|
ببغـــــاني ( حــــــزين ) وش اســــوي ؟!
الســــــلام عليكم ورحمــــة الله وبركاتــــه
كيف حالكم .. ببغانـــــي طبعاً هو اصلاً اصلاً طبعــــه كسول ومايلعب كثير ودايمـــاً يحب يجلس بمكان معين .. + يحب التفاح و جوز الهند وعين الجمل .. ودائماً كان بيصدر اصوات حلوه منه يصفــــر ويقول مين .. الحين .. لــه اسبوعين لاحظته مايفــــر الا قليل .. واغلب وقـــته نايم .. هو اصلاً يحب النوم .. وامـــــي تقول انو ببغانـــــي مررررررررررررررره حزين ويبغالــــه صاحب ( ببغان تاني ) بس طبعاً ابوي رافض .. وش اسوي ؟ حرام محزني .. كيف افرحـــه ؟ كيف ارجعه مبسوط ويلعب ويطقطق ويصفــــر ؟ مع العلم عشان ماتقولوا لي انه مريض .. انه صحته جيده وبرازه جيد وتنفسه سليم الحمدلله .. وياكل وجباتـــه دايماً ^^ بس ما أبغــــاه حزين .. |
رد: ببغـــــاني ( حــــــزين ) وش اســــوي ؟!
اختي الله يعينك اتخيلك طول النهار متظايقه عشانه
وعندي لك حلول يمكن تفيدك اولها جيبي مرايه وحطيها عنده او شيليه وحطيه قدام مرايه طول النهار وهو راح يحسه طير ثاني جالس جنبه وثانيها جيبي له العاب الوانها مميزه وعلقيها عنده بشر تكون العاب قويه ماتنكسر بسهوله عشان ماتأذيه وثالثها انك تشتري اي طير مو لازم مثله وخليه حوله بس مو معاه وهو راح ينشغل فيه او خلي مكان القفص جنب شباك والشباك يطل على شارع فيه حركه كثيره بس انتبهي من الشمس والباقي انشاء الله الأعضاء بيفيدونك * |
رد: ببغـــــاني ( حــــــزين ) وش اســــوي ؟!
اقتباس:
ما قصرت الأخت بندوله . |
رد: ببغـــــاني ( حــــــزين ) وش اســــوي ؟!
بس تدروا اصلاً أنا قبـــــل ماأروح الجامعه حاطته على تسريحتي من غير قفص يعني تقريباً في اليوم يجلس قبال المرايـــا من 6 الى 5 ساعات ..
وعلى حكايــــة احطـــه على الشباك مافي امكانيـــه بصراحــه .. وابوي مايبغى ولااااااا حيوان بالبيت .. للأسف :( |
رد: ببغـــــاني ( حــــــزين ) وش اســــوي ؟!
طيب حطي له العاب اخوانك كلها
بس شلون تحطينه على التسريحه مايخرب ؟؟؟؟؟؟؟؟؟؟؟؟؟؟؟؟؟؟؟؟ جربي حطيه باالقفص وقدامه مرايه من دون مايطلع |
رد: ببغـــــاني ( حــــــزين ) وش اســــوي ؟!
ببغانــــي ترا كأنه حيوان محنط .. يروح ياكل ويشرب ويرجع يتحنط بمكانـــه خخخخخ ..
والألعاب حطيت له مرا .. وكان وجودهـــا زي عدمهــــا XD .. |
رد: ببغـــــاني ( حــــــزين ) وش اســــوي ؟!
اختي يمكن انتي ما تجلسين معه وقت اطول او انه متظايق من القفص اشتري له قفص اكبر و حطي بقفصه العاب بئلون فاقعه عشان تشغله و يلعب بعا و حاولي تحطينه له احشاب بلقفص او حطيه في الحديقه كل يوم 3 ساعات واذا ما عندكم حديقه بسطح هع هع زي ما احط ببغائي و انشاء الله يتحسن بس اهم شي انك تعطينه حقه من وقتك
|
رد: ببغـــــاني ( حــــــزين ) وش اســــوي ؟!
احيانا تجي فترة تتغير فيها نفسية الكاسكو يعني ان شاء الله مسئلت وقت وتعدي والله اعلم
|
رد: ببغـــــاني ( حــــــزين ) وش اســــوي ؟!
السـلام عليكم اختي من وصفـك نقول ان ببغائك مو مريض ولله الحمد وهذا اهم شي لان الببغاء اذا ماكان مريض يهون كل شي أتوقع ان ببغائك يعاني من الملل + مافي شي جديد في حياته الحل بسيط جدا اول شي انتي تقولين انه برا القفص حقه يعني مايدخله وهذا السبب الطير خارج القفص ومحرر يروح ويجي على كيفـه وهذا غلط الحين لازم انك تعودين الطير على القفص الطير اذا انحبس في القفص راح يحس بالملل وراح يتجه لـ التصفير + الكلام اتوقع ياخذ وقت لحد ما يحس بالطفش ويبدا في التصفير والكلام عشان يبعد الملل عنه بعدين اذا طيرك صار يتكلم وهو محبوس في القفص تبدين تطلعينه فترات معينه مثلا الصباح او العصر او المغرب بعدين يدخل القفص ويجلس فيه اهم شي ان الطير يقضي اغلب وقته في القفص وتجلسين معه يعني تحطينه في القفص وانتي معه في نفس الغرفه وتكلمينه وتنادينه حتى يتعود على القفص راح تلاحظين تغير في الطير في لايام الاولى اذا انحبس لانه ماتعود على القفص اهو كان متعود على انه يكون خارج القفص المهم الان ان الطير مايطلع من القفص يمكن تلاحظينه يسكت مره لا تتعاطفين معه يمكن يبدأ في نتف الريش شي عادي الحل انك تدهنين الطير بـ زيت الزيتون وراح يتوقف هذي كلها افتراضات يمكن تصير ويمكن لا لان للأحاطه اقولها لك اتمنى أكون افدتك تقبلي مروري |
رد: ببغـــــاني ( حــــــزين ) وش اســــوي ؟!
مادري ياشباب احس حبسة القفص جدا صعبة ولو انها مفيدة جدا
والله عندي طير لو حبسته البيت كله يقعدوا يترجوني افكله من الحوسه الي يسويها( انواع التخبيط والتكسير والريش طاير في كل مكان ). ما اقول الا الله يعيننا ويصبرنا على طفشهم وزعلهم. |
| جميع الأوقات بتوقيت GMT +3. الساعة الآن 08:04 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو