|
رجاء ساعدوني الله يحفظكم
السلام عليكم ورحمة الله وبركاته
اليوم اكتشفت ان ارنوبتي جابت بيبيز يهبلون مرررره بس مو عارفه ايش اسوي ابد يعني مادري شلون اخليها مرتاحه وكذا مابيها تترك البيبيز وابيهم يكبرون معليش اول مره بحياتي كلها يجيني ارنوبات صغار واكون مسؤوله وايه صح قبل شوي شفت البيبيز لاني ابي اعدهم لان الظهر كان فيه 2 طالعين برا المكان وكان عليهم نمل وشلته وهم بخير ويتحركون وقبل شوي رحت اشوف ال6 كلهم فيه والا لا واذا حولهم نمل مع اني حطيت حول المكان عشان النمل مايجيهم المهم وانا لابسه القفازات عشان ماتروح ريحة امهم عنهم جت ارنوبه وجلست تتفحص المكان وتشمشمهم بس ماسوت شي وناظرت لهم وراحت من عندهم طبعا اول ماجت انا ابعدت بعيد حييل ورجعت مكانهم عليهم يعني الفرو والحاجات اللي هي مسويته عشانهم الحين يعني لو كشفت عليهم وانا لابسه قفاز ممكن تتغير ريحتهم والا لا لان قفازاتي طبيه شريتهم خصوصي لهم واخاف يموتو من النمل اسفه عالاطاله لكن وربي فرحانه وخايفه حدي |
رد: رجاء ساعدوني الله يحفظكم
مبروووووووك
ياقلبي حاااااااااسه بخوفك عليهم :) لازلت مبتدئة في تربية الأرانب وماااعرف الا القليل عنهم اعذريني يالغلا لكن لاتنسينا من صورهم :) |
رد: رجاء ساعدوني الله يحفظكم
ياقلبي يام الكتاكيت تسلمين قسم
والله يبارك بعمرك وان شاء الله بس خليهم يكبرون قسم بالله خايفه حدي عليهم |
رد: رجاء ساعدوني الله يحفظكم
ممكن تعطينا صور للقفص و للمكان وكل شيء لأني حاسس أنه فيه شيء غلط بالقصة!!
|
رد: رجاء ساعدوني الله يحفظكم
امممم المكان بسطح البيت
والقفص 2 خشب واحد وسيع مررره والثاني عادي وبعد انا مجمعه كذا بلوك وحاطه فوقهم خشبه كبيره زي السقف ومثبتته حيل عشان قبل كان فيه مطر وعشان هم يحبون يجلسوون تحته والارنوبه والده عند البلوك يعني مو جوا االاقفاص وانا قفلت السطح لجل مااحد يزعجهم وهي متقبله وجودي طول ماانا بعيده عن البيبيز سؤالي يااخوي كان 1- كيف اوفر الجو و الاكل المناسبين لارنوبه لجل يكبرون البيبيز بدون مشاكل؟؟ 2- هو لما اتفحصهم وانا لابسه القفاز ممكن تتغير ريحتهم عن اللي متعوده عليها امهم والا لا ؟؟ واسفه على عدم وضوح السالفه فوق بس لاني كنت متحمسه مرررره وضيعت الصياغه |
رد: رجاء ساعدوني الله يحفظكم
ممكن تعطينا صور للقفص
|
رد: رجاء ساعدوني الله يحفظكم
لازم اشوف القفص و المكان الللي انولدوا فيه
لأني شاك أنه الأنثى ولدتهم بمكان غير مناسب أو مجهز وبالتالي راح يموتوا لأنها ما رح ترضعهم،، ولو طلع كلامي صحيح والمكان مش مجهز عندي لج اجراءات ممكن تساعدج ويعتمد على حسب الارنبة |
رد: رجاء ساعدوني الله يحفظكم
انتظر الصور
|
رد: رجاء ساعدوني الله يحفظكم
اسفه اخوي وربي ماعندي كاميرا بالوقت الحالي سامحوني
لكن هي جمعت اكياس وسوت العش جواه والمكان كانو دايما ينامو فيه قبل تولد هو مو جوا القفص لا برا بس مغطى عدل سامحوني على عدم تواجد الصور لسبب خارج عن ارادتي :( واليوم لقيت واحد منهم ميت وانا خايفه انها ماترضعهم ياريت تخبروني كيف اعرف انها ترضعهم:( |
رد: رجاء ساعدوني الله يحفظكم
اقتباس:
انا ولدتهم بالسطح وبمكآنهم خليتهم بس تناثروآ وكل شوي اجمعهم لين شفتهم بالشمس وكل واحد مايت بطريقه معينهـ وماترضعهم ابدآ علشان كذآ لازم تحجرين الام بالقفص هي وعيالهآ علشان ترضعهم وتشبكين بيت ولادهـ بالقفص وتنقلين معهم عشهم والشعر اللي انتفته الام عليهم بيوت الولادهـ الجاهزهـ او اي شئ ثاني او كرتون او سطل بويه اذا كآن نظيف زي كذآ http://www.uaeec.com/vb/attachments/...557836-a-1.jpg لان الام تصير تبغى النور بس البيبيز لازم يكونوآ بمكآن مظلم علشان نموهم وامن من الحشرات والفيران والاكل وفري لهآ 24 ساعهـ عندهأ عطيهى شئ مغذي تمر وخس وتفاح وحبوب سمسم وحبوب عدس وخبز اشياء كذآ علشان يعطيهآ كالسيوم وبروتين وحديد يعوض عنهآ اللي فقدتهـ بالولادهـ وان شاءالله ماراح يصير فيهم شئ وتطمني اذا امهم نتفت شعر عليهم معناتهآ بتهتم فيهم ان شاءالله وموفقه بتربيتهم يتربون بعزك يارب =) |
| جميع الأوقات بتوقيت GMT +3. الساعة الآن 12:30 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو