منتديات تو زوو - ...<كيف نعرف ان البيوض مخصبة >...

شوف هي الطريقة صعبة شوي ..

أول شيء لازم يكون عمر البيضة موب أكثر من اسبوع .. اذا أكثر من كذا تزيد احتمالية فسادها .

ثاني شيء تاخذ البيضة في غرفة او مكان ظلااااام وتشوف بالمصباح أو الفلاش ..

اذا كانت مخصبة تشوف عروق صغيرة واللون صافي يعني مافيه بقع من النور ومعناه ان مافيها هواء أو غازات و بقعة صغيرة وحدة غامقة متشعبة منها العروق .

اذا كانت غير مخصبه فمانتب لاقي شيء .. لأن انتشار العروق يعني وجود جنين .

اذا كان فيه عروق بس مع وجود بقع من النور يعني ان الهواء دخل في البيضة نفسها وفيه حلقة دمويه دائرية مثل السوارة أو الخاتم تكون واضحة معناها فيه جنين لكن ميت .

هو المشكله ان البيضة في الأسبوع الأول يكون الجنين صغيييير فيها فما يبين ويمكن الواحد يخطيء أو يصيب .

طبعا اذا كنت تعرف أحد بخبرة بهالأمور يروح معك للسوق يكون أحسن شيء .

أتمنى أكون أفدتك ومعليش على التأخير في الرد لأني كنت أحاول أبحث في الموضوع .