منتديات تو زوو - مش فاهمة ايه اللى حصل !!!!!!

منتديات تو زوو (http://www.2zoo.com/vb/index.php)

- سؤال و جواب لقسم هواة طيور البادجي (http://www.2zoo.com/vb/forumdisplay.php?f=98)

- - مش فاهمة ايه اللى حصل !!!!!! (http://www.2zoo.com/vb/showthread.php?t=136255)

مش فاهمة ايه اللى حصل !!!!!!

السلام عليكم

جايبالكم مشكلة جديدة .. كالعادة :o

انا اشتريت من شهر تقريبا 4 سمكات مولى (2ذكر و2انثى) كانوا فى حركة مستمرة بيجروا ورا بعض وبيتخانقوا مع بعض وبيتخانقوا على الاكل والحوض كان عامل زى ساحة المعركة. :)
لكن امبارح لاحظت انهم بقوا اصحاب جدا وماشيين مع بعض فى سرب وحركتهم قليلة وممكن يقفوا لمدة دقايق بدون حركة تماما لكن واقفين مع بعض دايما فى القاع يطلعوا ياكلوا وينزلوا تانى وساعات مش بيطلعوا ياكلوا او الذكر المسيطر بس هو اللى يطلع ياكل وينزل تانى .. حاولت اعرف ايه السبب لقيت ان الفلتر مش شغال (مش عارفة ده له علاقة ولا لا) عموما صلحته ولكن مفيش اى جديد لكن بداوا يتحركوا دلوقتى شوية بس مش زى الاول.

مفيش اى علامات لاى مرض وزعانفهم مفرودة وحركتهم كويسة لما بيعوموا (يعنى مفيش اهتزاز اورعشة اوعدم اتزان)

ايه المشكلة ولا مفيش مشكلة اصلا وده عادى؟

سؤال .. انا اعرف ان المولى لازم يتحطلوا ملح ... ممكن حد يقوللى ازاى؟
سؤال تانى .. فى سمكة من الاناث بطنها منتفخة (ساعات الاقيها منتفخة اوى وساعات تكون منتفخة بس الانتفاخ بسيط) مش قادرة اتأكد هى حامل ولا لأ ومش عارفة اصورها علشان احطها لكم .. قلت احطها فى حضانة واخلص نفسى بتبقى عصبية جدا ومش بتاكل .. مفيش اى علامات تانية اتاكد منها السمكة حامل ولا لأا؟

شكرا لكم