شكله مافي حل للكاسكو ذا
 

السلام عليكم ورحمه الله وبركاته :(

عندي كاسكو افريقي جامبو له شهر عندي واعتقد ان عمره الآن 7 اشهر

دايم اخليه برا القفص بس من يشوفني على طول ينطلق يدخل للقفص:eek:

وستمريت على هاذي الحاله لمده اسبوعين واول ما يشوفني يدخل القفص على طول

ينفش ريشه ويطلع صوت يخوف :confused: بس انا اتغلب على خووفي وألمس راسه:88:

لين بعد الاسبوعين حاولت احطه على يدي اجلس ساعه عشان يصعد على يدي وبالغصب :mad:

والمشكله ان له شهر عندي وللحين يطلع اصوات تخوف وموب اليف :o شكله بيجلس على ذا المنوال:64:

ابيه يتوالف معي زي اي كاسكو :rolleyes:

ويطلع على يدي وكلش:mad:

ومن ذاك الشهر ما سمعت له صوت يسر ابد كله جعير ودايم احاول اني اغصبه انه يطلع على يدي غصب بس يجعر وكلش :eek:
اليوم بس سمعت له صوت وهو يغرد مع الدره اللي عندي وكمان الصوت موب حلو مره بس افظل صوت سمعته له وهو اليوم:(

ابيه يتوالف معي ويصير زي اي كاسكو طبيعي :D نصايحكم :o

رد: شكله مافي حل للكاسكو ذا
 

اخوي القفص ما ينع للتدريب

خذ لك ستاند

رد: شكله مافي حل للكاسكو ذا
 

ليش كل شيء تسويه معه بالغصب ..؟؟

أنت شوي شوي معه وان شاء الله راح يطيعك . حتى عمره حلو تقدر تدربه في أقل من شهر على كل اللي تبيه .

أول شيء خليه يتعود يشوفك .. يعني اذا شافك راح يرجع لقفصة ويجغر .. أنت لاتروح .أجلس قريب من القفص .

وخليه يشوفك زين ليين يسكت من التجغير . اذا سكت خلاص قوم من عنده . اذا هو جغر ورحت من عنده بيعرف ان التجغير راح يبعدك عنه ..

فسوي هالطريقة عشان يعرف ان مافيه فايده .

بعدها خليه فوق القفص وسكر الباب . وجيب لك عصا وحطها تحت بطنه .. يمكن ماراح يفهم وش المطلوب أول شيء بس دفها بخفيف تحته واذا ركب فوقها خليه ينزل وعطه فول سوداني ..

كرر هالطريقة لين يصير تلقائي أول مايشوف العصا يطلع عليها ..

الحين نجي للصعب شوي .. حط يدك تحت بطنه . اذا عضك بقوة حاول تسحب يدك بشويش ولا تصرخ أو تعصب عليه .

لأنه راح يعرف انك خفت منه ويتعلم ان العض راح يبعدك عنه .

وحاول معه بشوي شوي وراح يطلع بنفسه .. خله على يدك شوي ورجعه .

وكافأة بالفول السوداني .

المرة الثانيه راح تكون أسهل جدا .. والثالثه لييين خلاص .. أول مايشوف يدك راح يطلع عليها .

بس لاتغصبه أو تمسح على راسه أو ظهره .. لأنه بيكون متوتر وخايف .. وأي شيء غريب راح يخليه يكره هالشيء .

اذا تعود عليك وعلى التمشيات في البيت والحوش عاد خلاص راح يطيعك في أي شيء ان شاء الله .

أتمنى أفدتك وهذي طريقتي في الترويض .. ما أجوعهم أو أغصبهم على شيء .

لأنه اذا سويت له حركه ما أعجبته مستحيل ينساها لك ..

واذا الشيء سواه بنفسه وهو مقتنع ان شاء الله راح تدور طريقة تفتك منه .خخخخ . معليش طولت عليك .

الله يوفقك ويسهل عليك وعليه .. ويتربى في عزك ان شاء الله .




http://www.2zoo.org/get-1-2010-2zoo_org_ghgi7has.gif

رد: شكله مافي حل للكاسكو ذا
 

مشكور اخوي وما تقصر :D

بس بمناسبه المكافئه للفول السوداني هو ما ياكل من يدي ابد :o

رد: شكله مافي حل للكاسكو ذا
 

ايه عادي ..

الحب الشمسي ماراح ياكله من يدك ..

بس جرب معه الفول السوداني ..

عطه من بعيد وهو على طول عيونه فيه ..

على طول بياخذه .




http://www.4u-arab.com/up/upfiles/oJ699249.gif

رد: شكله مافي حل للكاسكو ذا