق البهلواني وياليت معلومات لأني شفتها بالسوق وابي بعض المعلومات عنها مثلا = سعر الجوز .. انتاجه .. الاجواء اللي يعيش فيها .. هل منه الاصلي وغير الاصلي مثل باقي الحمام .. هل هي نوع نادر .. .. الخ الخ الخ .. وهذي بعض المعلومات اللي شفتها هي حمامه لما تكون على الارض وتضرب بيدك على صدرها ضربه خفيفه ترجع على وراء وهي تتقلب بشكل سريع كنها كوره طبعا الحمامه لاتطير لاني شفتها بالسوق مطلعينها برا وكان جناحها كامل غير مقصوص وكان صاحبها يضربها على صدرها وتتقلب بشكل رهيب سألته وش نوعها قال بهلواني قلت كم السعر قال سومها انت .. انسحبت لأني جاهل بها النوع .. وش رايكم ياليت معلومات كافيه عنها لاني قررت اربي نفس هذا النوع اعجبني بصراحه |
رد: استفسار عن الحمامه البهلوانيه
غريبه :confused: وين الخبراء
مافيه رد ؟؟؟ |
رد: استفسار عن الحمامه البهلوانيه
السلام عليكم
اخوووي العزيز انا حبيت اضيف لك كم معلومه هذا النوع من الحمام اسمه قلابي ارضي وهذا مايطير نهائيا وتقدر تعتبره حمام للزينه اما من ناحية الاسعار تبدا من 120 ريال قطري حتى ال500 وهناك اكثر من نوع في نوع الامريكي اللي يجيك مامتوج ولا مصرول اما في انواع ثانيه بس ماعرف وش نوعها تكون مصروله ومتوجه .. وفي التفريخ تفرخ مثل اي حمامه عاديه وهذا كل اللي اعرفه عن هذا النوع |
رد: استفسار عن الحمامه البهلوانيه
مشكووووووووررر اخوي
بس انا حاس من شكله انه في الانتاج مو شي وهذا احساس والله اعلم |
رد: استفسار عن الحمامه البهلوانيه
انتو اصحاب الحمام مسوين زحمه والشارع فاضي اطرح موضوع لكم وابي الخبره منكم وفي الاخير كذا واحد يشاهد الموضوع ولا احد يرد .. الا واحد جزاه الله خير هو اللي رد على الموضوع .. عادي اي واحد يشوف الموضوع ولا يعرف عنه شي يكتب على الاقل والله ماعندي خبره .. ابي احس ان موضوعي ذات اهميه .. باختصار اشتري هذا النوع او لاااااا ؟؟؟؟؟؟؟؟؟؟
|
رد: استفسار عن الحمامه البهلوانيه
وعليكم السلام ..
اخوي الحمامة اللي تقصدها تسمى بالحمام الامريكي .. هذا ما يحتاي تضربه على صدره ولا شي ، كل اللي عليك ان تتركه بساحة وتخوفه عشان يحاول يطير ، وعلى طول راح يشتغل في التقلب ولازم لازم توقفه ، لان اذا قلب ما راح يوقفه شي غير المووووت او على الاقل من كثر التشقلب راح يطلع من خشمه دم .. المهم الحمام اسعارهم عندنا بالبحرين تتراوح بين الخمسه دينار الى الـ 30 دينار .. على حسب اللون والانتاج .. وانتاجهم حلــو ، بس اهم شي انك تخليهم بمحكر صغير لتجنب الشقلبه (( عشان الطير ما يدعم ويتعور )) وتربيتهم حلوة ... والربع يتفاخرون بالطير اللي يقلب اسرع واسرع واسرع وما يوقف .. وبالتوفيق |
رد: استفسار عن الحمامه البهلوانيه
تسلم تسلم تسلم
على المعلومات اخي الكريم وانا شاكر لك ومقدر لمرورك تقبل مني ازكى تحيه واحترام |
رد: استفسار عن الحمامه البهلوانيه
ياخوي هذه الحمام عندنا بالسعودية اسمه الكورة و اسعار الزوج على حسب اللون و الانتاج مثل ما قال لك اخوي يعني كل ما كان اللون افتح كان اغلى و نصيحه اذا جيت تأخذ لا تأخذ اللون الاسود لانه مو مرغوب انا عندي زوج لونه بني اخذته ب60 ريال سعودي و اذا اشتريته لا ترميه فوق عشان ما يطلع من خشمه دم او تتكسر رجله و اي سؤال انا حاضر.:)
|
رد: استفسار عن الحمامه البهلوانيه
بس يا عم علشان متزعلش الحمام دة اسمو الحمام البهلوان زي مانت تفضلت ودية صورتو يا عم كمنا وهو لازن ميكنش فية ريش في رجلية وانتاجو جيد وسعرة حوالي 200 جنية مصري في السوق المصري
http://www.graaam.com/up/Pic-1/9fbb7b95c1.jpg http://www.graaam.com/up/Pic-1/b55ca51c15.jpg http://www.graaam.com/up/Pic-1/5fb9387234.jpg http://www.graaam.com/up/Pic-1/659102584d.jpg http://www.graaam.com/up/Pic-1/2403ac0e0a.jpg |
| جميع الأوقات بتوقيت GMT +3. الساعة الآن 04:39 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو