ساعدوني شريت قطو.... (عضني).
 

السلام عليكم

شريت قط ذكر تاريخ ميلاده 2008 mar نوعه فارسي لونه ابيض و رصاصي , حجمه كبير , شريته من سوق الحمام .
القط عنده شهاده طبيه مكتوب فيها متى طعمو و أسم صاحبته (القديمه).

خبرتي في القطاوه : عندي كتاب مال قطاوه اسمه the complete cat (vicky halls) v قريت الاشياء المهمه فيه قبل لا اشتري القطو .

اول مايبت القط كان خايف راح تحت كرفايتي (لمده ساعتين) بعدين طلع و قعد يتمشى بالبيت
ويستكشف , شاف الرمل ماله و قضى حاجته فيه , بعدين حاولت ألمس عليه جان يعضني , خليته لمده 3 ساعات (قعد يتمشى فوق طاولتي و على كرفايتي و يمبطح و يتقلب ) , جان اروح لمست راسه جان يعضني بدون سابق انذار (عضته قويه طلع من ايدي دم ) , الحين القط موجود في البلكونه معه رمله (خايف يهجم عليي بليل جنه نمر مقعد مو قطو) بس شكله حلو و يكسر الخاطر .

اذا تم على هل حال راح اطرده (انا شاريه علشان اجيسه ) .
الي انا مستغرب منه اني كنت اجيسه عادي بالسوق و البياع (هندي) طلعلي اياه عادي (يقول انه توه عارضه ماصار له يوم .

انا الحين مو عارف شسوي ؟ شنو رايكم

رد: ساعدوني شريت قطو.... (عضني).
 

ههههههههههههههههههه يآحليلك اخوي:)
عآتي تعيش وتآكل غيرها

يامآ جتنا عضآت :) انت مثلي لما اشتريت مع انو زغيروووون مآره

بس شي طبيعي لانو المكان غريب عليه وجديد بيكون خايف ويدافع عن نفسه

صير حنووون معااه وقدم اكله ولاعبه بس حبه حبه يبيلك شويه صبر :) والمسأله مسأله وقت انا جلست اسبوع وعليها وبعدين تعودت علي واللحين تمشي معي مثل ظلي وين مارووح ورآي وتحب تلعب وتزعج وتشاكس

عقبآل قطوك:)




ولانه متعود على صاحبته القديمه وانت بالنسبه له غريب

عامله حلووو ومثل ماقلت لك شويه وقت ويتعود

والله حبيته من قلب هالقطوووو :)


ان شالله تنزل صوره قريب:)

والله يحفظه لك ويتربى بعزك


وآن شآلله تشوف كتآكيته:)

بالتوفيق


اختك:روووآن

رد: ساعدوني شريت قطو.... (عضني).
 

رد: ساعدوني شريت قطو.... (عضني).
 

رد: ساعدوني شريت قطو.... (عضني).
 

رد: ساعدوني شريت قطو.... (عضني).
 

هذا امر عااااادي هي مسالة وقت فحسب
لا تخاف