|
امزوني انتاج 2005 في مجال يتكلم ؟
شباب الامزوني اللي اشتريته انتاج 2005 ادري كبير وايد
هو من نوع دبل يلو هيد ونص اليف يعني ياكل من اليد ويوقف ع الاستاند ومايعض فهل في مجال يتكلم والا لا مع العلم انا شاريه ب7000 ريال ومدى قابليته للتعلم ؟؟؟؟ ياريت الاجابه تكون من الخبراء مابي اي حد يجاوب عشان ما تشتت وشاكر للجميع حسن النيه بالمساعده |
رد: امزوني انتاج 2005 في مجال يتكلم ؟
اخوي اكيد له مجال يتكلم ..
اول شي مو شايب عشان مايتعلم .. وثاني شي انه دبل يلو هيد .. من افضل انواع الببغاوات بالكلام .. |
رد: امزوني انتاج 2005 في مجال يتكلم ؟
اكيد بيتكلم وتقدر اتعلمه وانا مب خبير،، بس لايس معا الحياه،،بس اهم شي الصبر والطرق المناسبه،،
|
رد: امزوني انتاج 2005 في مجال يتكلم ؟
اخواني تكفون انتو متاكدين ؟ لاني قريت ان من بعد عمر3 سنوات الدبل يلو هيد مافي مجال يتكلم تكفون ياجماعه اللي متاكد يقولي والله حاز بخاطري ارجع الطير والطير انا شاريه امس يعني ممكن يوافق راعي المحل ياخذه مني مره ثانيه ارجوكم يالربع ردولي علم قبل لا يكمل الطير اكثر من 3 ايام واللي هو بكرا اخر يوم تكفون والله ماعرف شقول بس هو قالي الطير عمره سنه وثمان اشهر والحجل مكتوب الفين وخمسه وتعرفون نصب البياعه عاد لا تعليق ارجوكم افيدوني
|
رد: امزوني انتاج 2005 في مجال يتكلم ؟
و الله ياخوي ما اقدر افيدك
لو كان اقدر كان علمتك بس الشكوى لله |
رد: امزوني انتاج 2005 في مجال يتكلم ؟
المزوني الافضل لاكن الا اذا كان فيه شي وانشاء الله يفيدك ابومحمد وسكر هم احد افضل الخبراء
|
رد: امزوني انتاج 2005 في مجال يتكلم ؟
تسلمون جميعا على الرد
اخوي مروض الرمادي اسمحلي يالغلا بس مافهمت قصدك ياريت توضحلي واسمحلي ع الازعاج |
رد: امزوني انتاج 2005 في مجال يتكلم ؟
التدريب مو على الكبر ليه يقولون خذ صغير لنه اسهل تدريب بس كل ماكبر صعب التدريب
بس ((وبالتوفيق)) |
رد: امزوني انتاج 2005 في مجال يتكلم ؟
انا مايهمني التدريب لان غالب وقته يا فالقفص او ع الاستاند انا يهمني الكلام
هو بيتعلم جمل طويله واغاني وحركات والا صعبه عليه ؟ |
رد: امزوني انتاج 2005 في مجال يتكلم ؟
اخوي يعطيك العافيه اول شي اقدر اقلك بس ياليت تاخذه كلامي من باب النصح لا اكثر سعر طيرك غالي جدا 7000 ريال وعشان تتاكد من ذلك انك اول ماشريته لايتكم وحتى لو يتكلم رح يكون كلمات جدا قليله لسوء تربيته وتدريبه على الكلام في فترة 4 او ال 5 سنوات الماضيه ولو تلاحظ فيه غيره عمره تقريبا سنتين وتحصله يقول جمل وبعض سور القران الكريم القصيره فاعتقد اخي الكريم اذا انك هاوي تدريب وناوي تشتري طير نصيحه من اخوك بالسعر هذا اللي قلت عليه تقدر تاخذ كاسكو عمره سنتين وتحصله ماشاءالله تبارك الله انواع الكلام والجمل وازيدك من الشعر بيت الامزوني لايقلد اصوات مثل الافريقي الامزوني له صوت واحد فقط وانواع التصفير وعمره مارح يساعدك على تدريبه على الكلام في العمر هذا ونصيحة اخ اذا هاوي امزوني خذ واحد في عمر السنه الى السنتين بالكثير وتشترط على راعيه انه يتكلم وبيكون سعره بالكثير اذا كثر 5000 ريال على حسب الكلمات التي يتميز وينطق بها والله يوفق اخوي والله نصيحة محب لا اكثر ترجع الطير والرأي الاول والاخير لك تحياتي |
| جميع الأوقات بتوقيت GMT +3. الساعة الآن 03:27 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو