منتديات تو زوو - تبي طيرك مشعلل ؟؟ هبّة ريح ( شقردي ) تعال

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - تبي طيرك مشعلل ؟؟ هبّة ريح ( شقردي ) تعال (http://www.2zoo.com/vb/showthread.php?t=162743)

تبي طيرك مشعلل ؟؟ هبّة ريح ( شقردي ) تعال

اخواني اعضاء وزوار ....

السلام عليكم ورحمة الله وبركاته

شلونكم !! وشلون طيوركم ؟!

انا مجرد هاوي وماني خبير ، لكن كلامي اللي بكتبه مجرد اجتهاد او خلوني اقول وجهة نظر تحتمل الصواب والخطأ
/\/\/\/\/\/\/\/\/\/\/\/\/\/\/\/\\/\/\/

كلنا نرغب طيرنا يتكلم بصوت جهوري وواضح ويتكلم بالوجه

طيب كيف ؟ وش نسوي .. !!

لو رحنا ونظرنا للأطفال ، تلقى بعضهم جرئ وبعضهم خجول وبعضهم لعّاب وكثير حركه 0
ليه ؟؟؟؟
اكيد الأغلب يقول التربيه لها دور وهناك صفات وراثيه تنتقل بالجينات

الحين نجي للبغاء ..... بعضكم يمكن الببغاء حقه يتكلم بصوت منخفض ولو دخل عليه شخص غريب يتوتر الطير ويتوقف عن الكلام والتصفير واحتمال يجعر مع العلم إنه اليف جدا كالحمامه مع صاحبه .
والبعض ببغاءه يتكلم اما صاحبه واي شخص يدخل عليه ويبقى أليف

لــــيــــــه ؟؟
الطير يتطبع بما يعلّمه ويدرّبه صاحبه .. يعني انت شخص هادي و ( بيتوتي ) وقليل يجيك أحد .. طبيعي طيرك سيردد الكلام بعلو صوتك اللي لقنته فيه
وسيأخذ على جو البيت الهادي ويصير لايتكلم او يصفر الا بوجودك
عكس اللي صوته جهوري وهبّة ريح ومشعلعل ويخاطب الطير بصوت وحروف واضحه ومخارجها صحيحه
وبيته ماشاء الله حيّ
تلقى طيره بسم الله عليه ماعنده مشاكل

وإن الله يسرلك بطير ذكي وانت ملهلب :) فأبشر بالخير
(( لكن بدون دفاشه ))

هذا ماعندي والله أعلم
إن أصبت فمن الله وإن أخطأت فمن نفسي والشيطان