|
كيف اعتني ف قطتي كويس ؟؟؟؟
هاي شباب بنات .. انا جديدة بالمنتدى .. وحا اجيب قطة جديدة بأذن الله .. ابغاها تحبني مرررررررة وابغى تعلقها فيا يزداد ...
س1 : اش اكلها ؟ س2 : كيف اعتني بيها مظبوط ؟ س3 : اش احتياجاتها ؟ س4 : كيف اخليها تتعلق فيا ؟ و شكراً .. وللعلم هي انثى عمرها شهر .. :) بليز ابغى الاجوبة ;) |
رد: كيف اعتني ف قطتي كويس ؟؟؟؟
ليش ما تردو عليا .. يعني بس عشني عضوة جديدة ؟
ما ترحبوا في الاعضاء الجدد ؟؟ بس كنت ابغى منكم 4 اجوبة بلييييييييييييييييز ضروووري ! |
رد: كيف اعتني ف قطتي كويس ؟؟؟؟
هلا ليلو لا مو عشنك جديدة :D
المهم حرد على اسئلتك واحد واحد من وجهة نظري المتواضعة س1 : اش اكلها ؟ بما انو عمرها شهر يعني اخدتيها من امها قبل لا تنفطم فيعني الافضل لها بالوقت الحالي انك تجيبيلها حليب خالي الدسم وتخففيه بمويه وتشربيها منو اذا مارضيت تشرب بنفسها حاولي تحطيه برضاعه صغيره او ابره ( بدون الدبوس طبعن ) وتشربيها هوا غصبن عنها وبرضو السيريلاك ممكن تاكلو كويس بدا العمر وكمان شويتين ابدأي شربيها مرقة دجاج وبس لمن تسير عمرها شهرين او تلاته في اكل خاص للكيتن البساس في المحلات وممكن تأكليها من البيت تقدري تأكليها جبنه , لبنه , مرتديلا , دجاج ....الخ طبعن على حسب السن ينفعلها الاكل س2 : كيف اعتني بيها مظبوط ؟ انك تعتني فيها مظبوم مافي يعني شي هيا بستك فلازم تحبيها وماتخليها لحالها كتير وماتحبسيها بقفص لأنو بسس البيت تحب تقعد مع الناس وتلعب معاهم وتنام معاهم وكلو وكل ما اعتنيتي فيها زيادة وقعدتي معاها اكتر كانت اليفه وتحب الناس اكتر وحتنبسطي معاها واعتنائك فيها بسيط حطيلها اكل خلي مويتها نضيفه وموجوده 24 ساعه مو تحطيلها الموية مع الوجبات لأنو البسه لمن تلعب كتير حتعطش ولمن تعطش تبغا موية فلو ما حطيتيلها موية مشكلة يمكن تعاقبك وتبطل تلعب معاكي :D وكمان تعتني بحمامها الله يكرمك من ناحية نضافتو وتغيير التراب وكدا . س3 : اش احتياجاتها ؟ احتياجاتها بسيطه قفص صغير عشان لمن تبغي تخرجيها معاكي تحطيها فيه اكل وشرب ليتر بوكس ( حمام البسس ) عبارة عن طشت صغير تحطيلها فيه تراب البسس اللي ينباع بالمحلات او السوبرماركتات الكبيره وبس هيا تروح الحمام فيه س4 : كيف اخليها تتعلق فيا ؟ تخليها تتعلق فيكي انك تحطيها الاكل بنفسك والموية وتعتني فيها وماتمنعي عنها الموية والاكل فترة طويلة وتقعدي معاها وتلعبيها وماتحبسيها لحالها وتطلعيها وقت ماتبغي تلعبي فيها ..!! يعني لا تعامليها كلعبة لأنها مو لعبة مخلوقة وبس نيميها جنبك عالسرير وانتبهي تتشقلبي عليها وبس حتسير تموووووووت فيكي وتلحقك بكل مكان |
رد: كيف اعتني ف قطتي كويس ؟؟؟؟
:: مرحبا آختي فيك نورتي القسم ويارب يبارك لك بالـ قطقوطه الصغيره والمعذره آختي مو علشانك جديده بالعكس نرحب بالأعضاء الجدد ومكانكم على الراس بس آنشغال خارج عن الآراده وخبرك الناس مشغوله شويه مع الأختبارات وهيك ولا آن شاءالله مابيقصرون وآنتي يادوبك منزله الموضوع الصبر حلووو ^^ بجاوب على آسئلتك وآي حاجه وآستفسار ثاني حاضرين :) سؤالك الأول لو أخذتيها بعمر الشهر مع آن الأفضل تاخذيها بعمر الشهرين يعني بعد ماتتم الفطام لأن عمر شهر صغير ومحتاجه لأمها وحتى تقوى مناعتها آكثر وتكون مستعده تستقل عنها .. الأكل بعمر شهر حـ يكون دجاج مفروم آو مفتت صغااااار مع موية السلق وممكن تسلقي معاه كوسه / بطاط/ قرع / جزر آو مكرونه آو آرز ,, يعني شكلي مره كذا ومره كذا وسيريلاك قمح / وحليب قليل الدسم مخفف بمويه والأفضل طبعاً حليب خاص للكتينز وبرضو جبنه مع توست تقطعيها صغار آو تبليها بشووية مويه دافيه بعمر الشهرين آكلها دجاج مثل ماذكرت فوق / جبنه قليلة دسم ولو حبيتي مع توست آبيض دراي فود للكيتنز .. وتقطعي عنها السيريلاك والحليب لأن خلاص عدت عمر الفطام سؤالك الثاني آهم شي ماتعرضيها للبرد ولو هي عمر شهر ماتحممينها الا بعد مايصير عمرها شهرين تمام لأن آقل من هالعمر تكون مناعته ضعيفه ويمرض بسرعه ومايتحمل وبالقسم راح تحصلين مواضيع كثيره ومفيده لـكيفية العنايه فيها وملخصه بفهرس القسم http://www.2zoo.com/vb/showthread.php?t=101401 وسؤالك الثالث تفضلي http://www.2zoo.com/vb/showthread.php?t=113410 السؤال الرابع مع الوقت ومع عنايتك وآهتمامك فيها من آطعامها وتسليتها وعطفك عليها وحنانك راح تتعلق فيك وتحبك وتعتبرك كـ آم لها وموفقه حبيبتي بتربيتك ويارب تتهنين فيها وتكون تجربه حلووهـ لك ^^ :: |
رد: كيف اعتني ف قطتي كويس ؟؟؟؟
يسلموووووووووووووووووووو على الردوود وآســـــــــــــــــــفة على عصبيتي ^^^ :)
|
| جميع الأوقات بتوقيت GMT +3. الساعة الآن 09:15 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو