|
((يامن شرى له من علاله حلة )) شريته والله يوفق ..
مساء الخير للجميع ((يامن شرى له من علاله حلة )) يا أخوان أنا جديد على الطيور و اشتريت أفريقي و عساني ما تورطت به لا هو اللي فاهمني ولا أنا اللي فهمته .. حتى لا أطيل عليكم .. عندي بعض الاستفسارات ويا ليت الاخوان ما يبخلون علينا الله يعطيهم العافية .. 1- كم عمرالطير من خلال الصور ة؟؟؟ http://file15.9q9q.net/img/88842554/201001131765.jpg 2 -حطيته على استاند تابع للقفص .. هل هو مناسب أو أشتري له استاند مستقل ؟ http://file15.9q9q.net/img/48647983/201001121760.jpg 3 - عنده جعير مستمر كل ما قربت منه مرة لكن إذا غيرت الموية والاكل ما يجعر .. السؤال ما هو علاج الجعير ..؟؟ 4 - حاولت كثيرا حتى خليته يطلع على يدي لكن بالقفاز فقط .. http://file15.9q9q.net/img/83679996/201001121757.jpg 5 - ثم استمريت حتى حسيت اني بشق السقف من الفرحة لما طلع على يدي من دون قفاز .. له الآن عندي من يوم اشتريته ما يقارب الثلاثة أشهر .. السؤال هل تجاوبه معي واستجابته دليل على قبوله للتعلم أم أنه يصنف على أنه صعب التعليم ؟؟ http://file15.9q9q.net/img/28786995/201002091793.jpg وهنا سؤال هو أهم شيء عندي هل عمره مناسب لتعليمه الكلام أم أن الوقت قد فات ؟؟ وهل عمره كبير أو صغير ..؟؟ وهل بالامكان تعلمه الكلام وهو غير أليف ؟؟ أرجو منكم المساعدة ولكم جزيل الشكر ... |
رد: ((يامن شرى له من علاله حلة )) شريته والله يوفق ..
صورة العين ماهي واضحة مرة
والجعير طبيعي جدا ويروح مع الوقت والاستاند تمام مافي أي مشكلة بس حاول انك تشمسه شوي في العصر وتروشه بالبخاخ ومادام طلع على يدك لا تخاف عليه بس اهتم فيه أكثر ومن وجهة نظري مافي أفريقي ما يتكلم بس الشغلة يبغالها صبر شوي |
رد: ((يامن شرى له من علاله حلة )) شريته والله يوفق ..
وانا والله بعد مثلك بس انا له شهرين وبادي يصفر ويشكل بالتصفير بس الى الان لم يتكلم وعيونة ابيض باهت او سكري وشكلي بجوعة اربع ساعات وابداء القنة الكلام
|
رد: ((يامن شرى له من علاله حلة )) شريته والله يوفق ..
الف الف الف ترليون مبرووووك,,
ماشاء الله عليك كل هذا وتقول جديد في الطيور,,, انت سويت ٧٠ في الميه وباقي ٣٠ تقدر تشوفها في,, في المواضيع المميزه. |
رد: ((يامن شرى له من علاله حلة )) شريته والله يوفق ..
الأخوة
باهمان خطاب أبو محمد يعطيكم ألف عافية ياحي الكلام الزين والله شجعتوني ووووووواااااااااااااااوووو أنا ما قهرني ولا حبطني غير مصري راعي محل طيور لما وديته له قال عمر طيرك كبير ومستحيل يتكلم كلمة وحدة صراحة بغيت أعطيه القطوة اللي عنده بالمحل تاكله ما دام ما يتكلم وش الفايدة .. الببغاء لا صار (( أطرم )) ما منه فايدة... عالعموم ما قصرتوا شجعتوني والله إني بادي هاليومين أدور أحد يبادل ولو أزوده في السعر وأشوف واحد مدرب وجاهز .. عندي سؤال لك يا خطاب : تقول في كلامك (( بادي يصفر ويشكل ))وش معنى - يشكل - ؟؟ |
رد: ((يامن شرى له من علاله حلة )) شريته والله يوفق ..
ماعتقد كبير
لأن الكبير حسب ماقريت عيونه تكون صفراء ولاتديه لامصري ولا غيره بادله او بيعه لوماتبغاه واذا فكرت تشتري اشتري فرخ عيون سوداء وعلمه بنفسك |
رد: ((يامن شرى له من علاله حلة )) شريته والله يوفق ..
بصراحه اذا في 3 اشهر فقط طلعته على ايدك.. ما اقول غير ما شاء الله عليك و على الطير..
ناس تقضي شهووووور مع فروخ صغيره و تشتكي منها.. شكل طيرك في حدود السنه.. (يا ليت لو تصور العين من زاويه قريبه) :) استمر معاه ولا تقطعه.. و اعتبره تدريب لك في عالم الطيور :D |
رد: ((يامن شرى له من علاله حلة )) شريته والله يوفق ..
اولا الاخوان ما قصروا معك
و ما ادري وش اقول ع العموم عقبال ما يسولف معك |
رد: ((يامن شرى له من علاله حلة )) شريته والله يوفق ..
قطعت معــه شوط طــويل وانجزت ماشاء الله ..
اصبر عليه و ان شاء الله يفرحك وينطق .. نفس طيري وتكلم ولله الحمــد .. بالتوفيق .. |
رد: ((يامن شرى له من علاله حلة )) شريته والله يوفق ..
يا اخي انا الرمادي الي عندي نفس الشيئ لكن بدا يخربط بالكلام وبالنسبة للعمر اعتقد انو عمره لم يتجاوز العشر شهور اذا كانت لون العين رمادية لأن ما واضح كتير بالصورة لون العين والقفص جد مناسب لكن اعتقد الأستاند افضل للتدريب وصبر علي انشاءالله يطاع منها لأن ما في طير الا ما يتكلم لكن اصبر عليه
|
| جميع الأوقات بتوقيت GMT +3. الساعة الآن 12:23 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو