|
الببغاء قلب علي .... ونفسيته شينه ارجو المساعده !!!
السلام عليكم ورحمه الله وبركاته
اخواني هذي مشكلتي واتمنى احصل لها حل (: لدي ببغاء افريفي من نوع جامبو الرمادي له تقريبا 4 سنوات عندي يتكلم واليف جدا ويطلع على اليد وينزل راسه اول ماتجيه ...ألخ الحين قلب صار عادي يخليك تجي وتلعبه بس يمكن يغدر فيك ويعضك عضه شينه ( تعور) :( طبعا من اول مستحيل يعضك زي كذا ابداااا مادري وش السبب الحين بدا ينتف ريشه وجناحه وخاصه الي على صدره ونفسيته دماااااااار جد ... وكان ماله خلق احد ضيق صدري والله اخاف يبي يعرس :confused: الصراحه مخليه بصاله يعني عنده حس وخاصه الاطفال الصغار بس المشكله مانلعبه كثير يعني ماينعطى وجه مثل اول (: ولا اتوقع ان هذي المشكله وش الحل اوديه محل اشتريله العاب ... مادري ليه احسه حاقد علي وهذي اول مشاركه لي في هل منتدى الشامخ اتمنى احصل ردود او اي نصيحه وشكرا للجميع مقدمااا اخوكم فيصل |
رد: الببغاء قلب علي .... ونفسيته شينه ارجو المساعده !!!
مرحبا اخوي فيصل وحياك الله بين اخوانك ،،
شوف الطير اذا ينتف ريشه اكيد ما عنده أحد يهتم فيه مثل أول وعموما الكاسكو في العمر هذا تغير نفسيته شوي عشان البلوغ وراح يرجع مثل أول واحسن بأذن الله،، نعم الالعاب مهمه تشغل الطير من التنتيف وحط له جرس يطقطق عليه،، اتمنى اني افدتك. |
رد: الببغاء قلب علي .... ونفسيته شينه ارجو المساعده !!!
انا اقول وده البيطري حرام تفرط في الطير خصوصا انه عندك من سنوات يمكن مرض في جلده لاسمح الله يعني توديه البيطري افضل لك
|
رد: الببغاء قلب علي .... ونفسيته شينه ارجو المساعده !!!
اخوي ما اقدر افيدك
او اعرف كان علمتك |
رد: الببغاء قلب علي .... ونفسيته شينه ارجو المساعده !!!
اخوي بالنسبه للكاسكو مثل ماقالو الاخوان توديه للبيطري يجووف شفيه وبعدين الطير لازم يبي احد يقعد معاه
لان يتملل من الوحده خلك معاه عشان مايحس انه وحيد كل ماحس بالوحده والملل كل مانتف ريشه اكثر والالعاب بعد لها دور |
رد: الببغاء قلب علي .... ونفسيته شينه ارجو المساعده !!!
انا افضل انك تشتري له ببغاء اخر
وحاول تهتم بنظافة القفص ولو تغير الروتين شوي يمكن افضل مثلاً تشتري له ستاند بدل القفص وتجيب له العاب .. الخ |
رد: الببغاء قلب علي .... ونفسيته شينه ارجو المساعده !!!
كفيتوو وفيتو جزاكم الله خير
طيب مشكلة العض ... الان مستحيل احط له يدي ... عضته شينه !!!! وماكن يعض زي كذا ابدااا وبنسبه للاهتمام القفص ينظف يومين تقريبا ومستحيل تشوفه مهمل من هل ناحيه. والتغير كل يومين او 3 اطلعه من القفص يطير ويتمشى على راحته وارجعه قبل لا انام (طبعا دخل البيت) والمساحه كبيره يعني ماخذ راحته وكان ينبسط اذا طلعته , فا الاحتمال الاكبر هو العمر انه كبر او سن البلوغ لان عمره الان 5 سنوات تقريبا و مثل ماقال ابو محمد وبكره ان شاء الله بوديه بيطري ويكشف عليه ... واذا احد يعرف بيطري كويس بمدينة الرياض يدلني عليه و اكون له شاكر ملاحظه/ هل ببغاء شريته من لبنان عام 2005 تقريبا وهربت بكرتون جزم اكرمكم الله حتى دخلته التفتيش حق الاشعه بالمطار وجت سليمه >>> فاخاف انه درى شلون هربته يوم كبر ويبيردها لي هههههههه;) وازعجتكم معي وكثر الله خيركم ماقصرتو مشكورين |
رد: الببغاء قلب علي .... ونفسيته شينه ارجو المساعده !!!
|
رد: الببغاء قلب علي .... ونفسيته شينه ارجو المساعده !!!
أنا قريت كم موضوع تقريباً يشبهه حالة طيرك ... فأنا شوري عليك مثل ما قالوا الاخوان إذا حصلت بيطري كويس وده لمه وخله يفحصه .
وبعدين جب له طير ثاني وأفضل شيء يكون كاسكو مثله .. علشان يوسع صدره .. يمكن تكون حالة نفسية . وعقبال ما يرجع زي أول وأحسن إن شاء الله ... والسلام . |
رد: الببغاء قلب علي .... ونفسيته شينه ارجو المساعده !!!
حبيبي اشترله من البيطري فيتامينات يكون بودر اتحطه بالماي واشترله لعبه وعلى سالفة العض عادي خذ اشوية عسل او مربه توت او بطيخ وحطها على اصبعه وخل الطير يلحس بالسانه ويتذوق طعم العسل او المربا وانشاء الله راح ينسى العض
|
| جميع الأوقات بتوقيت GMT +3. الساعة الآن 06:37 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو