|
كيف انزع الخوف من الكاسكو ؟
السلام عليكم
انا عندي فرخ كاسكو اليف بس فيه خوف .. يعني مو على كيفي امسح عليه احيان يخليني واحيان يطير .. كيف الحل ؟:( |
رد: كيف انزع الخوف من الكاسكو ؟
حاول تمسح عليه وهو داخل القفص وبالنسبة للجعير في طريقة انا جربتها وخف التجعير كثير هي انك تحط الطير في مكان عام بالبيت مثل الصالة او الممر والافضل قدامك على طول على الطاولة او بالارض بتلاحظ عليه الجعير كثير وبعد اسبوع بتلاحظ الخوف الجعير يخف بشكل ملحوظ ولا تطلعه من القفس هذا راي الشخصي طبعا !! وحاول لااحد يعطيه الاكل وينظف له القفص غيرك انت ومع الوقت بيخف كثير الجعير لكن محتاجة وقت طبعا وماانصحك بالترويض
|
رد: كيف انزع الخوف من الكاسكو ؟
معليش وشلون اليف ويخاف منك ..؟؟!!!
عطنا التاريخ حقه ... متى اشتريته ...كم له عندك ؟؟ كم عمره ؟؟ وش نوعه ؟؟ محجل أو لا ؟ شريته أليف والا انت روضته ؟؟ هذا سؤال مهم ..هنا مربط الفرس ... وعلى فكرة بعض الافراخ ... توها على التدريب .. يعني لاتحسبها خايفة منك فقط تتصرف كأنها طفل ...لا تعي ماتفعل دام العين ما ابيضت ..خذ وخل منها ... المهم ساعدنا ببعض المعلومات عن طيرك ... |
رد: كيف انزع الخوف من الكاسكو ؟
اقتباس:
عمره شهرين ونص .. توه مفطوم و معتمد على نفسه .. عيونه سودا قالبه على رصاصي غامق جدا يعني عينه بدت تتغير لونها وتصير رصاصي شريته اليف على كلام راعيه وانا حطيت له اصبعي حط منقاره ووخره ماعضني ولا شي .. ولوف حاولت امسح عليه مسحت على منقاره وجيت ابمسح على راسه خاف وبعد عني حطيت يدي عند بطنه عشان يطلع على يدي ماعضني ولا طلع على يدي يعني احس اذا مسحت عليه انه يخاف وبطنه يتحرك ومره مسكته وراح عني .. وبعدين الله يكرمك سواها من الخوف .. واختي الصغيره مسحت على ظهره وهو طار من الخوف وصقع بالجدار وطاح:D ! يعني شكله موب متوالف معي او متعود على صاحبه القديم مدري والله .. لكن ما ابيه يخاف مني اعطيته اكل كل ما اعطيه حب شمسي يرميه اخر شي جا اكل حبه وطاحت منه :D ! اللحين كيف اخليه يتطمن معي ..؟ |
رد: كيف انزع الخوف من الكاسكو ؟
اخوي موضوعك سهل جدا ًًً
اولا عشان تكون بالصوره عمر طيرك من 4 الى 6 شهور والعمر مناسب جدا جدا للتدريب عليك اخي الكريم بقص الجناح ويفضل شخص غيرك واذا اضطررت انت احضر قطعة قماش وحجب نظر الفرخ عنك حتى لا يخاف منك مستقبلا ً وبعد ذلك عليك بأطعام الفرخ من يدك ولما تعطيه الاكل تناديه باسم او تقول له تعال بالمره الاولى والثانيه مراح يجي ضروري تستخدم اسلوب التجويع الخفيف ولما يتعود الطائر عليك امسح على راسه وتأكد بان الفرخ او اي طائر يفرح لما شخص يمسح على راسه والله يخليه لك |
رد: كيف انزع الخوف من الكاسكو ؟
اقتباس:
http://www.2zoo.org/get-12-2009-2zoo_org_km5r23nk.jpg وتراه اصغر من 4 شهوور |
رد: كيف انزع الخوف من الكاسكو ؟
يا استاز بيشو ....هدي من روعك ...
خلي الطير ياخذ عليك ....عطه فرصه ..أمس مشتريه وتبغاه يطلع على يدك اليوم اسمع لاتجوعه ولا تدربه خليه بس ياكل ويشرب وينام وعطه حنان ودلع والعب معه .... لحد مايكمل 7-8 شهور . طيرك ياحبيبي صغينون... المطلوب الحين خليك لطيف معه وشوي شوي بتلقاه هو يدور يدك تمسح عليه ويطلع عليها . المهم حاليا ...خليه حولك ...خليه يعتبرك امه ولامواخذه طبعا .... خليه ياكل قريب منك ومن يدك اذا بغيت ... جيب سفره والا طاولة وحطها بالمكان اللي تحب تجلس فيه ... وخلي الاهل يزبطون لك صحن صغينون من بعض الفواكه والخضار تفاح وبرتقال وعنب وخس وجزر واخلط معها حب شمسي صغير اذا ودك .. وخليه هذا طبق شبه يومي لطفلك المدلل ....مثل ماقلت لك لاياكله الا جنبك وبعيد عن القفص دفيه كويس .... لاتنقله بين الغرف ..... خليه بمكان واحد وقت الشتاء بمكان دافئ على طول خليه ينام جوا القفص وغطي قفصه بغطاء خاص للبرد يباع بسوق الطيور وبعدها ...اصبر وماصبرك الا بالله العلي العظيم ..... درب فيه على كيفك.. اتمنى لك التوفيق |
رد: كيف انزع الخوف من الكاسكو ؟
اقتباس:
قد قرات ان كل ماكان الطير صغير كل ماكان يتعلق بصاحبه وتدريبه سهل وكذا .. هو اللحين اليف وجاهز ما ابي ادربه على اشياء صعبه بس ابي امسح عليه وقت ما ابي واشيله بيدي واحطه بالقفص واطلع من القفص بيدي امس ماعرف كيف يدخل القفص خليته على الغطا وقلبت الغطا وقبلت القفص عليه وبديت احس انه خاف من الحركة .. انا كان عندي كاسكو عمره حول السنتين بعدين مات ! ماجربت امسكه بس كان هادي ولا يجعر كنت لما احطه على الغطا واقلب الغطا عشان اقفل القفص كان دايم يهرب ويحاول يعض .. اللحين اخاف حالت الخوف تتكرر وما اتهنى معه وطفولته تروح ولا استفدت منه:D ! اخاف اذا تركته بيكبر مع نفسه ويصير عدوااني .؟ويعض |
رد: كيف انزع الخوف من الكاسكو ؟
لاعليك ...يبي يتعلق فيك ..بس اصبر عليه
والافريقي.....بطبعه خواف وحذر .. سواء صغير او كبير ..... خلي حركتك وحركة يدك معه بطيئه .... وتكلم معه وابتسم اذا جيت تغطيه والا تمسح عليه علشان يطمن منك هلا بيك |
رد: كيف انزع الخوف من الكاسكو ؟
أطير ما تأقلم على المكان وعليك أصبر عليه أسبوع عشر أيام وبهالفتره خله يشوفك أكثر واحد وأنشاء الله يتعود عليك لالالا تستعجل الكاسكوو تراه طير ذكي وبنفس الوقت حذر جداا وطيرك أصغير أعتني بصحته و نوع له بألأكل وعطه ألأكل ألي يقوي مناعته و خليه بمكان حرارته معتدله ((( أحرص على صحته))) |
| جميع الأوقات بتوقيت GMT +3. الساعة الآن 11:54 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو