|
ممكن مساعدة
شباب انا عندي ثعابين بورمس
في اثنين طول تقديبا 75 سم جيت ابا اكلهم جلست ادور فيران مالقيت اخذت لهم طيور زيبرا البلدي المهم جبت ثلاث حبات حطيت لهم وحدة فيهم اكلت والثانية مو راضية جت مره بتقرب عليه الطير مدري ايش عمل المهم خافت منه وبطلت ورحت اعطيت الثانية ماشاالله اكلتهم الثلالثة وتبغا كمان اما الثانية احسها هايجة مدري ايش فيها حركتها مره كثيرة وماسارت طبيعية حاولت اعطيها ثاني قلت امكن جيعانه برضوا ما تبغاه من يوم ما تنتبه انه الطير نفسه تروح بعيد وتطنش . اتمني توضحولي لو في شي انا ماني منتبه له خطأ او تقولو ايش سبب الهيجان و رفض اكل الطير وكمان فين الاقي فيران بجدة انا كل ما اروح مكان يقول خلص ابا اكثر محل يهتم بهالاشياء وشكرا لكم واسف لو طولت عليكم |
رد: ممكن مساعدة
أول شي طبعاً البيئه مناسبه بدون ما نسأل ولا نطلب صوره للحوض
صح ؟ :D امممم حاول انك تخليها بروحها لما تاكل ~ + لا تمسكها قبلها بيومين + بعدها بيومين :) و غير ممكن مو متعوده تاكل هالسوالف جرب عطها همسترات مو مشكله انت أخذلك يوز و يتكاثرون عندك و تفتك من موضوع الأكل :) و ان ما نفع حطها بكرتون مسكر يعني داخل ظلمه و خلهم بروحهم طل عليهم بعد عشر دقايق و شوف كلت كلت ما كلت خلها اسبوع و جرب اذا صار شهر ولا شهرين للأسف راح تظطر انك تجبرها عالأكل ^^" و الله يعينك بورميس و تجبرها :D .. |
رد: ممكن مساعدة
هي قبل ما اخذها كانت ماكلة
بعدين ممكن تكون خافت من الطير وبعدين كيف اجبرها تاكل ايش الطريقة ومشكوررررررررررررررررين يا قمر |
رد: ممكن مساعدة
امممم شوف ادخل بملفي و شوف من مواضيعي في واحد عن تربية البول البايثون
الطريقه نفسها مع أي نوع ^^" .. |
رد: ممكن مساعدة
يا اخي جرب توكلها لوحدها ترا حصلتلي ترا ممكن تكون خايفه من الحيه الثانيه مثل ماقال اخوي بايثون حطها بكرتون وخلها لوحدها وممكن خايفة من الطير نفسه حاول دورلها فريسه ثانيه واذا مارضيت اجبرها على الاكل
|
رد: ممكن مساعدة
ممكن تكون الان لسى ما جاعت اضافة الى ان الطيور ممكن يكون نوع جديد عليها اتركها اسبوع وجرب مرة ثانية وخليها لوحدها وقت الاكل بنفس الحوض اللي هي فية وطلع الثانية برا الحوض
وحكاية الاجبار على الاكل شيلها من بالك تماماً مهما كان السبب |
رد: ممكن مساعدة
^
لكن في حالات ما ياكلون أبداً يعني تخليها تموت ولا تجبرها ؟؟ و تقول قبل ما تاخذها كانت ماكله ، انت شفتها بعينك تاكل ؟ لو شايفها بعينك تاكل خلاص انطر لكن في ناس الله يهديهم يحلفون انها تاكل و بالأخير :D ما عليك من كلامه لو مو شايف بعينك لا تصدق :D اعتبره ما شرطلك بشي و مثل ما قلت لو شايفها بعينك سوو الي قلتلك لو لا مالك الا الإجبار لكن الإجبار للحالات الي غاسل ايدك منها :D انشالله مافيها شي و تاكل لأن فعلاً شي يقهر ×_×" .. |
رد: ممكن مساعدة
مشكوووووووووووووووريييين لكم يا حلوووووين
وننتظر اراء اخرى |
رد: ممكن مساعدة
انا أقولك يا حبيبي إخذلك أول شي فار و مثل ما قلنا بروحها
و لو ما كلت يومين و حطها بكرتون و يكون ظلام دامس :D ما نفع الفار عطها همستر ولا جربوع ولا كتكوت ما نفع يا إنك ترجعها للبياع يا تجبرها و نصيحه مني رجعها ^^" |
رد: ممكن مساعدة
مشكوووور يا عسل ع اهتمامك ومقدر
وبحاول ان شاء الله |
| جميع الأوقات بتوقيت GMT +3. الساعة الآن 07:30 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو