|
ابي فزعتكم ياالربع..((مو مضاربه )) هههه..!!
السلام عليكم ورحمة الله وبركاته كيف الحال عساكم دوم سالمين غانمين المهم قررت اني اشترب ببغاء ولاكن ماافتهم فيه امس زرت محلات الطيور ولقيت ببغانات ونصحني صديق لي باني اخذ الببغاء النيجيري الي رصاصي وذيله احمر وانا بمحلات الطيور لقيته النيجيري بس اكتشفت شي يقلون عين صفرى وعين رماديه ورجعت البيت ولقيت واحد من الجماعه وقلت له كيف ابو عين صفرى قلي نصيحه لاتشتريه لانه بيتعبك ويمكن ما يتكلم وحطمني يالربع وابيي شورتكم وش تشوفون انتم يااهل الخبره في هذا الطير اخذ ابو عين صفرى والا لا ... ولكم مني خالص الاحترام والتقدير |
رد: ابي فزعتكم ياالربع..((مو مضاربه )) هههه..!!
والله الافضل ياخوي تكون العين رمادي يكون توة فرخ اما عيون صفر فهو متعدي السنتين وكلما كان صغير كلما افضل يكون تدريبك ويستوعب منك واحرص على الحجم يكون جامبو
|
رد: ابي فزعتكم ياالربع..((مو مضاربه )) هههه..!!
الكبير لو متعلم اليف ويتكلم خذه واتوكل على الله
ولو انت تبي تدرب وتعلم على يدك عليك بابو عيون رمادي |
رد: ابي فزعتكم ياالربع..((مو مضاربه )) هههه..!!
هلا والله فيك أخوي محمد
هو الموضوع شراء ببغاء دائماً محير لان فيه خيارات كثيره و أشكال و ألوان .. بس نصيحتي لك قبل لا تفكر في أبو عين صفره و لا رماديه ... أنك تشوف نوع الببغاء الي يصلح لك ..فيه الهادئ و فيه المزعج .. وغيره .. أنت شوف النوع الي يتناسب مع المكان و أهل المكان الي انت ساكن فيه وان شالله الخبراء ما بيقصرون عليك بالنصيحه بالتوفيق |
رد: ابي فزعتكم ياالربع..((مو مضاربه )) هههه..!!
قد شريت 3 رماديات ولا ندمت على واحد
واغلا واحد فيهم كان ب800 وارخص واحد ب300:D اخذها من ناس ملو من تربيتها او مايفهمو فيها.. وانت ياغالي اذا كان تفكيرك تاخذ طير يصفر ويتكلم على طول خذ واحد اليف مو شرط عين صفرا او رماديه اهم شي مايكون كبير مره بتعرف انت من منقارها ورجولها ماتكون كبيره وخشنه تكون صغيره وناعمه.. او تاخذ واحد وتبدا بتربيته وتصبر عليه سنه اقل شي .. ملاحضه: اشرط على البائع انه مايكون مريض وخله يعطيك مهله شهر.. اتمنى لك التوفيق |
رد: ابي فزعتكم ياالربع..((مو مضاربه )) هههه..!!
ماشاء الله تبارك الله ردوا عليك الشباب وماقصرو
وانشاء الله تحصل مرادك |
رد: ابي فزعتكم ياالربع..((مو مضاربه )) هههه..!!
أخي نصيحة مني خد معاك واحد يفهم بهالقمور لأن أكتر البائعون ما يخافون الله ... مبارح رحت أشتري فرخ كاسكو قلت للبائع عايز فرخ كاسكو قالي ما عندي غير هالفرخ جيت أشوفه لقيت عينه صفرة قلت له هاد ما فرخ فالي لا فرخ ... فأحزر من هيك بايعين
|
رد: ابي فزعتكم ياالربع..((مو مضاربه )) هههه..!!
دامك مبتدأ اخووي ودا ميزنيتك اقل من الثلاث الاف فأنصحك تاخد اليف وعمره يكون من تسعه شهور لسنه لانك لو اخدت اقل بيكون مناعته ضعيفه ولازم له اهتمام ودا اخدت ابو عيون صفراء صعب تدربه ويقال انه مستحيل يتكلم فخد العمر الي قلت لك بيكون مناعته كامله ثانيا قابل لتدريب وبيكون من الف وميتين تقريبا الىا الفين طبعا مو هولندي والله يوفقك
|
رد: ابي فزعتكم ياالربع..((مو مضاربه )) هههه..!!
هــلآ اخوي
انــآ انصحك نصيحة خذ معك وآحد فــآهم في الببغاوات وهو بيعلمك كل شيء اذا كنت مبتدئ وأنصحك ابو عيوون صفرا لا تشترية ابد الا اذا كــآن آليف ومتكلم ونشيط اما ابو عيون رمادية بيكون فرخ خذه حتى لو آليف وما يتكلم عشان بيكون توليفه سهل وتلقينة الكلام بعد بيكون سهل بعكس ابو عيون صفرا بيكون توليفة وتلقيتة مررة صـــعب اتمـــنى اني اكـــون آفدتــك |
| جميع الأوقات بتوقيت GMT +3. الساعة الآن 02:07 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو