فـرخ الكـاسكـو واستفسارات هامـه :
 

بسم الله الرحمن الرحيم :

اخواني الكرام كيف حالكم طيبين ان شاء الله انتكم واهلكم وطيوركم ومن يعز عليكم ان شاء الله :

ابشركم شريت فرخ كاسكو مفطوم ياكل لحاله وهذي صورته :

ماشاء الله :

http://img693.imageshack.us/img693/6660/53510359.jpg

الطير طيب ماشاء الله بس استنكر المكان وصاح يصيح صياح ضعيف طبعا فرخ "

سؤال / شايل هم الطير خصوصا البرد والهواء والشغلات هذي لدرجه اني مدري وش الجو المناسب يعني احيان احس الجو حر واحس انه حران والله مدري كيف طريقته فعطوني درجه الحرارة المطلوبه بالرقم تقريبا علما ان الفرخ في الصاله ومافيها تكيف لاكن جنبه مطبخ وغرفه مجلس يشتغل فيها المكيف وقت ووقت لاكن التأثير الي يوصل للصاله بسيط فهل يعتبر نسمه البراد زينه علما اني نصحت اغطيه بغطاء للقفص مع ان الجو اليومين هذي حر خصوصا النهار "

سؤال 2 : الاكل راعيه ياكله ذره معلبات ويقول ياكل حب عباد الشمس فهل اعتمد على حب عباد الشمس ولا الذره ؟ وهل ممكن احط عسل مع اكله لتقويته ؟

سؤال 3 : هل ممكن اطلعه يشم هواء برا القفص ؟ علما ان الطير تقريبا عمره 5 شهور والله اعلم ؟

سؤال 4 : متى ابدا احاول اعلمه الكلام والتدريب ؟

سؤال 5 : هل اترك للفرخ غطاء الماء لاني عرفت ان كثر الماء يسوي له اسهال وانتم بكرامه فكيف نسوي يعني لابد نشربه ؟

سؤال 6 : بالنسبه للاكل ماشاء الله نفسيته حلوه للاكل كيف اعرف انه شبع لانه ماشاء الله مو مثل الطير الثاني يبان انه مايبي ياكل ؟

سؤال 7: الطير الثاني الي عندي جاه هبال مدري غيره عمره حول السنه ؟ صار يعض القفص ويتحرك من يوم ماجا الطير الفرخ تقول غاير منه لدرجه يصير يلحث من التعب ؟ شنسوي بالعله هذا الي مو راضي يكبر عقله ؟

واي نصائح للفرخ اتمنى ماتبخلون علي فيها ؟
واعذروني على الاطاله ولاكنكم كرام وانا استاهل ان شاء الله "

اخوكـم /
أبوعـابد

رد: فـرخ الكـاسكـو واستفسارات هامـه :
 

مبروك اخي بو عابد على الفرخ..
انا حبيت امر و اكتبلك تجربتي لاني من شهر شريت فرخ عمرة شهرين تقريبا و حبيت اقولك عن تجربتي انشالله تستفيد منها..

بالنسبة للجو المناسب. اهم شي بعدة عن المطبخ و روائح الطبخ لانها تأثر بشكل قوي على الطير خصوصا الفرخ.. انا كنت حاطة بالمطبخ على اساس مكان خالي من التكييف و الطير مرض. و انسب درجة حرارة 25-26 تقريبا على كلام البيطري.. و ايضا بعدة عن التيارات الهوائية حتى لو كان الجو مناسب.. يعني لا تحطة عند باب لانه درجة حرارة الغرفتين تختلف.. و حاول تحطة بمكان و ما اتطلة بره الغرفه يعني تلعب معاه.. العب معاه و وكله بمكانه.

