|
كم من سؤال عن قطوي الي عمرة شهر ونص
السلام عليكم كيف الحال؟ ان شاء الله بخير امس اشتريت قطو صغير عمره شهر ونص واكله عبارة عن اكل جاف خاص للقطط يبلل بالماء ويقدم للقط السؤال الاول هل اقدر اعطيه طعام اخر مناسب لقطو بالهلعمر السؤال الثاني هل اقدر اسبحه لانه الجو الحين مو حار جدا دافىء وهو صغير بالعمر السؤال الثالث مشكله مع القطو مايحب السرير الخاص به وكله ينام لي على السطه او على الدرج وإذا اشيله واخليه في سريرة مايبيه يطلع منه |
رد: كم من سؤال عن قطوي الي عمرة شهر ونص
اي عادي تقدر تعطيه اكل البيت وتقدر تسبحه وخله ينام بالمكان الي يريحه تحياتي الله يبارك لك فيه
|
رد: كم من سؤال عن قطوي الي عمرة شهر ونص
بما انه صغير فتقدري تشربيه حليب وتأكليه جبنه سواءا جبنة كاسات او جبن شرايح او جبنه بيضا او لبنه
بس اتوقع البسس يحبو الجبنه الشرايح الصفرا زي اللي تنحط بالهمبرقر اكثر :D عالاقل بستي تحب الشرايح اكثر اما عالسرير ما اتوقع تقدري تعوديها تنام عالسرير حق البسس خليها تختار مكانها بنفسها :D انا بستي من وهي صغيره تنام جنبي عالسرير وهي اللي اختارت المكان فدحين عمرها 10 شهور ولسه تنام عليه تعودت خلاص المكان اللي تتعود عليه حتقعد تنام فيه طول عمرها :D |
رد: كم من سؤال عن قطوي الي عمرة شهر ونص
السؤال الاول هل اقدر اعطيه طعام اخر مناسب لقطو بالهلعمر
جبنة مثلثات..حليب قليل الدسم مخفف بشوية ماي.. وتقدري تعطينه شوية سيريلاك.. السؤال الثاني هل اقدر اسبحه لانه الجو الحين مو حار جدا دافىء وهو صغير بالعمر بما انه شهر ونص..فمعناه انه ما بعد ياخذ اي تطعيم.. و بما انه ما أخذ ولا تطعيم..فما راح تضمنين حمايته من البرد.. لأنهم بهالعمر حساسين بدون تطعيم..اصبري عليه اسبوعين.. طعميه..وروشيه..أو اذا كانت فيه ريحه غير محببه..بلي فوطه و ما تكون مليانه ماي..وامسحي عليه..وجففيه بفوطه ثانيه..:) السؤال الثالث مشكله مع القطو مايحب السرير الخاص به وكله ينام لي على السطه او على الدرج وإذا اشيله واخليه في سريرة مايبيه يطلع منه كلنا نعاني من هالشي..:p بس توني قريت موضوع لعاشقة القطط..:) انك تحطين له الغدا على سريره وقت قيلولته 1.30 لأنه بيكون نعسان..والأكل بيثقله..فبينام بمكانه.. و عوديه كل يوم كذا..وان شاء الله تشوفينه من نفسه ينام فيه.. و يفضل يكون سريره تحت طاوله مثلا او كرسي..عشان يكون شوي مظلم.. والسموحة على القصور,, |
رد: كم من سؤال عن قطوي الي عمرة شهر ونص
اكله جبنه مثلثات والدراس فود و قطعه تونه صغيره وبللها واعصرها عشان الزيت يروح
|
رد: كم من سؤال عن قطوي الي عمرة شهر ونص
هـــلا البطريقه , مبرووووووك عليك الأطئـوط 1 - اي تقدررين , أعطيه جبن وزبادي قليلين الدسسم , دجاج مسلوق مع خضروات, بيض مسـلووق , خبز مع جبـن . 2 - لا لسا صغييير انتظري يكمل شهـرررين وحمميه , خيـو لوويس , حتى لو ماتطعمـوا وحممتهم وحافظت على انهم مايتعرضون لآي هواء بـارد ما بيجيهم شر ان شاءالله , قطاوتي الي قبل ماتطعموا الا يوم بعتهم , وكان عمرهم خمس شهور تقريبا وفـوق , والحمدلله طول ماكنت أحممهم ماجاهم شرر الحمدلله .. :) 3 - شوفي خيتي , هو يعتمد أول شي يعتمد عالقطو نفسه . التدريب عالنـوم زي ماذكر اخوي لويس بيفيدك , بس لو القطو نفسه رافض النوم فيه . لاتغصبيــنه خليه على راحته , أنا إيما ماعمري دربته على النوم بمكان خاص, لكن هو من نفسه يحب ينـام كثير بالأماكن الخاصه فيه , مثلا أوقات احط له مفرش عند أغراضه , ويروح ينام عليه , وأوقـات احط له مخدهـ عند أغراضه .. وكثيـــر ينـام فوقها على اني مادربته أبد .. بس زي ماقلت لك هو يحب هالسووالف وبالتوفيـق يا أمرر < كل هالعــرررس عشان الـ 6000 :D |
رد: كم من سؤال عن قطوي الي عمرة شهر ونص
مشكورين جميعا ماقصرتم
مافي حد منكم ذكر اللحم واليوم عطيت القط قطعه لحمه في ضرر عليه؟ وفي شيء مقلقني القط بيطلع صوت من بطنه هل هو مريض ولا شنو؟ |
رد: كم من سؤال عن قطوي الي عمرة شهر ونص
اللحم ثقيل عالمعده فـ كثرته مو زيـنه ..
والصـوت الي بطنه اتوقع تقصدين الخرخره .. زي كذا غررررررررر اذا كذا عااادي خيتـو هذا الصوت يصدره القطوو لما يحس بالألفه والأمــان والرراحــه |
رد: كم من سؤال عن قطوي الي عمرة شهر ونص
مشكورة sisi_moon ماقصرتي:)
الله يعطيكِ الف عافيه:) |
رد: كم من سؤال عن قطوي الي عمرة شهر ونص
خيتو سيسي..انا أقصد تعرضه للبرد بيكون أكبر من القطط المطعمه لأنها محصنه نوعاً ما..:)
وانتو أدرى ;)..بسئلك..وش قصدك تحطين مخدة قطوك يم أغراضه..يعني جنب اكله وشربه.. و لا ألعابه ولا..؟؟ لأني حاط للعلة اللي عندي مخدة كبيرة كنّها كفوو..:p و مليت وانا أنقل فيها من مكان لمكان..ما تبي تجلس عليها الا اذا كنت العبها وجبت الخيط فوق المخده تستااااانس تقط جسمها قط على المخده لأنها ضامنه انها ما بتتضرر..:D طيب يا مسودة الوجه (على قولة اخواننا الامراتيين:D )دامك معترفه انها لينه ومريحه.. ليه ما تنامين عليهااا..:mad: سامحوني على الإطالة والمداخله..بس بغيت أبررد تسبدي..:p |
| جميع الأوقات بتوقيت GMT +3. الساعة الآن 02:41 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو