|
ارجو المساعده (طير جديد)
السلام عليكم ورحمة الله وبركاته
شباب بغيت مساعدتكم باسرع وقت وخاصه اخواني اللي عندهم خبره واخوي غسان( ابوفيصل) وكلكم فيكم الخير إن شاء الله. حبيت اشتري هالطير وبغيت ارائكم قبل ما اشتريه صاحبه يقول عمره 11 شهر تقريبن هل هذا صحيح؟؟ شو رايكم في حجمه ولونه؟؟ يقولي انه كميروني مب فريقي شو الفرق انا اشوف نفس الافريقي والكميرون في افريقيا ؟؟ مطلوب فيه سعر نهائي 2200 درهم هل السعر مناسب؟ مع العلم انه تو بادي يتكلم يقول كوكو وهلو ويطقطق ويصفر؟؟؟؟ انتظر ارائكم ونصايحكم جزاكم الله خير. :confused: وهذي الصور :cool: http://www.m5zn.com/uploads/2010/7/2...u01q9g8r3m.jpg http://www.m5zn.com/uploads/2010/7/2...vrs7etmmtd.jpg http://www.m5zn.com/uploads/2010/7/2...urk9awxw10.jpg |
رد: ارجو المساعده (طير جديد)
ماشاء الله الطير حلو ويستاهل السعر وصدقني السعر رخيص وبالنسبه للعمر تقريبا سنه ونص اما بالنسبه للنوع كلهم نفس الشي سواء كان افريقي او كميروني والناس اتقول الكميروني يكون لونه فاتح
|
رد: ارجو المساعده (طير جديد)
انا اشوف الطير محجل تقدر تعرف عمره من الحجل على العموم يبدو لي من الصور ان عيونه رمادي هذا معناه لسه صغير مع ان الصور مب واضحه اما بالنسبه للكميروني هذا اول مره اسمع به لكن هو على العموم افريقي يمكن بس اختلاف البلدان يكون المسميات فيها تختلف واما بالنسبه اللون فاتح هذا عادي بعض الببغاوات الافريقيه يجي لونها فاتح بالنسبه للسعر 2200 درهم مادري كم تعادل بالسعودي اذا هي تعادل 2200 ريال او قريبه منها السعر حلو ومناسب |
رد: ارجو المساعده (طير جديد)
تسلم (يالظبياني) عالرد جزاك الله خير شجعتني عالطير.
|
رد: ارجو المساعده (طير جديد)
اخوي (كاسكو) تسلم عالمرور والرد الطيب
بس كيف اعرف عمره من الحجل؟ وبالنسبه للسعر تقدر تقول 2200 ريال الفرق بسيط جدا بين الدرهم الاماراتي والريال السعودي. |
رد: ارجو المساعده (طير جديد)
منتظر اراء اخواني الباقين!!!
|
رد: ارجو المساعده (طير جديد)
شوف الحجل اذا مثلاً مكتوب .. 09 .. معناه الطير جاي سنه 2009
|
رد: ارجو المساعده (طير جديد)
السلام عليكم
اخوي الطير من الصور مبين انه بصحه جيده وزين ولونه رمادي فاتح هذا اللون المرغوب بس بخصوص العمر انا اعتقد انه اكبر من 11 شهر بشوي والسعر مبالغ فيه شوي خاصتا الحين صيف واسعارهم تنزل بعكس الشتاء |
رد: ارجو المساعده (طير جديد)
تسلم اخوي ( كاسكو) عالمعلومه ما قصرت
|
رد: ارجو المساعده (طير جديد)
(امير دبي) تسلم عالرد
اخويه العمر بتأكد منه يوم بشوفه إن شاء الله. والسعر اعرف انه مبالغ فيه بس صراحه نادر ما تحصل واحد نضيف ولونه فاتح شرات اللي فالصوره. |
| جميع الأوقات بتوقيت GMT +3. الساعة الآن 08:50 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو