منتديات تو زوو - عصفورتي عصفورتي سؤال + نصائح

منتديات تو زوو (http://www.2zoo.com/vb/index.php)

- سؤال و جواب لقسم هواة طيور الحب (http://www.2zoo.com/vb/forumdisplay.php?f=97)

- - عصفورتي عصفورتي سؤال + نصائح (http://www.2zoo.com/vb/showthread.php?t=137929)

عصفورتي عصفورتي سؤال + نصائح

السلام عليكم ورحمه الله وبركاته اخواني واخواتي

هذا اول موضوع لي وبإذن الله ماراح يكون اخر موضوع :shy:

انا طبعا عزوبي وساكن لحالي وكذا وطالب جامعي :D

فا تعرفون اثار الفراغ العاطفي والفراغ الغير عاطفي والضغوط النفسيه والغير نفسيه ومشاكل مشاكل ...الخ >>>وش يقول هذا :confused::confused:

المهم ما اطول عليكم

بينما كنت جالس الحالي بالغرفه وجالس افكر بالمستقبل وكذا جا ببالي اني اشتري حيوان الله يكرمكم يعني عشان يسليني ويآنسني بوحدتي وكذا وبنفس الوقت اقضي وقت فراغي فيه واجرب تجربه جديده وحلوه

بس وش اشتري ما ادري..!

فكرت بقطوه؟؟

لقيت مشكلتين فيهم اولا الغرفه صغيره وبتبهذلني وانا اصلا بروحي متبهذل من حوستي هههههههههههه
شلون لو بجيب قطوه

وثانيا اسعارها غاليه وكذا ومووش اد جيب طالب جامعي :D

فا لما رحت المحلات وجلست اتفرج لقيت انسب شي يا اما سمك ولا طيور ولا هامستر

الهامستر ما تحمست له كثير قلت مافيه اي ميزه يعني ما احس انه كويس ويونس كثر الطير او السمك

فا لما رحت المحل سألت عن السمك وقال يبي لك تشتري لها حوض ومعه جهاز ومدري ايش فوق الميتين ريال..!

وانا اصلا مكافئتي وراس مالي 840 اروح ادفع ربعها على سمك؟؟:D

فا قلت بتوكل على الله واشتري لي طير ايضا بمشوره الشباب انه اسهل تربيه من السمك وانظف السمك يبي لك تغير مويه وخرابيط ووصخ وقرف

قلت اوكي سألته وش الطيور اللي عندك طبعا ابي طير للتسليه يعني مابتاجر ولا شي قلت ابي شي صغير يكون وووهذا مايزعج وصوته قوي تعاطفا مع روميتي او اللي هو شريكي بالغرفه :D

قال لي راعي المحل فيه هذي طيور الحب قلت بكم قال لي الجوز ب150 جلست افكر شوي طلعت جيبي لقيت مامعي الا ميه :88:

قلت انا مامعي الا ميه الحين ابي اخذ حبه وبعدين اخذ الثاني

قال لي خذ الحين انثى ب60 ريال ومع القفص والاكل ب40 ريال يعني كلو على بعضو 90 ريال :D

احس انه مضحوك علي طبعا بس مافكرت اهم شي اجيب لي شي يوسع صدري من الطفش

كاسرته يمين يسار والله مايجي وهذا اخر سعر قلت اوكي توكلنا على الله بس بشرط

نزوجها بسعر اقل :D

قعد يضحك حبيبنا الهندي اللي يشتغل بالمحل قال خلاص انت تعال بعدين وجبها معك وبعطيك الذكر ب50 قلت زين ماشي

طبعا مدري ودي اجيب لها ذكر وودي اخليها بعدين مدري

المشكله انها ساكته الحين مالها صوت مدري مستحيه مني مثلا :p

ولا زعلانه عشان بعدتها عن حبيبها حسيت اني متوحش صراحه شلتها الحالها :(

المهم باختصار شريت انثى مع قفصها وعلبه اكل اسمها الكروان ( حب لطيور الحب)
كلها ب90 ريال سعودي طبعا

ووالذكر قال لي اعطيك اياه ب50

هل السعر هذا معقول؟؟ ولا لاعب علي؟؟

غير هذا انا عارف اني بانبسط عليه شوي بعدين بأمل منه فا قلت بشتريه الحين وبعد 3 اسابيع اذا رجعت لاهلي بالرياض عطيتهم اخواني وخواتي الصغار هديه يتسلون فيها وكذا ((عشان اشبكهم واذا بغيت العب بلاي ستيشن يلعبوني :p))

يعني شرايكم بالسعر كويس ولا لا ؟؟

ووالشي الثاني صورتها لكم وعطوني رايكم فيها بشكلها وكذا حلوه ولا لا وبالنسبه للذكر بعدين اذا بغيت اشتري وش تنصحوني اشتري وياليت ترفقون صوره الزوج اللي تخق معه مابي واحد مايعجبها :(

ابي واحد مناسب لها يعني يدلعها وكذا وان بغت تروح لأهلها يوديها لأهلها مايكون قاسي ويقول لها الحرمه مالها الا بيتها :(>>>خش جو عائلي ههههههههههه

والله العزوبيه مشكله

ايه نسيت اقول لكم ترا انا خايف من شي انها ماتطلع صوت مدري عشانها ماتعودت علي مثلا ولا وش السالفه

راعي المحل يقول لها صوت خفيف بس انا ماسمع شي مدري هل بعدين مع الوقت تتعود وكذا ولا لازم اجيب لها زوج عشان تنبسط وتطلع اصوات وتغني له وكذا ولا كيف؟؟ :confused:

عموما اسف على ثقاله الدم ولكم الصور

http://www.2zoo.org/get-1-2010-2zoo_org_liyuvn3k.jpg

http://www.2zoo.org/get-1-2010-2zoo_org_u75trlin.jpg

http://www.2zoo.org/get-1-2010-2zoo_org_ypud54kz.jpg

http://www.2zoo.org/get-1-2010-2zoo_org_lqxg9epy.jpg

http://www.2zoo.org/get-1-2010-2zoo_org_mpiy79w2.jpg

http://www.2zoo.org/get-1-2010-2zoo_org_bnjduyzs.jpg

http://www.2zoo.org/get-1-2010-2zoo_org_zc2czi79.jpg

http://www.2zoo.org/get-1-2010-2zoo_org_uiw8zio3.jpg

http://www.2zoo.org/get-1-2010-2zoo_org_x0jcdbxk.jpg

http://www.2zoo.org/get-1-2010-2zoo_org_tcqoz2b7.jpg

http://www.2zoo.org/get-1-2010-2zoo_org_ouxlg0re.jpg

http://www.2zoo.org/get-1-2010-2zoo_org_a6folryt.jpg

هذي صور جولييت حقتي :D

واستفساري باختصار هو

ما رأيكم بالسعر هل تعتقدون انه مناسب ولا مرتفع بزياده؟؟ :88:

ليش ماتطلع صوووت هل لأنها ماتعودت علي ومع الوقت ان شاء الله بتتعود عالمكان وكذا وتصير تغرد وحركات ولا لأنها ماعندها روميو مثل هذا اللي بالمقطع؟؟ ((انصحكم تشوفونه تراه بطل :D))

http://www.youtube.com/watch?v=Cf5HqysNVXg

والسؤال الثالث هل تنصحوني اشتري لها روميو ؟؟؟ :freind: ولا يكسر خاطرها ويخلي نفسيتها تعبانه مره مثل اللي بالمقطع :( .

يعطيكم الف عافيه ولاتبخلون علينا بالنصايح

وممكن يجي احد يقول اقرا المواضيع حقت المبتدئي والله قريتها بس يعني احس كذا كلام واشياء واجد فا ما استوعبت ابغى باختصار الله يعافيكم نصايحكم لي :o

وتكفون لحد يضحك علي ترا ادري ماعندي سالفه :shy: :rolleyes:

وجزاكم الله خير حبايبنا