مساعدة من اهل الرياض
 

بسم الله الرحمن الرحيم
اخواني تحية طيبة وبعد ، عندي فقاسة محتاجة لهيتر ومروحة ابي محلات تصليح فقاسات في الرياض الله يجزاكم خير . رحت لمحل المرزوق اللي في سوق الحمام قال لي الهيتر بـ 250 والمروحة 150 ريال . الفقاسة 400 حبة وبصراحة تكاثرت المبلغ . وتهاوشت انا وياه . اللي يعرف محل في الرياض يدلني عليه وله الاجر من الله عز وجل . تحياتي لكم .

رد: مساعدة من اهل الرياض
 

ياخوي وش تبي بالهيتر ماله داعي يصرف كهرب وخطر مع المويا

خذ الفقاسه طال عمرك واشتر لمبه حسب مساحة الفقاسه من داخل اما 40 واط او 60 واط او 100 واط

ورح محل تصليح الثلاجات واشتر مروحة ثلاجة صغيرة وركبها
ورح محل بيع قطع الكهرباء واشتر فيش تحكم بالاضاءة اللي يخفف لك الاضاءة وركبه مع المروحه علشان تتحكم بالسرعه

يعني التكاليف:

اللمبه مع القاعدة والسلك 6 ريال
المروحه 35 ريال
مفتاح خفظ الاضاءة 25 ريال

هذه التكاليف
اذا وصلت 400 ريال اشتر جاهزه

اهم شي عندك ترموستات اولا؟

انا صممت وحده عندي شغاله 100% ماشاء الله

اي استفسار ولايهمك انا افيدك

<<<< خبير فقاسات يدوية

هههههههههههههههه

رد: مساعدة من اهل الرياض
 

الله يرحم والديك اشرح لي اكثر . الثرموستات عندي خربان لأني اوزن الحرارة على 37 اجي بعد ساعة القاها 45 وزنتها على 20 طلعت 45 يعني 45 مامنها فكة . وديتها لمحل قال هذا الثرموستات ماينفع حق فرن يخرب بسرعة ووراني امريكي بـ250 . ياليتك توضح لي اكثر لأني غشيم . شكرا لردك ياصابر .

رد: مساعدة من اهل الرياض
 

صابر بالله ممكن نتواصل عبر الجوال . عشان اشرح لك الوضع . على فكرة الفقاسة اللي عندي فيها لمبة .

رد: مساعدة من اهل الرياض
 

فيه في الرياض محل اسمه التحسين في حي الملز ..

وعندهم الفقاسات .. يمكن عندهم قطع تصليح ..


http://www.2zoo.org/get-1-2010-2zoo_org_qhl0yjjw.gif

رد: مساعدة من اهل الرياض
 

يابو محمد ماينفع تبع الفرن ولا تبع الثلاجه ولا المكوى ولا الدفايه كلهم ماينفعون

بعدين ايش الترموستات اللي قيمته 250 ريال

مبلغ خيالي

المطلوب ترموستات فقاسات حرارته من صفر الى 40 درجه

قيمته 40 ريال خاص بالفقاسات يشتغل عندي على 73 ونصف ودقيق

انا ماودي انك تلجأ للمحلات ودي تصممها انت بنفسك لانها سهله

بس قلي عندك خلفيه عن الفك والربط علشان اشرح لك بسهوله

ومثل ماقلت لك التكاليف

ترموستات 40 ريال
ترمومتر 20 ريال
مقياس رطوبه 50 ريال
والصندوق من عندك

اما لو عندك ثلاجه صغيره خربانه اهم شي بابها يسكر مضبوط


انا بالمنتدى هنا لاي سؤال

رد: مساعدة من اهل الرياض
 

اخوي ابو محمد

انا معك بالمنتدى هنا نتساعد لين تضبط معك

اهم شي الارادة والتصميم موجود وكل شي يهون

وحط في بالك لازم نشتغل بيدينا علشان نكسب خبره وتقل التكاليف

تحياتي لك

<<< عاشق الفري

رد: مساعدة من اهل الرياض
 

السلام عليكم

كيفك ابو محمد

وش اخبارك

تعرف منتزه السلام

امامها محلات يبوعون فقاسات

امكن تلقي عندهم طلبك

ونآآآشآلله آني آفتدتك

وتقبل تحيآتي لك يالغالي

آخوكم
مخوي الذيب

رد: مساعدة من اهل الرياض
 

ركب لمبه او ثنتين
روح محلات قطع غيار التبريد وخذ مروحه صغيره
ارجع للمرزوق وخذ منه الترموستات ابو 250 بيعطيك اياه بـ 180 بدون تركيب انا اخذت منه واحد بصراحه دقيق وفضيع الي فيه قرصين نحاس تقرب وتبعد عن بعض حسب الحرارة والبروده وبكذا تفصل

رد: مساعدة من اهل الرياض