اهو اذا جاع راح يحاول ياكل حب.. بس هم لازم تقويه بأكلات فيها فوائد غذائية و هم يتعود عليك الطير.. و حاول تنوع بالاكل.. بالنسبة لي انا ما كنت اعطيه وجبة الصبح علشان ياكل حب.. بس من ارجع من الدوام اعطيه وجبة كاملة مثل حمص حب او ذرة بطاط مسلوق او جزر مسلوق او بياض البيض مسلوق.. بس حرص على انك تغسل الذرة او الحمص او الخصراوات اذا كانت معلبة لانها تحتوي على مواد حافظة ممكن تأثر على الطير.. و اهم شي و لا تغلط غلطتي لانه طيري مرض من هالشي.. احرص على انه الاكل مو بارد.. يعني طبيعي انت راح تخزن الاكل المعلب بالثلاجة عشان ما يخرب.. بس لا اتطلعة من الثلاجة و على طول توكله.. سخنة بالماكرويف اشوي خلا يسخن.. و هم لا توكله حار.. خلا يكون دافي..
و وخر عن الفواكة بهالعمر.. توه صغير و ممكن يحوشة اسهال.. و ايضا الخيار و الطماط..
بالنسبه للعسل انا جربت وماكان ياكل.. ما حب العسل.. و هم اقول تو الناس..

حاول كلما تكون معاه طلعه برا القفص وليس برا الغرفه عشان لا يتغير عليه الجو.. عشان يتعود على الطلعة و ما يخاف منك.. و هم حاول تلمسة على راسة و تكلمة عشان يتعود عليك و على يتعرف على صوتك.
بس من العين باين اصغر من 5 شهور.. لانه عادة الفرخ عينه كلها سودة من شهرة الخامس تفتح العين و يضل البؤبؤ اسود فقط.. والله اعلم..

بالنسبة للماء عادي اتركة موجود بالقفص.. و اذا تقدر حط معاه فيتامينات عشان يقوى..

الطيور عادة ما تشبع لانه ما عندهم معدة نفسنا.. يعني كثر ما توكلة من يخرج يبي ياكل بعد.. عموما راح تلاحظ انتفاخ بالصدر من كثرة الاكل.. و ايضا لا توكله اكثر من اللازم عشان لا يحوشة خمول و تقل حركتة.. و ايضا لا تخليه جوعان.. و حاول تعرف اكثر اكلة يحبها.. لانك اذا عرفت راح تنفعك وقت التدريب.. يعني انا اللي عندي يحب الحمص.. و احاول ما اعطيه بكثرة عشان يستفقد الطعم و يتجاوب معاي وقت التدريب اذا اغريته بالحمص..

بالنسبة للطير الثاني حاول تبعدهم.. لا سمح الله اذا كان يحمل فايروس ينتقل للفرخ بسهولة لانه مناعته ضعيفة.. و ايضا اذا جبت انواع ثانية لا تحطهم مع الفرخ..

و نصايحي للفرخ.. حاول توكله اكل في سوائل لانه لما الحين ما يقدر يعتمد على نفسة و يبحث عن الماء.. حاول تغرة بابرة.. و اذا تبي تتعب على حلالك وخر عن السيريلاك.. في اكل مخصوص للفروخ ينباع فوائدة اكثر و احسن من السيريلاك.. و حاول تنظم اوقات الوجبات..

و اي استفسار او سؤال عن تجربتي انا بالخدمة.. و عم الاخوان ما يقصرون اذا عندهم ملاحظات على اللي كتبتة..

اخوك/ يوسف

رد: فـرخ الكـاسكـو واستفسارات هامـه :
 

رد: فـرخ الكـاسكـو واستفسارات هامـه :
 

ماقصرتوا بيض الله وجيهكم واي استفسار بحطه في نفس الموضوع ان شاء الله "

رد: فـرخ الكـاسكـو واستفسارات هامـه :
 

سلام عليكم اخوي بوعابد والله اني زيك ورطان اخذت لي طير عمره 3شهور ومني عارف اتعامل معاه واذا عندك طريقه تكفا لا تنساني

رد: فـرخ الكـاسكـو واستفسارات هامـه :
 

الأخوان ماقصرو الله بعطيهم العافيه

بس انتبه ان مناعة الطير الفرخ تكون ضعيفة فحاول ان تكون درجة الحراره ثابته بحيث لايكون تغير مفاجئ من حرارة الى بروده او العكس ممكن بهذي الطريقة يمرض الطير

تقبل مرورري