|
افيدوني لا هنتم
http://arabsh.com/8u0g0hhfjial.html
كيف الحال شباب وجمعه مباركه عندي بعض الاسئله وياليت تفيدوني فيها انا اشتريت هالطير بـ 2900 والحمدلله ما تندمت اني اخذته لان مثل الحمامه معاي ويقول بابا وعمره على كلام البايع حوالي سته او خمسه شهور والطير محجل هولندي بس انا ما اعرف ايش اسوي معاه هو ما يجعر ابدا بس يعض عض خفيف وعادي امسح على راسه بس اذا جيت اشيله يعضني ايش هي افضل طريقه معاه عشان ما يعض ويخليني اشيله بكيفي وياليت تعطوني رايكم بالطير وتعطوني نصايح له وشكرا لكم |
رد: افيدوني لا هنتم
مرحبا اخوي
بالبركة على الطير الجديد ويتربى في عزك حاليا اتمنى تصبر على الطير وتخليه يتعرف على المكان الجديد ويتعرف عليك ولا تحاول تضغط عليه بالتدريب ولا تعصب عليه او تصرخ عليه ابدا مهما سوة اتركه يرتاح لك ومع الايام راح يتعلق فيك ويصير اهو يبي يطلع على ايدك وهالشي عن تجربة |
رد: افيدوني لا هنتم
خذ رقمي اذا حبيت تدربه على الشيل اذا ناديته يجي
|
رد: افيدوني لا هنتم
السلام عليكم اخوي بعض الطيور تعض عضات خفيفه احنا نسميها عضات لكن هي ي الاصل الطير يتعرف على يدك ويحسس عليها اذا تكررت كثير منه اول مايعضك اصرخ عليه عيب وارجعه القفص واجلس طول اليوم لا تكلمه ولا تلعب معاه تقبل مروري |
رد: افيدوني لا هنتم
هلا والله اخوي
<< صارت خبره بالطيور هههههههههههههههههههه امس امي كانت بتدخله بالقفص وشالته بطريقة غلط ةعضها عضه الله لا يوريك ومن أمس وهي تتحلف له وكل ما مرت من عنده تقعد تهاوش وتسب عليه هههههههههههههههههه بالنسبة للعض تحمله اول شي البس بيدك علشان لا عض ما يعورك افتح باب القفص ودخل يدك وامس عليه 10 دقايق على راسه ورقبته وعند عيونه وعلى جسمه كله بعدها حط يدك اسفل بطنه وارفعه لفوق بشويش عشان يحط اول رجل عليك والثنيه بيكون متمسك فيها مو مشكله لا تيأس ابعد يدك شوي بعدين جرب مره ثانيه الين تضبط معاك ,, طبعا تحط يدك فوق لانه بيخاف منك لا تحلاكت وبيحاول يتمسك بالقفص وما يطلع بعدها امشي فيه بالبيت وهو على اصابعك وامسك رجل وحده باصبعك الابهام يعني ثبت رجل وحده على يدك لانه بيحاول يهرب بس بهالطريقه ما يقدر يطير امشي فيه المده اللي تبي فكه خليه يمشي على يدك بيطلع على كتفك او راسك خليه على راحته وانت امسح عليه طول الوقت كل يوم كرر هالشي صدقني بيصير اليف معاك وما يعضك ابد والحين الاخ اللي عندي صار مجرد ما افتح باب القفص على طول يطلع منه ويطير علي صرت اناديه من بعيد ويجيني طيران وبالتوفيق يارب وأي خدمه انا حاضره بما اني مبتدأه مثلك وممكن افيدك بالاشياء اللي سويتها مع طيري |
رد: افيدوني لا هنتم
الوسام الذهبي
الله يبارك بايامك ابشر راح اصبر على الطير وشكرا على الرد كاسكو شكرا على المتابعه د احتراف مشكور على الرد وباسوي اللي قلت عليه هدوونه هههههههه يعطيكي العافيه على الرد وراح اسوي طريقتك باذن الله وبنشوف نهاية الطريقه هذي ومشكووورين جميعا |
| جميع الأوقات بتوقيت GMT +3. الساعة الآن 05:05 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو